الله يوفقكم، ابي مشورتكم كلكم :(

الخريجين العام الماضي اكثر من ١٣٠٠ شلون تخرجوا دولي ؟؟
حبيبي قبل اي شي توكل علي الله واعزم واترك التردد او خدها من قاصرها وارتاح
انا جيت وتخرجت حمدلله واموري عال العال
وانا بسدني لو تبي اي خدمه بلغني
فالك التخرج

الله يوفقكم ويرزقكم من حيث لا تعلمون ..
يعلم الله انكم اسعدتوني بردودكم ..

وعليكم السلام ورحمة الله وبركاته

أخوي من تجربة شخصية في تخصصي كل الجامعات الأسترالية ومنها الجامعات الثمان نفس الشئ مايفرقون كثير بمستوى الدراسة الفرق في شروط القبول وإسم ومستوى الجامعة فقط بعد التخرج, أنا خريج من UTS الجامعة ممتازة ولاتتوقع انها سهلة راح يكون فيها شغل وكرف وتعب وإذا أعطيت تخصصك حقه من الإهتمام بيعطيك ولا تشيل هم وتفكر كثير عش يومك كلنا كنا نقول زيك أول مابدينا الدراسة الجامعية ماراح أمشي وراح أفشل ولغتي الإنجليزية ماتساعد ومن الكلام هذا ومع توفيق الله ثم الجد والمثابرة والصبر راحت السنين بغمضة عين وتخرجنا ولله الحمد.

أهم شئ إحرص على سنة اللغة وأسس نفسك فيها صح لأنها بتريحك بعدين بالجامعة والعكس صحيح ولا تتوقع أن الطلبة المحليين أو الدوليين في الجامعة يفرقون عنك بشئ بالعكس ممكن تفوقهم ذكاء وخبرة وإحرص على الدراسة وقراءة مراجعك أول بأول واسإل اذا اشكل عليك شئ بتخصصك وثاني شئ أحرص على مصاحبة الناس الإيجابيين واللي يحفزونك للدراسة والتفوق وبنفس الوقت أبتعد عن الناس المحبطين والفاشلين وراح تنجح بإذن الله, بالنسبة لسيدني راح تنبسط فيها وراح تشوف الفرق بينها وبين المدن الأخرى عشت فيها أجمل أيام عمري وأتمنى أرجع لها كطالب من جديد المدينة حية ولايمل منها ولاتحس فيها بالغربة والوحشة كباقي الدن مثل ملبورن أو برزبن وغيرها.

أتمنى لك التوفيق بدراستك.