LinkBack URL
About LinkBacks
يعطيك العافيه ما قصرت
7 " 
استفتاء حول مكاتب القبول لجامعات استراليا
استفتاء حول مكاتب القبول لجامعات استراليا
تنبيه: هذا الموضوع قديم. تم طرحه قبل 6011 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- يا اخوان ياريت كل واحد يكتب خبرته على كيفة الحصول على قبول سواء عن طريق مكتب او غيره عشان اخواننا وخواتنا في المستقبل7 "
كل واحد كان في يوم من الأيام مثلهم ومحتاج لخبرات الى سبقوهم.
فياريت يكون فيه تفاعل اكثر من كذا. - الله يعطيك العافية أخوي وماقصرت لان هذا الموضوع وبصرررراحة مهم جداً لاني أحد ضحايا مكتب idp الله لايعيدة ...... المهم سحبت عليهم ...... وقمت بالدخول على موقع الجامعه اللي أنا أبيها وعبيت الابليكشن والشي اللي محيرني ليش؟ يأخذون فلوس على الطلب حتى لو ماصار فية قبول علما أن التعامل إلكتروني.... وماهي أفضل طريقة لدفع المبلغ ........وجزيت خيراً وجوزت بكراً عمرها عشراً وبجنبها صفراً..............7 "
- 7 "يعطيك العافية اخوي على المشاركة واتمنى الباقين يتفاعلون:الله يعطيك العافية أخوي وماقصرت لان هذا الموضوع وبصرررراحة مهم جداً لاني أحد ضحايا مكتب idp الله لايعيدة ...... المهم سحبت عليهم ...... وقمت بالدخول على موقع الجامعه اللي أنا أبيها وعبيت الابليكشن والشي اللي محيرني ليش؟ يأخذون فلوس على الطلب حتى لو ماصار فية قبول علما أن التعامل إلكتروني.... وماهي أفضل طريقة لدفع المبلغ ........وجزيت خيراً وجوزت بكراً عمرها عشراً وبجنبها صفراً..............
انا مثلك ما ادري ايش المغزي من مصاريف الابليكيشن علما كثل ماتكرمت انه المعاملات الكترونية.
وأفضل وسيلة للدفع؟
يعتمد اذا انت بترسل اوراقك الكترونيا والجامعة ماعندها مانع يصبح البطاقة الاتمانية اون لين أفضل وأسرع وتوفر عليك قيمة الارسالية.
اما اذا كانت الجامعة تبغي Hard copy في ذي الحالة افضل وسيلة شيك مصدق بالمبلغ المطلوب بعملتهم وتفرق من جامعة لجامعة دام انك راح ترسل اوراقك وتدفع قيمة ارسالية خلها مرة وحدة هذا راي يمكن الأحوان عندهم راي اخر.
ملاحظة: انتبه لاسم المستفيد في الشيك تاكد من الجامعة وش تكتب. - 7 "واخيرا نصيحتي انك تعتمدون على انفسكم بالقبول اكثر من المكاتب
خالد هذا والله الكلام السليم ... انا مريت بنفس التجربه اللي مر فيها خالد
بس للأسف ماوصل القبول .. يعني اتوقع تخيلو مقدم قبل سنه ونصف ولا جابو شي لحد الحين
المشكله لازم الجميع يعرف ان .. اغلب واكثر المكاتب اللي تجيب قبول .. متعامله مع مكتب هناك وسيط .. معتمد للجامعه .. والمكتب اللي في استراليا بدوره يتعامل مع الجامعه
يعني وسيط وراء وسيط وراء وسيط ... واذا حركت المكتب اللي بالسعوديه .. يبي لك تحرك اللي هناك .. يعني شغله مره مرهقه ونصب .. ومواعيد .. كذابه
نصيحتي يأخوان ..اي واحد يبي قبول يجيب لنفسه .. خصوصا" ان الجامعه تعتمد على ايميلك .. ويصير معتمد لديهم ..
واذا المشكله بالانقليزي ... بسيطه .. جب اي واحد يعبي لك الابلكيشن .. وانتهى الموضوع ..
