LinkBack URL
About LinkBacks
الاستفسارات
7 " - هل في هذه الجامعات وفي تخصصي Business Admin Financ يكفي شرط الدراسة في المعهد بدون اليتس او جيمات مع العلم ان انجليزيتي ليست ضعيفة جداً ؟ طبعآ جامعة ولونغونغ ..تقدر تدرس في المعهد التابع لها او معهد التيف وتدخل الجامعة بدون الايلتس..ومدينة ولونغونغ مدينة صغيرة ساحلية تعتبر من ضواحي سيدني ٩٠ كيلو فرق (عندنا يالسعوديين ٩٠ كيلو نروح نتغدآ ونرجع
) رخيصة بالمقارنة بالمدن الكبيرة. - هل مسألة التكدس قد هذه تحل في المرحلة القادمة ؟ طبعآ مسالة التكدس ملتزمين فيها طلاب برنامج خادم الحرمين الشريفين لكن ابتعاث الموظفين غالبآ لايلتزمون فيه ..وفيه امثلة كثيرة لجامعات مغلقة للتكدس من سنوات وحتى هذه اللحظة يتزايد فيها الطلاب السعوديين المبتعثين من جهات عملهم. ( عليك بجهة عملك فقط فقط فقط ..لكن ان جهة عملك تطلب موافقة الملحقية الأمر شوي صعب)
- ايهم افضل من هذه الجامعات من حيث المدينة والسكان والتكلفة؟ طبعآ مثل ماقلت لك ولونغونغ جنب سيدني وجنب كانبرا(عاصمة استراليا اللي فيها الملحقية والسفارة) ويعتبر الطقس فيها نوعآ ما دافى لكن تسمانيا جزيرة منفصلة في جنوب استراليا طقسها نوعا ما بارد ..والوسيلة للذهاب لها هي الطائرة. طبعآ الجامعتين تعتبر متوسطة الصعوبة..واغلب برامجهم للماستر تكون سنة دراسية واحدة.
- موضوع توصيات الدكاترة هل هي ضرورية او تكفي خبرة العمل ؟ موضوع التوصيات الاكاديمية في السعودية سهل جدآ ..مجرد ذهابك لقسمك في الجامعة تجد نماذج جاهزة للتوصيات الاكاديمية يوقع عليها اي مسؤول بالجامعة بعد ماتعطيهم الشهادة أو كشف الدرجات.. لكن الجامعات الاسترالية لاتشترط التوصيات الاكاديمية ، لكن الخبرة تكون مشروطة في بعض التخصصات لذا ركز ع الخبرة بارك الله فيك.
- هل يحتاج مبتعث الماستر والموظف بخبرة عمل قرابة الخمس سنوات الى كل اجراءات البكالريوس في الحصول على القبول ؟ الاوراق المطلوبة للتقديم تكون كالآتي: جواز سفر+ شهادة الجامعة+كشف الدرجات+الخبرة العملية+ وحط اللي تبي من دورات او توصيات ع راحتك
- زوجتي سترافقني هل ابحث لها عن قبول في معهد من الان او الأمر بسيط هناك؟؟ وهل تتكفل الملحقية بدراستها للغة ؟ ونا اخوك التقديم للدراسة في معهد اللغة تاخذ يومين او ثلاثة من داخل استراليا عشان كذا لاتشيل هم التقديم للمدام.
- هل اذهب بها معي او اذهب لارتب الاوضاع والسكن ثم تأتيني؟ >>>شغل شيبان هذا الأمر عائد لك بالمقام الأول ..لكن في كلتا الحالتين مقبول الأمر ..وان كنت أرجح أنك تجي لحالك في البداية لترتيب أمورك وامور السكن والسيارة وبعد ذالك تلحقك ام العيال. الامر في سعه بارك الله فيك.
May 6th, 2013, 12:04 PM
اظن مثل هذا المنتدى يحتاج لافراد موضوع خاص للشكر....بلاشك
لكم الفائدة الكبير الذي فيه ...والتي تبرهن علاقة الاعضاء ...ولحمتهم
ساسرد معلوماتي اولاً ثم استفساراتي وكلي أمل ان اجد الجواب الشافي لديكم ...با خبراء الابتعاث وخبراء استراليا...
الاستفسارات