مساعدة طلاب استراليا

الله يسعد قلبك، ويشرح صدرك، وييسر امرك، ويعطيك العافيه .

اللهم آمين
اللهم آمين
اللهم آمين

السلام عليكم و رحمة الله وبركاتة

اخواني و اخواتي

انا مقدم على دراسة على حسابي الخاص بــ جامعتين في ولاية كوينزلاند الي هي جامعة كوينزلاند UQ و جامعة كوينزلاند للتقنية QUT و وصلني قبول في كوينزلاند للتقنية QUT دراسة لغة و بكالوريوس في التصوير الطبي بعد معادلة شهادتي وهي دبلوم اشعة سنتان و ستة اشهر و اصبحت دراستي على النحو الاتي كما وصلني منهم :

 QE25 General English Program (25 Weeks ٢٥ اسبوع انجليزي لغة عامه .
 QC24 English for Academic Purposes Plus ٢٤ اسبوع انجليزي اكاديمي .
 QC01 Standard Foundation سنة تحضيرية .
 QC12 English for Academic Purposes Advanced ماني عارف لية ادرسها مره ثانية !!!.
 CS42 Bachelor of Medical Imaging بكالوريوس اي تم معادلة شهادتي سنة واحدة فقط.
طلع مجموع حساب الدراسة $24,160.25 دولار استرالي
سؤلي /
١-هل اقدر ادفع المبلغ كل ترم مثلاً او مثلاً ادفع سنة اللغة كاملة لن على مافهمت انو لازم ادفع المبلغ كامل؟
٢- كيف معهد الجامعة و هل لازم اختبر الايلتس عشان ادش الجامعة ؟
٣- دراستي تبداء إن شاء الله بتاريخ ٤/ ٥ / ٢٠١٥ و لقاء إعداد الطلبة الدارسين على حسابهم الخاص الي الزامي حضوره عشان يضموني للبعثة بتاريخ ١٦ - ١٨ / ٥ / ٢٠١٥
هل اقدر اروح ادرس و اذا جاء موعد الملتقى ارجع احضره وارجع ثاني او في طريقه ثانية ؟
٤- ممكن يعطوني المعهد اجازه لحظور الملتقى وخصوصاً اني ما كملت عندهم اسبوعين؟
٥- التأمين الطبي لازم الجامعة تطلعة لي او اقدر اطلع من السعودية(ارخص) لانهم كاتبين الزامي ادفعها من ضمن عدة اشياء ملزوم ادفعها ؟

اتمنئ منكم الاجابة على الاسئلة الله يسعدكم دنيا و اخره

وعليكم السلام

اول خطوة الان ارسل لهم تأخير كورس اللغه بدايته شهر لحضور الملتقى وبعدها السفر

واضح قبولك مشروط لا تحتاج ايلتز يعني تنتهي لغه معهد جامعتهم تبدأ بكالوريس

الأن اول خطوة اخر بداية الدراسة حتى تنتهي الملتقى لانه من شروط الانضمام

اولاً اشكرك على الرد
بنسبة للجامعة غير مشروط يلزم اختبار الالتيس لدخول الجامعه .
اما تأخير دراستي الصراحة ماودي ااخر يوم واحد اذا المعهد ما راح يعطين اجازه مثلاً ارجع احضر الملتقى الشكوة لله نأجل ترم وهذا الي ابي اتأكد منه.
في شخص يقولي ان احتمال كبير جداً ان يكون فيه ملتقى في الرياض الشهر القادم ميلادي(٣) بيتأكد الخبر بعد الانتهاء من الطلبه الي حضروالملتقى الشهر هذا

يوجد اقتراح اذا كان غير مشروط القبول

وأوراقك كاملة رفعت للوزارة بالقبولات

اجل بداية اللغه بعد الملتقى بأسبوع لأنك خسران طيران تقريبا ١٠ آلاف للعودة لحضور الملتقى

والدفع عند الوصول للمعهد دفع اول شهرين لانه اذا غير مناسب او الظروف ما تخسر

نصيحه ولك الخيار

بس المكتب الي جاب القبول قال تدفع المبلغ كامل حق المعهد و الجامعه حتى يرسلون coe القبول النهائي هل هذا صحيح الي اعرفه اني اوقع الاوراق الي ارسلوها علي البريد عرض السعر و المعادله وكذا يعني انا موافق علي كل شي بعد كذا يرسلو القبول النهائي و زي ما قلت اذا وصلت هناك ادفع لهم ابي خبرررر اكيد يفيدني المكتب يقول بنكلمهم ندفع ترم او سنه بس بيكون هناك مشكله ان الفيزه بتطلع بـ المده الي دفعتها مثلاً دفع ٦ اشهر الفيزه بتكون لمدة ٦ اشهر وكذا بصراحه شكيت في كلامه .

اخوي بالنسبه لCOE تقدر تطلعه علي اللغه فقط وادفع حق اللغه الين ماتنظم وبعدين تغير الفيزا. هذا شي الشي الثاني كيف الجامعه عادلت لك سنه وتدرس سنه تحضيري. الشي الثالث بالنسبه للغه الي اعرفه انك تروح تحدد مستوي وبنا علي ذلك تشوف اي مستوي يحطوك فيه وتكمل لأنو صعبه انك تبدا من الصفر. بالتوفيق

الله يسعدك دنيا و اخره ولا تشوف مكروه انت نبهتني عن شغله ماكان بتخطر علي بالي الي هي السنه التحضيرية ثانياً اذا سويت coe للغه فقط ما تأثر علي الانضمام للبعثة لان التعليم العالي يطلب قبول جامعه و معهد وخصوصاً لما احضر الملتقى ما راح يسئلون عن قبول الجامعه .

اقرأ كثير بملتقى الدارسين على حسابهم الخاص القبولات انهي أمورك بها مع الوزارة حتى تحضر الملتقى بعدها جدد قبول اللغه وسافر وبعد الانضمام تستطيع تغيير كل شي حتى اذا وجدت قبول جامعة افضل من بوابة سفير ترفع طلب تغير وتغير الان لا تعطل أمورك وجد القبول اللغه والجامعة فتحت ملف بموقع الوزارة احضر الملتقى
سافر بعدها إن شاء الله للغه لا تدفع اقصى من اربع شهور

الوقت من ذهب ممكن اي لحظة يصدر قرار إيقاف ملتقيات الدارسين على حسابهم وينتهي الامر استغل كل وقت طور لغتك الله يوفقك