خريج ثنوي ! وناوي ادرس على حسابي الخاص .

و عليكم السلام ورحمة الله وبركاته

طيب أخوي .. تدرس طب ..فقط ؟
و اللغة .؟ ماتحتاج تدرس ؟
و 22 هذه أسبوع ؟

بالتوفيق و ربنا ييسرلك أمورك

التخصص بيكون طب طوارى
دراسة اللغه 22 الاف مده 4 شهور كحد اقصى ع كلام الموظف اللي بالمكتب

س1/ و الموظف أختار لك مكان الدراسة و الجامعة ولا إنت ؟

س2/ يعني كلها على بعضها المصاريف كم تطلع عليك ؟

اختاري لي دراسة اللغة + الجامعة واخذ رسوم 350
وقال المصاريف [ 22 الاف حقت اللغة في معهد لمده اربع شهور + السكن 3500 بالشهر يطلع عليك + الفيزه 2500 مع رسوم المكتب ]
يعني الاجمالي 38500 ريال . هذي حقت اربع شهور معهد + سكن مع اصدار الفيزه
ونقول المعيشه ع حسب صرفك انت
المبلغ اجمالي حوالي 50 الاف لمده 4 شهور
ويجي من يفيدنا ب التكاليف

وعليكم السلام ورحمة الله وبركاته

أخي ماهو سبب تحديدك لدراسة اللغة في المعهد لمدة 4 شهور فقط هل هو للإلحاق فالإلحاق ليس محددا ب 4 شهور وتنضم للبعثة وقد تمتد لسنة كاملة فإحسب حسابك.

بالنسبة لطب الطوارئ فاأشهر الجامعات في مثل هذا التخصص هي جامعة فلندرز (لها اتفاقية مع جامعة الملك سعود للعلوم الصحية), جامعة تشارلز ستورت ويوجد جامعات أخؤى مثل جامعة وسط كوينزلاند, جامعة موناش.

رسوم العائلة معقولة 1000 دولار بالشهر, المعهد يعتمد فلو تعطيني اسمه ممكن افيدك من ناحية الرسوم واتأكد لك, الفيزا مع الفحص الطبي لو بتقدمه بنفسك مايتجاوز 2200 بالكثير.

اخي اللي اشوفه ان اكثر الطلاب ينضمون وهم في فترة اللغة يعني من 4 شهور الى 6 شهور كحد اقصى .
ف التخصص خالصين منه
يعني افهم من كلامك سعر السكن غالي او رخيص
طيب وعندي استفسار مثل خلصت 4 شهور من اللغه وما انضميت للبعثه اقدر ارجع السعودية للين انضم
واذا انضميت ارجع اكمل .

غير صحيح فيه ناس أعرفهم جلسوا أكثر من 6 شهور إلين ماانضموا وفيه ناس طلبوا منهم ينهون مرحلة اللغة ويباشرون الدراسة في الجامعة وبعدها يلتحقون بالبعثة وكل شخص يختلف عن الآخر لذلك لاتعشم نفسك بالغير وبعدين لو مدة الإلحاق عندك صارت اكثر من 4 شهور وش بتسوي بترجع كما جئت للسعودية لذلك حط لك حسبة فوق 6 شهور في حال تأخر الإلحاق وأزيدك من الشعر بيت مافيه نظام او تعميم ينص على الحاق الطلاب خلال 6 شهور انما هو تساهل من الملحقية مع الدارسين عل حسابهم الخاص والا النظام القديم ينص على انهاء الطالب 30 ساعة في البكالوريس والنظام الجديد سهلوه وقالوا يجب على الطالب انهاء مرحلة اللغة ومباشرة الجامعة حتى يلحق.

سعر السكن مع العائلة مناسب.

هنا الإشكالية يجب انك تكون مقيم في أستراليا ومنتظم في دراسة اللغة او الجامعة حتى تلحق يعني لو رجعت السعودية لن تستطيع الإنضمام للبعثة وكل اللي سويته ودفعته ماله قيمة يعني بعد 4 شهور يجب ان تبقى في استراليا وتكمل دراسة ومن جيبك حتى تلحق وممكن المدة تكون 5 شهور الى 12 شهر.

اذا الوضع كذا اكنسسسل الفكره اجل . كان تفكيري ان الانضمام يكون من 4 شهور ل 6 شهور .
وي لله عساها خيره وما قصصرت ع الافاده ي الغالي وموفق خيير ي بعدي .

انا حبيت انورك اولا حتى تاخذ احتياطك الشئ الثاني لازم يكون معك ميزانية تكفيك لأكثر من 6 شهور والإبتعاث يستاهل هالشئ فلو كان عندك الى 120 الف تكفيك مابين 9 شهور الى سنة حتى تلتحق, الخيار الثاني انك تبحث عن دول ارخص كبعض الولايات الوسطى في امريكا واللي تكفيك اكثر من استراليا بحكم ان البلد غالي بكل شئ.