تكفووووون ياهل الخبره ردوا علي بليز ؟؟

طيب تكفوووووووووووووووووون ردوا علي .. تراني والله محتار ابي اخذ معلومااات

الله يسعدكم .. وعني لال يبعدكم

بداية حياك الله وبياك في هذا المنتدى الاكثر من رائع على اني مالي فتره من سجلت بس استفدت كثييييير وبجاوبك على اللي اقدر عليه الولا
1-هل تتم لي الموافقة من قبل وزارة التعليم العالي بمرافقة زوجتي بحال قبولها في استراليا ( وعلى حساب الوزارة )
اككييييييييد.
2-- هل تتم الموافقة من قبل وزارة التربية والتعليم لي بمرافقتها وما ذا يحسب لي ( إجازة بدون راتب _ أجازه دراسية – مرافقه – ام ماذا ) ولمن جرب هل هناك تعقيدات بالتربية ؟؟
بعد اكييييد وأغلب المبتعثات هم عشان ازواجهم موظفين ولا يقدرون يحصلون على البعثة وانا بالضبط مثل حالتك ومسافرلاستراليا انشاء الله يوم الاربعا ء ولا فيه اي تعقيد من قبل الوزارتين وتحسب لك اجازة استثنائية يعني من غير راتب.
3- بالنسبة للتخصص هل أجد تخصص ( إعلام – إدارة تربويه – إدارة عامه - قانون – علوم سياسية ) وفي أي الجامعات الاسترالية ؟
هذي إذا الله وفقك وتمت البعثه تقدر تسأل المكاتب اللي في الرياض الخاصة بذلك لان انا والله ماعندي خلفيه او انشاء الله الاخوان يفيدونك واكيييد بتلقى.
4- هل توجد هناك جهة حكومية بالسعودية يمكن أن تبتعث على حسابها غير برنامج خادم الحرمين الشريفين ما اسمها ؟؟؟
اغلب الشركات والجامعات والكليات تبتعث على حسابها اذا كنت موظف لديهم غير كذا ماظنيت .
5- في حال ( جبت القبول للغة والماجستير والفيزا لي ولزوجتي ) وتقدمت بها لوزارة التعليم العالي فهل يلحقوني ببرنامج خادم الحرمين ( وهل يعني اني خلاص قبلت ؟؟)
انت قدم على برنامج خادم الحرمين للمرحلة الرابعة باسم زوجتك وانتظر الرد اما سالفة الالحاق ماعندي علم فيها
7- سمعت مؤخرا انهم وقفوا بعثات استراليا هل هذا صحيح مع اني ما جستير ؟؟؟
صحيح واللي سمعته انها لجامعات معينه فقط.
أتمنى اني افدتك والله يسهل امورك.

الاخ الكريم بوربوينت الله يوفقك ويسعدك في الدنيا والاخرة ..

والله ما قصرت ..وجزاك الله خير ,,

بس اظن انك معلم زي حالاتي .. الله يبيض وجهك ..

بس بالنسبة لسؤالي الاخير انت تقول صحيح وقفوا البعثات لأستراليا !!!!!!!!! يعني وش رايك ما أقدم على استراليا ولا كيف ؟؟؟؟؟؟؟؟؟؟؟؟

ابي تفيدني في هالموضوع .. الله لايهينك .. او أي من الاعضاء اللي عندهم علم عن ذلك ...

تقبل تحياااتي

السلام عليكم ورحمة الله وبركاته ,,


حياك الله اخوي وان شاء الله نجاوبك بالي نقدر عليه ..

نعم تتم الموافقه ,,

التعقيدات اعتقد انها بالعسكريه .. اما وزارة التربيه والتعليم اعتقد الأمر كان مسموح لهم ,,

بس الي اعرفه انك ماتكون على وظيفه وعلى بعثه بنفس الوقت .. يعني لو انضميت للبعثه يجب انك تتخلى عن الوظيفه .. هذا النظام لكن محدد يدقق اذا ماوصل لهم خبر

عزيزي بالمنطق .. انت بتطلع على استراليا وليس الهند

يعني جامعات عالميه وفيها التخصصات المذكوره ان شاء الله


لزوجتك ما فيه غير الوزاره ..

بس فيه جهات ثانيه تبتعث مثل ارامكوا وسابك والجبيل الصناعيه

لا اخوي الموضوع ماهو بالساهل ..

الموضوع فيه تنظيم .. وكل سنة في شهر رجب بالتحديد يتم فتح باب القبول للبعثات ..

ويتم تعبة استماره إلكترونية على موقع الوزاره .. بعدها تتم المفاضله بين المتقدمين

بعد المفاضلة يتم اصدار الأسماء المرشحه نهائيا للبعثات فالجرائد .. وبعدها يتم التقديم للقبول والفيزا

واذا تبي تعرف التفاصيل اكثر .. فيه موضوع مثبت عن خطوات البعثه بالتفصيل للأخت غاده

راجعه وراح تستفيد ان شاء الله

الضمان المالي ماهو من مسؤوليتك .. ولاعاد صار يعطى للطلاب

وهو ترى عبارة عن ورقه من الوزاره تثبت انك مبتعث وان الوزاره مستعده لتحمل كامل مصاريفك الدراسية

وتستخدم وقت جلب القبول من الجامعات

الخبر لم يتأكد بعد .. واذا تبي تتأكد تماما انتظر الى شهر رجب وراح تشوف الدول المتاحه للإبتعاث وقتها



اتمنى اننا نكون افدناك ولو بالقليل ..

بالتوفيق عزيزي

MELBOURNE كل الشكر لك على اجاباتك ... وارجو لك التوفيق بدراستك ..

أخي من جد استفدت منك ...

وانا اسف ع التأخر بالرد ... بيض الله وجهك ،،،، وجزاك الله كل خير