استفسار بأذن الله انه الأستفسار الاخير يا مرجعيات استراليا وخبراء تخصص الأدارة

اهلا بالغالي والاجوبة السنعة..
بالعافية عليك الكنافة....يارب
اقصد خيار الـ IMBA تخصص مالية
لاني زي ماقلت لك انا اخاف اعتمد على احد في مسألة التعاون والعمل ولايكون كفء او اني انا أني انا لظرف ما لاسمح الله اضر احد...
لكنIMBA وفق سردك أنها ذات تخصص فردي اكثر...وفق مافهمت
لكن للامانة وانا في المعهد بتابع مسألة ال MBA عن قرب كذلك IMBA وراح احدد لكني بالتاكيد أني لا ارغب Master of Commerce

لكن السؤال الذي نشأ بعد ردك وللامانة انا شفته بموقع الجامعة الي هي مسألة الـAdvance !!!
يعني هل هو تخصص اختياري ؟
يعني بامكاني اكون (IMBA-finance-Advance ) او (IMBA-finance)

يعني عبارة ادفانس وش تأثيرها بالتخصص ؟ و ايش تضيف؟

وشكراً لك ادام الله كنافتك

الله يعافيك وتامر امر
حظك شين دخلت اليوم على موقع الجامعه ولقيت انهم موقفين IMBA للفصل الدراسي الثاني 2/2013 مؤقتا عاد مادري يبي يرجعونه السنه الجاي 2014 او لا.
على العموم انا انصح بالMBA مزال معك خبرة عمل وتبي تستمتع بالمواد كون بعضها ادارية . بالنسبة للخبرة يحتاجون اقل حاجه 3 سنوات بس وتكون لازم سنتين بالادارة او مشرف. وضعك بالسليم عندك خمس سنوات
السمعه من صالح الMBA اقوى بكثيييييييييييييييييييييير من IMBA لان الIMBA موجود للطلبة الي مامعهم خبرة لكن انت وضعك غير .

الAdvance عبارة عن دراسة ترم واحد فقط ومالة دخل بالبرنامج الي تدرسه . معناه بعد ماتخلص من البرنامج الدراسي عندك خيار انك تتخرج او تكمل . اذا قررت انك تكمل في نموذج تعبيه ( بيانات البرنامج الجديد و الكود وغيره) بعد ماتاخذ الموافقه من الجامعه لازم تجيب الضمان المالي للترم الزائد. التميز فيه انك اذا ودك تتميز وتجرب تخصص جديد وتدرس اربع مواد فقط. اذا سجلت وغيرت رايك بعدين عادي الوضع ترجع وتقولهم مابي اكمل ويخرجونك بماستر فقط .

هذي المواد :
Human Resource Management 10
Corporate Finance 10
Marketing Management 10
Business Economics 10
Accounting for Managers 10
Business Law: A Critical Thinking Approach 10
Managing Change Through Responsible Leadership (See 1
Business Strategy
Sustainability and Systems Thinking
زائد ثلاث مواد اختيارية .
تقدر تاخذ معادلة مواد من مواد البكالوريوس اذا تبي وبما ان البكالورويس كان تخصص المحاسبة اقل حاجه يبي يعادلون لك Accounting for Managers

شكل مامعك انجليزي يعني على الاقل تبي تدرس سنه في معهد الجامعه.


بالتوفيق

حظك شين بعد . دخلت على موقع الجامعه على MBA لقيتهم مغيرين البرنامج . البرنامج بالعادة يكون 8 مواد عام وبعدين تدرس 4 مواد بالتخصص مثل المالية او التسويق وغيرها
الان تدرس الMBA كعام من دون تخصص وتدرس المواد الي فوق . يمكن خيرة لك.
علشان تقدم على الماستير لازم يكون معدلك بالبكالرويوس 4.5 من 7 أي 3.2 من 5 أي 2.5 من 4 على حسب من اي جامعه متخرج.
حكاية المعدل ترى تختلف من طالب الى اخر بمعنى مجلس التسجيل والقبول يدرسون كل ملف طالب على حدة. ولو افترضنا ان معدلك نازل لكن عندك خبرة واوراقك كاملة ممكن يمشونك.

