انقبلت بالبعثه ولاني عارفه وش السالفه

لا اتطمني الكلام صحيح وانا اتصلت على الوزارة وكلمت مدير البعثات وقالي ايوة انتي انقبلتي نهائيا بس احنا كلفنا مكتب يكملولكم اوراقكم وجاكم الضمان المالي وبعد ماتصدر التأشيرة تستلمي قرار الإبتعاث
بس انتي فين انقبلتي؟؟؟؟؟؟؟؟؟

اخوي حمود المطرفي



انا نفس الحالة حصلت معي




انا من سكان خميس مشيط



تعرف مكتب للفحص الطبي سواء في ابها او خميس مشيط ؟؟؟؟؟؟؟؟؟؟؟



ولك التحية

اختي جاردينيا ....

نسيت شي مهم وهو أمر المرافق ..

ترى لازم يعمل فحص طبي مثلك والافضل يكون بنفس الوقت حتى ماتضطري تدفعي رسوم الارسال مرة ثانية .. اما بالنسبة للشيك فلا يحتاج ان يدفع اي مبلغ لان راح يكون بنفس الشيك اللي دفعتيه .. وكمان الجوازات .. والصور ..

للأسف أخوي .. اقرب مكان للفحص عندكم في جدة

مدينة جده

مستشفى غسان فرعون هاتف 6823200
مستشفى الدكتور بخش هاتف 6510555


وهذي قامة بأسماء المراكز المعتمد بجميع انحاء المملكة في الرياض - جدة - الخبر - الدمام

http://www.immi.gov.au/contacts/over...el-doctors.htm

اخوي حمود



بنزعجك معانا



ياريت تعلمني بالتفصيل الخطوات اللي نسويها بعد استلام القبول



ونكون لك شاكرين ومقدرين

أخواني الكرام أبشركم ولله الحمد جاتني رسالة من الوزارة على الجوال الأسبوع اللي راح
ولمن دخلت على موقع الوزارة أتأكد من حالة الطلب قالولي تم ترشيحك نهائياً وتم طباعة الضمان المالي رغم أني رفضت مبدئياً
بس طلبوا مننا نروح الوزارة ونسلم صوره من الجواز ونوقع تعهد بإكمال الإجراءات ووقعنا

أخواني الكرام اللي أبغى أعرفه وش الخطوة التالية

وشكراً

هلا حمود ....مشكور على ردك والله ريحتني بكلامك والله يعينك بزهقك بالاسئله خخخ
بالنسبه للمرافق نسويله فيزا زياره ولا اكلم المكتب يسوله فيزا طالب

مشروع مبتعثه ارسيلي الرقم اللي دقيتي عليه وقالك هالكلام

هلا فيكم جميعا ... لا أبدا انا بالخدمة مادام بالامكان ..

اخوي الشهراني ..
أول ماتستلم القبول .. تبداء بإجراءات الفيزا وهي كالتالي :

أولا: إجراء الفحص الطبي للمبتعث والمرافقين إن وجدوا .
وراح يرسلون لك التقارير للسفارة في دبي ويعطونك رقم الارسالية .
ثانيا : تدفع شيك مصدق للسفارة الاسترالية بدبي . من أي بنك في السعودية ماعدا العربي .
والافضل يكون بالبنك اللي فيه حسابك .. والمبلغ 1670 درهم .

ثالثا : تطلع للوزارة - إدراة الابتعاث ومعاك صورة من القبول وصورة من جوزاك وجوازات المرافقين وتطلب منهم خطاب السفارة وراح تعبي نموذج عندهم فيه الاسم والجامعة والمرافقين .
وترى اذا جيتهم الصباح بدري بيخلصونك بنفس اليوم .
رابعا : تطلع المكتب اللي جاب لك القبول وكلمك ..
وتسلمهم الجوازات والشيك والخطاب واربع صور لكل شخص .
وتعبي ابليكيشن عندهم وراح يساعدك فيه الموظف ..

تعطيهم رقم الارسالية تبع المستشفى ..
وبكذا تكون خلصت جميع اوراقك وبإنتظار الفيزا ..

"""""" ملاحظه هامه """""""

ضرورة الاحتفاظ بالفواتير تبع المستشفى وكعب الشيك المصدق لأن الملحقية راح تعوضك عنهن لما توصل .. ان شاء الله



:::::::::

الاخت جاردينيا ::

انتي وهواك ..
اذا المرافق يبي يدرس .. لازم تاخذي له من الوزارة ضمان مالي .
وشروط الحصول عليه ..
اولا : صورة من قبولك ..
ثانيا : صك الولاية الشرعية من ولي الامر ..- اذا المرافق مو الزوج
صورة من جوازك وجواز المرافق .
تعبي النموذج اللي عندهم ..

..
بعد الحصول على الضمان المالي تطلعي المكتب وتسلميه الضمان وتطلبي منه فيزا دراسية ..


وإذا مايبي يدرس اطلبي منهم فيزا سياحية ..

وهذا الامر بمنتهى البساطة .. واي استفسارات ثانية جاهزين لكم ..

يسلمووووو حمود
اي مستجدات بكتبها هنا

اللي جاه قبول بدون ما تغير حالة الطلب
يتصل على الوزارة تحويلة 136