الشيك المصرفي ماادراك ما الشيك المصرفي ؟؟؟

June 1st, 2008, 03:48 PM

السلام عليكم
تحية طيبة للجميع...
ابشركم اليوم ارسلت الاوراق ونموذج الطلب الى دبي ( ام الدنيا ) وانشاء الله الفرج قريب
صار لي مشكلة مع الشيك احب تكون واضحة للجميع :
1- ذهبت الى بنك الراجحي وطلبت اصدار شيك مصرفي وطلب مني تعبئة نموذج اصدار الشيك ثم توجهت الى المسئول وللاسف اول مرة يصدر شيك خاص بالسفارة الاسترالية طبعا رفع ظغطي ما يعرف شي على العموم تحملتة وابشرك سئل جميع العاملين بالبنك حتى موضف الامن تدحل في الموضوع عشان الزحمة اللي صارت . اخذت الشيك بعد جهد ثم توجهت الى ارمكس . وبعد التدقيق على الاوراق صدمني بان الشيك فيه حطاء لازم يتغير توجهت الى بنك ثاني لأصدار شيك ثاني والغاء الاول .
بعد طبور كبير بسبب الرواتب .، لاحظت شي غريب السعوديين على مكائن الصراف الالي طوابير والاجانب طوابير على الايداع , نرجع لوضوعنا شرحت له الوقف وطلبت اصدار شيك ثاني والغاء الاول وتصحيح المبلغ حيث كان 1640 الى 1740 كل شي ارتفع والسفارة تسير على نفس المنوال ، قال شيك الاول فية مشكلة لازم تروح نفس الفرع قلت معليش اصدار شيك ثاني وبعدين نلغي الاول , الحمدالله اصدار الشيك بدون مايئسئل احد توجهت مباشرة الى موظف ارمكس وبعد التدقيق قال الشيك فية خطاء قلت وين الخطاء قال :

1- اول مرة كان المبلغ يختلف لازم يكون 1740 الى يوم 1-6-2008
2- وثاني مرة كتابة vfsgccllc لازم يكون ثلات اجزا ء VFS GCC LLC
ولا تكتب رقم الحساب بالشيك فاضي حسب افادة موظف ارمكس
توجهت للبنك مرة اخري بس المرة هذي بدون طابور قلت للامن عندي مشكلة في الشيك ذعت الى خويي وطلبت تغير الشيك حسب طلبهم قال لي شروطهم غربية قلت الشكوي لله ،
اصدرا الشيك حسب التعليمات المشددة مني
وتوجهت الى موظف ارمكس وقال الحين اوكية والله ما كمل حتى انقطعت الكهرباء

(فلم هندي ) قمت اعد ذنوبي واستغفرالله قلت استلم الاوراق مانحتاج الكهرباء ، قال :كيف اعمل سكنر للجواز وتعئبة النموذج اليا ، الحمدالله بعد نصف ساعة من الحر والموظف يقول روح وتعال بكرة ، قلت مافية مستني الكهرباء مستنية ، جاءت ست الحسن والجمال الكهرباء هانم اخذ الاوراق مني وعمل سكنر للجواز وسجل الطلب واعطاني رقم للمراجعة عن طريق الموقع .

واخيرا قال بكل ارتياح ردد ياليل ماطولك واحتمال تنتهي البعثة و التاشيرة ماجاءت
طبعا شكرته على اخلاقه العالية و تفاؤله الكبيرة لي
يا معشر القوم عندي خبرة في النموذج والشيك والفحص تحت امركم فهل من سئال فوجيب

تحيات للجمبع ادعو لي بان الله يفرج همي وينهي التاشيرة بسرعه امين امين
اللهم اني اسالك الستر في الدنيا و الاخرة وانهاء التاشيرة قبل الموعد امين امين

• نشر عبر تويتر
• نشر عبر فيسبوك
• نشر عبر جوجل