May 18th, 2008, 05:35 PM
السلام عليكووووم ورحمه الله وبركاته
في البدايه احب اعتذر عن الغياب في الفتره اللي فاتت ولكن لظروف السفر واللخبطه اللي كونت فيها .. بس الحمدلله الامور استقرت ..
ثانيا .. احب اشكر كل من ساعدني ووقف جنبي من وقت ما انضميت لدى المنتدى
والى اليوم
واحب اشكر كل من سال عني ولو افتكرني بشي حلو والا مو حلو
واليوم لمى رجعت حبيت اكتب لكم على السريع كم نقطه صارت معايا و حبيت اوضحها
وان شاء الله تستفيدوا منها ..
الفلوس
نصيحه وهدي وجهه نظر تحتمل الصواب والخطا
الافضل انك تشيل كاش من 2000 ل 2500 يعني مكافاه شهر
ح تستخدم هدي الفلوس في ايش ..
1.مواصلات
2.فندق "تدفع كاش "افضل
3.مصروف جيب
باقي الفلوس اللي انت حاططها في بالك "لنفترض انو ميزانيتك 8000 دولار
يبقى عندك 6000 دولار
هدي تخليها في السعوديه عندك اهلك .. ليه ؟؟
اول ما توصل البلد تروح المعهد وتخلص امورك ويطلعوا لك بطاقه الطالب تمام
"شغله يوم/ يومين"
تروح البنك وتفتح حساب " ح يكون سيفينغ اكونت "
"تحتاج بطاقه الطالب+التاشيره+الجواز"
البطاقه ح يقولولك بعد 5 او عشره ايام
"ادا ما عندك سكن ثابت قولهم انا باجي اخدها من عندكم .."
لحد الان ما احتجنا نسحب فلوس من حسابات السعوديه "علشان ما ياخدوا 35 على كل عمليه"
بالنسبه للفلوس الباقيه .. ليه نخليها في السعوديه ..
لانك لمى تجي تدفع للشقه اول ايجار والضمان "الاغلب ح يقولوا شيك "
والشيك تسويه في بنك استرالي .. وادا تبغى تحول من حسابك اللي في السعوديه على الحساب الاوستطرالي الشغله تاخد لها يومين ..
لكن لمى تكون فلوسك في السعوديه عند اهلك .."كاش"
بمجرد ما تدخل البلد قولهم يرسلوا الفلوس من السعوديه عن طريق
وهدا تلاقيه في كل محلات الصرافه تقريبا .. ما ح تكون لوحه كبيره ..
هو ستكر يا دوب ينشاف على القزاز ..
وموجود في اهم الشوارع "بورك ستريت /كولن ستريت /سواستون ستريت" في ملبورن
ويكون معاك الجواز والملبغ المرسل بالفاصله ورقم الارساليه اعتقد واسم المرسل كامل
وبس يسلمونك الملبغ على طول وكلها شغله24 ساعه .
وبكدا انت تروح تفتح الحساب وتودع الفلوس .. وتقدر تصدرالشيك في وقتها
واوردي انت معاك مبلغ يكفي ف ان شاء الله ما ح تحتاج تسحب قبل البطاقه ما توصلك
وبكدا ما ح تحتاج تستخدم بطاقات السعوديه
2. بالنسبه لبطاقه الاهلي الائتمانيه ..
ادا معاكم اوكي .. بس لا تحطوا فيها مبلغ كبير يعني الف ريال تمام
هي شكليه .. تستفيد منها في نقاط السكن زي ما شرح اخونا خالد في موضوع نقاط السكن
وبس في الفندق ك ضمان بس "ادا كونت تدفع كاش" وانا افضل الكاش
في نقطه مهمه في البطاقه .. وعلشان كدا انا اقول لا تحطوا فيها مبلغ كبير
انها توقف يعني تمسك الرصيد اللي فيها كم يوم .. وهنا لو ما معاك غيرها تتورط
ف لافضل ما تعتمدوا عليها ..
