هل نختار بريطانيا او استراليا؟ ارائكم ؟

وعليكم السلام

بدايه موفقين ان شاء الله ..

بالنسبه ل استراليا بحكم انه كنت في نيوزيلندا و تقريباً ساعتين عن استراليا .. الطلاب هناك يمدحون المكافاه و رخص السكن و المعيشه مقارنه ب بريطانيا الي اعرف ناس واجد اطلعو منها ل اسباب و منها المكافاه حقت بريطانيا ما تسوي شي على ما اظن ١١٠٠ يورو اتمنى من الاخوان يصحح لي اذا غلطان .. واستراليا مكافاتهم ٣٠٠٠ دولار بمعنى انت مرافق ومع مكافاتك و مكافاه الزوجه تكفيكم و براحه و بتعيشون مرتاحين عكس لو بريطانيا الكثير يشتكي منها و غير العنصريه عندهم


ميزه بريطانيا المسافه قريبه للسعوديه على ما اعتقد ٦ ساعات و هذي ميزه حلوه انه تقدر تروح و ترجع بسرعه عكس استراليا الي خط سيرها ١٨ ساعه و اكثر احيانا ..

استراليا حولها دول مثل نيوزيلندا ساعتين و بلد سياحي و منظم و رخيص و عندك دول شرق اسياء احيانا تنزل فيها ترانزيت

بريطانيا حولها دول واجد و قطار يلفها كلها بس بالنهايه المكافاه بطير سريع سويع


هذا راي عن طبيعه المكان و مميزاته

من ناحيه قوه الدراسه و شهادتها ... اتوقع انه كلهم فيهم جامعات قويه

مشكور اخوي ماجد عالمعلومات ...

بالفعل.. المصاريف المادية ببريطانيا اسمع انها غااااليه جدا والواحد يظطر يدفع من جيبه فوق المكافأة ويالله يعيش.. حتى لو بمدينة صغيرة.

استراليا الظاهر فيه طيران مباشر من دبي عالاماراتية واقصى شي 15 ساعه لشرق استراليا.. واقل للغرب.

لكن البلد لازالت غامضة علي وبودي لو الاخوان يثرونا بمعلومات اكثر لكتوين تصور عام.. على قد مابحثت بالنت لازالت البلد مبهمه في بعض الامور.

الف شكر

اذا تتكلم عن معيشة ورواتب: استراليا بدون تفكير الله يوفقك

الافضل على مستوى العالم بعد نيوزليندا ( من ناحية رواتب الابتعاث )

معليش على التدخل

كم المكافأة في نيوزيلندا ما شاء الله ؟

نيوزيلندا كنا نستلم ٤ الاف دولار كل شهر ، والبلد رخيص و عشنا بعزززز لين ما جينا امريكا ام الطفره ...


ايام المكرمه كنا في نيوزيلندا و كل طالب جاله ثلاث رواتب دفعه وحده ههههه ناس تزوجت من ها المكرمه و افتحت بيوت ..

الله يسقى ذيك الايام ٢٠١٠ :"(

العفو اخوي ما سوينا شي ..

وموفق باذن الله وربك يسهل لك امورك والجميع يارب

يا حبيبي
أجل وجهتنا نيوزيلندا
الى الامام 😄
السالفة فيها حدود ال ١٢٠٠٠ ريال
و البلد رخيص بعد


😜

نيوزلند يخدمها فرق العمله .. فهم يستلمون الراتب بالدولار الاسترالي وهذا سبب ارتفاع مكافائاتهم

انا باذن الله رايح استراليا

قريت عنها معلومات وشوفت صور كتير ولسه احسها مجهوله بالنسبه لي

اعتقد جمال الطبيعه بريطانيا افضل بكثير و انظف و ميزتها انها اقرب والاكسنت البريطاني اعتقد انه افضل

اتمنى التوفيق للجميع وانصحك استراليا لانها اكبر بكتير من نيوزيلندا