استفسار سؤالي عن جامعه

اهلاً ابو عناد، انا طالب ماجستير بالجامعه ، حدد تخصصك والمرحلة الدراسية اللي مخطط عليها عشان نقدر نساعدك بشكل شافي بإذن الله، لكن بالمجمل الجامعه حلوه ترتيبها ١٣ على الجامعات الاسترالية من اصل ٣٩ جامعة حسب تقييم تايمز الاخير ومن افضل ٢٥٠ جامعه بالعالم ، الجامعه نظامهم بريطاني ومحور التدريس يركز على الطالب وليس الدكتور مثل الجامعات السعودية ، يعني القاعات الدراسية عبارة عن مجموعات طلاب وتكون جلسات نقاش وبحث بينهم ، والدكتور وظيفته تحفيزك على البحث وتوجيهك ببعض النقاط والاجابة على اسئلة (مجموعتكم الطلابية) وهذا نظام التعليم في استراليا ، يعني قليل ان الدكتور يلقي محاضرة وتكون انت مجرد مستمع مثل السعودية هذا النظام غير شائع بإستراليا.
طبعاً الدكاترة على مستوى واغلبهم من جامعة ملبورن وموناش ويقدرون الطالب الدولي ، لكن بالمجمل الجامعه فيها صرامة من ناحية الالتزام والانظباط وبنفس الوقت فيها تسامح لكن بحدود ، يعني هي فوق المتوسط بقليل مقارنة بالجامعات الاسترالية.
الجامعة مؤسسة من عام ١٨٦٣م وهي اكبر جامعة في مدينة ملبورن وطبعاً الجامعة حكومية.

عموما الجامعة ممتارة ولا يعيبها شي ان شاء الله

اذا تخصص تقني تواصل معي اوصلك مع طلاب ماجستير هناك ان شاء الله