رحلتي قربت الى استراليا استفسارات ارجو المساعده

شكرا و تعرف طريقة فتح حساب استرالي او دولي

فتح حساب أسترالي ما ينفع إلا عن طريق فروعهم .. ما تقدر تفتح حساب اون لاين.. ف عندك طريقتين ..
الأولى : تجيب معك مبلغ كاش بحدود 2500 دولار واذا جيت بالسلامه تروح للفرع وتفتح حساب عندهم وتقريبا يستغرق استلام البطاقة أسبوع .
أو تجيب معك مبلغ كاش بسيط وتخلي باقي المبلغ بالحساب السعودي .. واذا فتحت الحساب تسحبه من السعودي وتودعه بالاسترالي طبعا السحبه الواحده رسومها 3 دولار .

شكرا لك يعني اتلغت الطريقه القديمه بفتح حساب اون لاين زي لكان يشرحونا الاخوان

وتعرف كم اقصى حد للسحب يوميا ؟ اشكرك بعنف ماقصرت

5000 ريال سعودي تقسيم 3.60 الدولار ويطلع لك الحد الأعلى

عزيزي تحية طيبة لك وللاخوة الكرام

موضوع الفلوس امره سهل، قبل ماتجي اصرف من المطار استرالي واذا مافيه خذ امريكي

واذا نزلت برزبن ان شاء لله حول المبلغ للدولار الاسترالي.

بطاقة الصراف السعودية مقبولة في اغلب البنوك الاسترالية وحد السحب اليومي بناء على سعر الصرف في هذه الايام تقريباً $1350

بعد ماتوصل وتفتح حساب، تعطي احد الأهل رقم حسابك ويحول لك حوالة دولية وتوصلك خلال ٣ ايام

او عن طريق فروع انجاز وتاخذ بالكثير ٢٤ ساعة والرسم ٦٠ ريال
ويختلف سعر الصرف ( اذا الحوالة بلأسم يكون الصرف اغلى بقليل) واذا مباشرة على رقم حسابك الاسترالي تكون افضل.

بأمكانك تأجيل قبول الجامعة لكن ماتقدر تجلس في البلد اكثر من ( لاتحضرني المدة) بدون دراسة

موفق ياغالي

يعطيكم الف عافيه ماقصرتو

تقدر تفتح حساب اون لاين ياغالي ..

https://www.commbank.com.au/personal...ly-online.html

هذا رابط فتح الحساب اون لاين ويرسلون لك بيانات الحساب اون لاين على ايميلك مثل ماقلت لك .. وبعدها تحول عليه من فروع تحويل الراجحي ..

ولاتنسى تختار Everyday Account Smart Access

بالتوفيق ،،،

ياجماعه لاتوهقون الرجال .. الكومنولوث ما يقبل حوالات من الراجحي .. له الكلام من أسبوعين تقريياً واذا انك بالرياض .. حول فلوسك من محلات صرافة البطحاء العمله عندهم ارخص من البنوك وتفرق معك

اشكركم اخواني بس ماعرفت افتح حساب استرالي مليان انواع من الحسابات مش عارف ايت اختار

وكمان يطلبو جوال استرالي وانا ماعندي

انا من جده واشكركم ماقصرتو

البعض تقدر له اندفاعه وحبه لانتفاع الناس ..
لكن مشكلته ماعنده علم .. او ياخذ العلم من شخص ماعنده علم .. او ان الدعوه فلسفه وبس ..!!
وبالتالي يوهق الخلق .. ويظن ان غيره سبب بتوهيق الناس ..

اعطيناك العلم انا و اخوي الصيدلي ..
افتح حساب في الكمينوولث ..
https://www.commbank.com.au/personal...australia.html

ادخل الرابط هذا ..
تحصل ايقونة .. Open student smart access account
ادخل معلوماتك ..
واذا طلبوا منك رقم الاتصال حط رقمك السعودي .. واذا وصلت غيره ..
يرسلون لك رقم الحساب عالايميل ..
وهو اللي راح تودع فيه الفلوس ..

طبعا .. اش البنك اللي تحول منه من السعوديه لحسابك الاسترالي .. شي راجع لك ..
طريقة التحويل في البنوك وحده ..
لكن اتوقع اللي يهمك سعر الصرف ..

اعطيتك العلم .. انه بنك البلاد ارخص الموجودين ..!!
وانت عقلك براسك ..
تقدر تمر عالبنوك وتستفسر عن سعر الصرف واللي ترتاح معاه .. حول منه ..

بنك البلاد بكل بساطه .. افتح حساب عندهم ..
وفعّل الاونلاين ..
روح لفروع انجاز .. اللي هي تابعه لبنك البلاد ..
واطلب تحويل من حسابك الحالي .. مبلغ وقدره لحسابك الاسترالي .. اعطي الموظف نسخه من الصفحه كاملة لبيانات الحساب الاسترالي اللي جاك عالايميل .. وهو بيسهل لك الموضوع .. بدون ماتحتاج اوراق وغيره تعبيها ..

بعد تحويلك دايركت الحساب الاسترالي ينحفظ عندك بحسابك الاونلاين السعودي ..
ويصير التحويل اونلاين بعد كذا ..

عندي لك نصيحه ثانيه ..
عن طريق بنك البلاد برضو ..
خذ بطاقة ماستر كارد مداد .. 100 ريال رسوم .. ولا تخسر شي ..
البطاقة مسبقة الدفع .. يعني بس تحول الفلوس للبطاقة اونلاين كمان .. وتفيدك لاي طارئ ..
وسعر الصرف فيها كمان ارخص من البنوك الثانية ..!!
وتأكد انه يكون اسمك بالبطاقة مطابق تماما لاسمك بالجواز ..

بالتوفيق .. وتوصل بالسلامه ..