او استعن .. بالمترجم قوقل .. يترجم لك موقع الجامعه او المعهد بالكامل .. وريح بالك
ايضا" لو تصفح العضو .. بيحصل كل شي سهل .. وفيه مواضيع عن طريقة اخذ القبول بكل سهوله ... . ماعليك غير تختار الجامعه اللي تبي وتتوكل على الله ..
بالتوفيق للجميع .... وماقصرت خالد على المعلومات
وافي الروقي - 7 "أشكرك اخوي الوافي وفعلا انا اوافقك الراي وتعقيبا على كلامك انا راح اكتب عن الطرق لمراسلة الجامعة للحصول على القبول باذن الله:
أولا- انك تبدا تراسلهم من بدري يعني قبل بدأ الترم أو السنة بأريعة أشهر على الأقلعشان يمديك تخلص جميع اجرات البعثة من قبول وفيزا واقرار البعثة قبل موعد بدا الكورس عشان ماتتوهق وتتاخر لبعد بدا الكورس مع ان بعض الجامعات الاسترالية تتفهم وضعك بس خلك في safeside
ثانيا- تدخل موقع الجامعة الى ودك تدرس فيها وتشوف الاوراق المطلوبة للتقديم Admission requirements راح تلاقيه في موقع القسم الى فيه تخصصك او International Office or Admission بس يفضل انك تشيك على موقع قسمك افضل انه يكون ادق لان المتطلبات احيانا تختلف من تخصص لتخصص............وراح اذكر على وجه العموم وش الاوراق الى يطلبوها على وجه العموم (بس لاتعتمدون عليه الأفضل انك تتاكد من موقع الجامعة) لطلبة البكالوريوس:
(تعبئة الأبلكيشن)
1-صورة من جواز السفرساري المفعول
2-خطاب ضمان مالي أو للدارسين على حسابهم كشف حساب من البنك لاخر 3-4 شهور من ولى امرك مع ورقة تعريف من عمل ولي الأمر للتاكد من استطاعته تحمل تكاليف الدراسة والمعيشة والتامين الطبي.
3-صورة من شهادة التخرج من الثانوية مترجمة ويكون نسبتك تتوافق مع المطلوب.
4-كشف درجات الثانوية مترجم.
5-شهادة حسن السيرة والسلوك مترجمة.
6- شهادة نتيجة التوفل او اليتس واذا ما عندك عادي راح يعطونك قبول مشروط على ان تنهي دراستك عندهم في مستوى معين دون الحاجة لاختبار التوفل او تدرس في معهد وتختبر.
الماجستيرا:
(تعبئة الأبلكيشن)
1-صورة من جواز السفرساري المفعول.
2-خطاب ضمان مالي أو للدارسين على حسابهم كشف حساب من البنك لاخر 3-4 شهور من حسابك أو الي بيعيلك مع ورقة تعريف من عملك أو من الى بيعيلك للتاكد من استطاعته تحمل تكاليف الدراسة والمعيشة والتامين الطبي.
3-شهادة التخرج من الجامعة مترجمة.
4-كشف درجات الجامعة مترجم (السجل الأكاديمي).
5-ثلاث رسائل توصيه من أكادمين باللغة الأنجليزية.
6-خطاب الهدف شخصي PersonalStatment
7- السيرة الذاتية باللغة الأنجليزية C.V
8-شهادة نتيجة التوفل او اليتس واذا ما عندك عادي راح يعطونك قبول مشروط على ان تنهي دراستك عندهم في مستوى معين دون الحاجة لاختبار التوفل او تدرس في معهد وتختبر.
9- اما بالنسبة للموظف ورقة تعريف من العمل.
10- (أختياري) للذين درسوا بالغة الأنجليزية من جامعة سعودية او عربية ممن ياخذ من ورقة مصدقة تفيد بذالك وترسلها للجمهات الاسترالية ترها بتفيديك.
