حوار تجربتي مع الحجاب

اكيييد ان وزارة التعليم العالي لمّا تبتعث البنت السعوديه تشترط وجود المرافق عشان يكون سند و عون لها بالغربه ،،،
بس المرافقين خصوصا اللي أعمارهم صغيره إتكاليين مررره وما يسوون شي وبالتالي تضطر المبتعثه انها تقوم بكل الامور لوحدها ،،،،

عفوا الحجاب يختلف عن النقاب الأخت سماح واضعه تجربتها مع الحجاب او فهمت انا خطأ

الارجح انها محجبه! للتأكد انتظري ردها!

انا شايف كثير منقبات ولا واجهو مشاكل بالعكس الاستراليين يحترمون النقاب

حدد مدينتك اخي الكريم ! يختلف الوضع من مدينه لآخرى مو كل المدن تحترم النقاب! مثلا بيرث مررره عنصريين وسدني يناظرو باستغراب عن تجربه شخصيه! وكانت لايام قليله فقط بالمدينتين هذول! فسدني مقدر احكم مره عليها اعتمادا ع قصر الفتره!

اما ملبورن الافضل ولكن مو الكل يحترمه نقدر نقول الاغلبيه لطيفين ويحترمون ولكن من جانب آخر في سب وكلمات سيئه وبرضو في بنات تعرضو لمواقف اقوى مثل شد النقاب ولكن هم من عرضوا انفسهم لهذا الشي بالليل الساعه ٨ بفلندرز وبدون محرم! مهما كان الوضع يفترض ما يأمنو مره وحده ! يفترض يرجعو البيت قبل الليل!

مشكلة التسكاع بالشوارع مشكلة

انا أتكلم عن سدني وبالنسبه للي يطالع بنظرات غريبه قليل جدا. بالعكس في احيا في سدني متغطين بالكامل مثل اوبن.

مدري انا يمكن الفتره اللي كنت فيها هناك كانو سياح عشان كذا يمكن كانو يناظرون!
طب ممتاز ان شاء الله تفيد التجارب كل البنات بانحاء استراليا..
شكرا جزيلا اخي الكريم

عن نفسي تعرضت لكم كبير من المضايقات بسبب الحجاب سواءً من عرب او اجانب

فيه من قال لي ان لبس الحجاب شئ غير حضاري و اكتفيت بالرد عليه وهل ترى ان العري شئ حضاري؟

و مرتين كدت ان اصدم بسبب الحجاب عن قصد من السائق و موقف سئ من عجوز غسلت الاخبار دماغها بشكل مشوه عن المسلمين

حتى ان سائقي الحافلات لا يتوقفون ليقلوا فتاه محجبه الا فيما قل .

و الكثير ....

لكن الله يعين الوحده تتحمل على شأن تنجز و تجيب شهاده و تتعلم و تحصل وظيفه وتعتمد ع نفسها دون أن تسأل الناس.

و بعض البشر يزيدون الطين بله

اختي بياض الثلج اي مدينه انتي باستراليا؟