ولو احتجتوا تدفعوا فيها شي "يعني ما رضيوا الا بالفيزا " مع انها ما صارت لي الحمدلله
يكون فيها الف ريال .. "يعني 250 دولار "
ان شاء الله ما اكون نسيت شي بالنسبه للفلوس
السكن
السكن متعب شوي ... وغالي شويتين بالنسبه للسيتي ..
بس حابه انبهكم على كدا نقطه :
1. اغلب العقود حاليا صارت لمده سنه .
2. حاول تزايد في السعر .. يعني ادا الاونر طالب 450 انت عبي الطلب وقول انك تبغاها 470
لانو في طلب زايد على الشقق وتلاقي غيرك كثير مقدمين ..
3. هنا ما يردوا على طول .. يعني لا تتوقع انك تقدم على وحده اثنين وخلاص
يعني ممكن تستنى ..وفي الاخير تنرفض .. لازم تقدم على اكبر عدد ممكن ..
4. غير مواقع النت .. تقدر تسال الهنود اللي يبيعوا في الكوشكات الصغيره ..
ح يدلولك على اماكن سكن ويعطوك تلفونات .
5 . ح اقولكم على كم مكتب عقار في ملبورن تقدروا تروحوا لها اول يومين
وتاخدوا لسته بالشقق الموجوده ..
1.في مكتب عقار "بس نسيت اسمه "
بس هدا مكانه على الخريطه ..
تقاطع شارع سواستون مع فرانكلين في الكورنر "المربع الاحمر"
2. هوم @فلندر
قدام فلندر ستيشن >> اخاف اوصف اكثر اتوهكم ..
3. مكتب عقار اسمه micm "لوحته زرقاء وصفراء" اظن
على نفس امتداد بورك ستريت في على اليمين ما بين شارع كوين وكنغ ستريت
>> الخريطه اوضح
للاسف الداكره اليومين هدي مو تمام اتمنى اني قلت حاجه تفيدكم
واي احد حابب يسال عن معلومه لا يتردد ..يمكن استفيد وافيد فيها
اتمنى التوفيق للجميع
LinkBack URL
About LinkBacks
May 18th, 2008, 05:35 PM
والى اليوم
واحب اشكر كل من سال عني ولو افتكرني بشي حلو والا مو حلو
1.مواصلات
2.فندق "تدفع كاش "افضل
3.مصروف جيب
هدي تخليها في السعوديه عندك اهلك .. ليه ؟؟
"شغله يوم/ يومين"
"تحتاج بطاقه الطالب+التاشيره+الجواز"
"ادا ما عندك سكن ثابت قولهم انا باجي اخدها من عندكم .."
هو ستكر يا دوب ينشاف على القزاز ..
وموجود في اهم الشوارع "بورك ستريت /كولن ستريت /سواستون ستريت" في ملبورن
وبس يسلمونك الملبغ على طول وكلها شغله24 ساعه .
واوردي انت معاك مبلغ يكفي ف ان شاء الله ما ح تحتاج تسحب قبل البطاقه ما توصلك
هي شكليه .. تستفيد منها في نقاط السكن زي ما شرح اخونا خالد في موضوع نقاط السكن
وبس في الفندق ك ضمان بس "ادا كونت تدفع كاش" وانا افضل الكاش
انها توقف يعني تمسك الرصيد اللي فيها كم يوم .. وهنا لو ما معاك غيرها تتورط
ف لافضل ما تعتمدوا عليها ..
ولو احتجتوا تدفعوا فيها شي "يعني ما رضيوا الا بالفيزا " مع انها ما صارت لي الحمدلله
يكون فيها الف ريال .. "يعني 250 دولار "
2. حاول تزايد في السعر .. يعني ادا الاونر طالب 450 انت عبي الطلب وقول انك تبغاها 470
لانو في طلب زايد على الشقق وتلاقي غيرك كثير مقدمين ..
يعني ممكن تستنى ..وفي الاخير تنرفض .. لازم تقدم على اكبر عدد ممكن ..
ح يدلولك على اماكن سكن ويعطوك تلفونات .
وتاخدوا لسته بالشقق الموجوده ..
تقاطع شارع سواستون مع فرانكلين في الكورنر "المربع الاحمر"