أول يوم دراسه ...وهذا اللي صار

اولا الحمدلله على سلامة الوصول وثانيا مبروك والله يتمملك على خير انشا لله وثالثا رايي انك تراسلي الملحقية لان هم اللي عندهم الخبر اليقين و كمان عشان يكون وضعك سليم والله يوفقك ويسرلك.

انا اؤؤيد كلام اخوي خذى من هالدورات تراها تفيدك ماتضرك ممتازه لتقويه اللغه عندك جدا

السؤال هو ...هل تسمح لي الملحقيه آخذ هاذي الدورات .....؟؟
وفيه واحد من الاخوان قال اني اقدر اسافر عالسعوديه على حسابي وبكذا يكمل الصرف علي ووضعي يكون سليم ....هل هذا حل وارد؟؟
للحين ماحس حد جاوب على اسئلتي

يا أختي مالك إلا تسألي الملحقية هم الوحيدين اللي يقدروا يجاوبوا على أسئلتك هذه
خشي موقع الملحقية وفي أرقام تليفونات الموظفين خذ أي واحد منهم واتصلي عليه
بس ما شاء الله عليك المستوى الثامن مرة واحدة ماشاء الله أنا في نفس المعهد بس دوبني في أول مستوى في الأكاديمي
وإذا حاسه أنه المستوى الثامن تافه يمديك تروحي المعهد وتطلبي قفز للمرحلة اللي بعدها كثير من الشباب اللي أعرفهم عملوا هذه الحركة ومشيت معاهم
إنت الآن في الثامن وبعده التاسع وبعده عندك DEEP مستويين يعني يمديك تعملي تقفز الى المرحلة DEEP والخيار في الأول والأخير لك

يعني انا لو اقدر اسال الملحقيه جيت سالت هنا
حاولت اتصل عليهم اكثر من مره ...
اما ما يعطونا وجه ...او زي اللي كلمته اليوم قبل ما اكمل جملتي قال افتحي ملف وارسلي بالايميل
مو غلط بس توني رسلت لهم الاوراق وباقي يمكن اسبوع واكثر لحد ما ينفتح الملف .....
يعني لسه قلق اسبوع ...
اللي عنده خبر ياليت يفيدني
وشكراً لمروركم جميع

نعم تقدري ترجعي السعودية على حسابك والملحقية ماراح تدري عنك وراح يستمر الصرف

أعرف واحد من الشباب رجع خمسة شهوووور وعلى حساب الملحقية كمان ومحد درى عنه

بس عشان تكوني في السليم أرجعي على حسابك

وأنا مازلت على إقتراحي الأول بأنك تدرسي الدورات الإضافية اللي قلت لكي عليها
ونعم الملحقية ماتمانع لأن الملحقية أصلا بتدفع لك قيمة دراسة لغة سنة كاملة بغض النظر عن هذه الدورات وتراها كلها دورات تعليمية

تحياتي

أختي الملحقية لو بغيتهم في شي راسليهم بالإيميل وصدقيني مجربة وراح يردوا على طول مو مثل الهاتف وترى حتى لو تكلميهم راح يقولون لكي من الأفضل تراسلينا على الإيميل

أنا طريقة تعاملي معاهم والحمدلله أموري ماشية تمام وهي أني لو بغيت شي من قسم المالية مثلا
أرسل لإيميل الموظف المختص وفي نفس الإيميل أحط إيميلات كل العاملين بالقسم وحتى رئيس القسم حتى تصلهم نفس الرسالة ويخلصون موضوعي والحمدلله الأمور تمام

تحياتي

السلام عليكم ورحمة الله وبركاته ,,

اختي تطمني .. من يوم ماجيتي استراليا إلين ماترجعين بلدك بعد إنتهاء البعثه ماراح ينقطع عنك الصرف ابدا

اولا اختي عشان تفهم النظام ايش يقول .. لايسمح للطالب الأجنبي بالجلوس في استراليا مده تتجاوز الـ 21 يوم بدون عمل او دراسه في ايام الدراسه العاديه ,,

يعني في الفتره من فبراير الين نهاية اكتوبر ماراح تسمحلك الحكومه انك تجلسين عاطله

لكن لو كنتي عاطله في فترة الإجازه الرسميه فهذا شي طبيعي ولا احد راح يقولك اطلعي من استراليا
وفترة الإجازه الرسميه هي نوفمبر وديسمبر ويناير

لذلك انتي قلتي تنتهي اللغه في اغسطس يعني في شهر 8 ,,

وعندك حلين .. طبيعي الملحقيه ماراح تعطيكي تذكره لأنك ماكملتي 9 اشهر في بلد الابتعاث حتى لو ماخلصتي اللغه ,,

الحل الاول : ترجعي السعوديه على حسابك (مع العلم ان الملحقيه ماراح تقطع عنك المكافأه بالتأكيد ان شاء الله) وتجلسي لين موعد دراستك وترجعي ..

الحل الثاني : المعهد راح يعرف اصلا انك بتخلصي في اغسطس لذلك المعهد غالبا يبغى يكسب فلوس ومايبغاكي ترجعي على السعوديه .. وفالحاله هذي على اخر مستوى لكي فالمعهد راح يخاطبونك عشان تاخذي كورسات لغه عندهم الين فترة الإجازه الرسميه .. وهم بطريقتهم يخاطبون الملحقيه وماراح ترفض الملحقيه ابدا ان شاء الله ,,


نصيحتي لكي خليكي مع الحل الثاني ,, لأنك لو رجعتي السعوديه وجيتي على الدراسه راح تحسين انك ماتعرفين فاللغه شي حتى الـ ABCD ..

والشي الثاني انك ماراح تضطري تدفعي حق تذكره لأنك لو كملتي الين الإجازه يعني شهرين كمان تكوني مستحقه للتذكره وترجعي انتي ومحرمك على السعوديه بتذاكر الملحقيه

بالتوفيق اختي ,, اتمنى اكون افدتك تماما

مستر ملبورن تسلم على الاجابه
انا ما عندي مشكله اني ابقى او ارجع السعوديه على حسابي
بس كيف راح يكون وضع محرمي ......؟؟

السلام عليكم

المحرم مبتعث معك ... يعني ينطبق عليه كلام الاخ ملبورن

حتى لو اختلفت فترة دراسة اللغه بينك وبينه واختلف الميجور الي تدرسونه

نظام الملحقية يطبق على جميع الطلاب باختلاف اختصاصاتهم ومستواهم التعليمي

اتمنى اني قدرت اساعدك

لك التحية والتقدير