الى جميع المبتعثين في سدني

يعني معقوله مافي احد بسدني ماشفت ولا رد

التخصص اللي كاتب عنه سياحه وادارة فنادق

وانت تبي ادارة مستشفيات

مدري ياخووووي والله ودي افزع بس انا لسا مارحت

اخصائيه شكلك في الانجلش ميييييييييييييييح مع مرتبه الشرف سياحه واداره فندقه هذا اسم الكليه طال عمرك واسم التخصص اداره مستشفيات شكلك قريتي الموضوع بسرعه على العموم شكرا على مرورك واتمنى اشوف ردود
تفتح النفس

اخوي انت مبتعث ولا على حسابك ؟ <<< فضول بس


اسعار المدينه غاليه بس الي يبي يوفر يقدر طبعا بقولك انا احب ايسكريم فرضا 1.40 دولار ومويه 2 دولار . كذا اشياء تدري قلي وش الاشياء الي تحبها واروح للبقاله واشوف بكم وش رايك ؟

وشي الثاني السكن يهمك طبعا انا في هوم ستي يعتبر غالي 250 دولار , واحد من العيال ساكن 150 دولار واقرب مني تبي اقولك يدور لك في حارته بس الضاهر يهود بس يقول ما فيه مشكله عندهم ما لهم دخل فيك . ايه وبنسبه في اسكن في هوم شير فيه من 160 دولار الى 220 دولار تقريبا .

طبعا انا احكي لك من تجربة اخوياي في المعهد .


سدني عموما غاليه ولايه نيو ساوث ولز تعرف هي الاغالى على حسب معلوماتي . والتخفيض حق الطلاب على تذاكر الباص في وليتنا ما عاد فيه للطلاب الاجانب يعني تشتريه من البقاله مع الضرايب 32 دولار حقت استخدام 10 مرات للاماكن البعيده بحكم سكني . والي سكنه قريب الضهر يا طويل العمر بـ 30 دولار استخدام مفتوح يعني طول الاسبوع 7 ايام فقط .

و ش بعد ....


التكسي غالي لا تفكر فيه خسااير الباصات رهيبه بالحيل ومنضمه وتوديك اي مكان تحب .


للاسف الجامعه ما ادري عنه اذا ضروري مرررره سالت لك عنها وبنسبه للجامعات الموصى بها تقدر تروح موقع الوزاره واضحه عاد وش الجامعات الموصى مكتوبه هناك ولا في موقع الملحقيه ..

ولو تختار من الثامن الاوائل ازين لك اتوقع ..

الله يوفقك وكل الطلاب والطالبات وانا

تسلم لي يا روح كاها جروح انا مبتعث طال عمرك بس احتري الأجراءات حقتي تخلص ومشكوووووووووووور على المعلومات الحلوه احلى شي بس الايس كريم خخخخخخخخخخخخخخخخ مشكور مره ثانيه

والله اني منسم كاتب اسم كليه غلط لا وقاعد اهايط على اخصائيه بعد هههههههههههههههه ودي اعتذر لها بس وين الاقيها على العموم اخصائيه ايم سو سوري بس كنت متضايق شوي يوم رديت عليكي انا اسف من جد مدري وين اودي ويهي مسوي كويتي الحبيب ههههههههه يلعن ام الفشيله بس عادي عادي تحصل في اكبر العائلات

لا عادي بلعتها من زمان

قلت يمكن يابنت انتي ماقريتي زين

وحطيت العتب على الشوف

وبعدين قلت يازيني ساكته

همن قلت اصلا انتي ماعمرتس فزعتي ويوم انتس فزعتي جبتي العيد

المهم اخوي الله يسنع امري وامرك