بالتوفيق

هلا بالغالي
هذا مو حظ شين هذا حظ بطاطس هههههههه يالله الله يسهل
والله ما اخفيك لغتي مو سيئة ولكني احتاج لكم كورس لغوي اكادمي .. لاني مخلص 9 مستويات لغة عامة...يعني ما اتوقع اني احتاج لسنة كاملة لغة...
لكن بخصوص الIMBA وال MBA يارجال يسهل الله...
لكن MBA خيار منطقي وصدقت فيه من ناحية الجو العام وكوني ممارست هالنوع من الاعمال تقريباً...
ولكن البكالريوس مو عالي كان 2.88 من 5 (جيد) ويادوب لكن لعل توصية مديري بالخبرة خمس سنوات ونصف ومعي كم توصية من بروفسور ومساعد بروفسور والدكتور رئيس قسم ادارة الأعمال....يعني الله بيسهل باذن الله وبرفق معها شهادات كورسات الانقليزي ...الي معي اضافة الى اني بطلب منهم قبول معهد...
ولكن ما اخفيك يا عزيزي عزيز انا مافهمت فائدة الAdvance بما اني خلصت الماستر وراح اقدر احصل عليه وش فايدة الAdvance و وش يضيف لي اكاديمياً؟

والله يجزاك خير على طولت بالكْ...وسعة صدرك

مرحبا
بالنسبة للغه انصحك تاخذ راحتك اي تكمل سنة . لان مافيه فرق لما تخلص اللغه بست شهور او ثمان شهور او تكملها سنة.
كمل اوراقك وقدم على الجامعه عن طريق مكتب او وكالة دراسية عشان ماتدفع 50$ للجامعه و الخدمه من المكتب الدراسي دائما مجانا ( ادخل على منتدى النادي السعودي بالقولد كوست او اسأل النادي السعودي بالقولد كوست او برزبن بخصوص المكاتب الدراسية/ ارقام الاعضاء بالنادي السعودي موجود بالموقع ) .
بالنسبة لشهادات كورسات الانقليزي لا ترفقها لانهم يطلبون منك اختبار ايلتس او توفل.
الجامعه كل ترم دراسي يحدثون البرامج الدراسية وممكن على 2014 يرجعون التخصصات لبرنامج MBA
بالنسبة Advance مايضيف شي كثير لكن يميزك بانك تقدر تاخذ تخصص ثاني بجانب الاساسي . بمعنى الMajor خلنا نقول مالية و الMinor مثلا المحاسبة. ويعطونك شهادتين الي اعرفه عند التخرج .
بعض الطلبه ياخذون مواد بحثية تنفعهم عند القبول بمرحلة الدكتوراة...

بالتوفيق

جميل جداً ياعزيز وتسلم واجابات واضحة
وراح اعمل بقولك وانا معي شهادة توفل ورقي 457.. يعني احسن من المبتدىء بقليل..
باذن الله اذا تسهلت الامور راح ابداْ بالاجراءات وراح افيد بالي اقدر عليه واو استفسر بالي احتاج له..
وشكراً عميق لك يا غالي....

كونك تبي تكون مبتعث من عملك وش انت خسران اذا جلست سنة كاملة تتعمق في اللغه. صحيح تبي تخسر ماليا كون الراتب يبي يكون نص الاساسي هذا الي اعرفه لكن لا بد من تضحيات في هالدنيا .
ونصيحة من مجرب تعمق باللغه واتعب على نفسك وتبي تذكر كلامي لما تدخل الجامعه وتختلط مع اهل اللغه او في حياتك كعموم .

لا شكر على واجب واذا عندك اسئلة بالمستقبل انا حاضر...
بالتوفيق ....

والله صدقت وكلامك عين العقل..خصوصاً ان اللغة الاكادمية تحتاج الى عمق وسبرْ...
الله يسهل دربك مثل ما سهلت الاجابات والمعلومات...يارب
وباذن الله بوافيك بجديدي...