للدكتوراة:
بصراحة ما عندي فكرة ارجوا من الأخوان اليدرسون الدكتوراه يكتبولنا تجربتهم....... الى اعرفه انك لازم دكتور (المستشار Adviser يتبناك
بعد ماجهزت اوراقك ترسلها الكترونية أو على البريد الجوي على عنوان International Office or Admission وتسدد رسوم الابليكشن Application fees عن طريق البطاقة الائتمانية او شيك مصدق وتاكد من اسم المستفيد.................وبعدين بيرسلونك بعد فترة قريبو ما تتعدى غالبا 3 اسابيع بالقبول أو لا وأن شاء الله جميعكم تقبلون.................. (وبشرونا)
ثالثا- بعد ما يرودن عليك بالايميل بالقبول النهائي مربوط عل هيئة pdf ارسلهم واطلب منهم CoE
وبعدين اطبعهم وقدم على الفيزا والأوراق المطلوبة موجوده في أول الصفحة وبالتوفيق.
أما بالنسبة للي اخذوا قبول مشروط فانهم راح يرسلون لك بائيميل ويشرطون عليك انك تجبلهم قبول و CoE من معهد الجامعة او خارج الجامعة عشان يتاكدون انك راح تدرس انجليزي بعد ما تجيبهم ترسلها ل International Office الى ارسلولك القبول المشروط وطالبهم بال CoE حقت كورس الماجستير او الباكلوريوس..............الحين راح يكون عندك قبولين للغه والكورس + 2 CoE كلهم قدمهم للحصول على الفيزا من بداية دراسة اللغه لانتهاء الكورس وباقي المتطلبات للفيزا تلقونها في الرابط الى كتبته في أول الصفحة وبالتوفيق.
طيب كيف احصل على قبول اللغه و CoE .... ترسلهم بالايميل ما يحتاج بريد جوي ومايحتاج تعبي ابلكيشن ولا تدفع رسوف الأبلكيشن كل ماعليك ارساله هو:
1- قبول المشروط الى اخذته من InternationalOffice
2- خطاب ضمان مالي أو للدارسين على حسابهم كشف حساب من البنك لاخر 3-4 شهور من حسابك أو الي بيعيلك مع ورقة تعريف من عملك أو من الى بيعيلك للتاكد من استطاعته تحمل تكاليف الدراسة والمعيشة والتامين الطبي.
3- (مو ضروري) اختيارلغه توفل او ايلتس قمت به عشان يساعدهم في تحديد مستواك.
أما بالنسبة للي يبون يدرسون لغة فقط يرسلون الأوراق التالية:
(تعبئة الأبلكيشن وتسديد رسومها)
1-صورة من جواز السفر
2-خطاب ضمان مالي أو للدارسين على حسابهم كشف حساب من البنك لاخر 3-4 شهور من حسابك أو الي بيعيلك مع ورقة تعريف من عملك أو من الى بيعيلك للتاكد من استطاعته تحمل تكاليف الدراسة والمعيشة والتامين الطبي.
وختاما- هذا كل الى عندي وارجوا ان اكون افدكم ولو بالقليل واتمني لكم التوفيق وانك تمثل دينك ووطنك خير التمثيل وتروح وترفع راسنا وترجع وطنك مرفوع الراس. - جزاك الله الف خير...7 "
- وين المشاركات ؟؟؟؟؟7 "
ترى ماراح ياخذ من وقتكم الثمين شي وبتفيد غيرك وانتم شفتم ردود الأخوان فوق انهم فعلا عانوا من هذه النقطة فتفاعلوا لتعم الفائدة للجميع لو بكلمات واضافات بسيطة..
وصدقوني الى ييسر ويساعد غيره الله راح ييسر عليه اموره ولان جميعنا محتاجين التيسير والتوفيق من الله رب العالمين - انا جيت عن طريق مكتب aaet7 "
وصارو جدا رائعين في تعاملهم
وخاصة اخونا عرفات الله يذكره بالخير
June 18th, 2008, 02:03 AM
ثانيا- اليكم تجربتي في الحصول على القبول في جامعات استراليا:
تقريبا من 6-7 شهور كان في مؤتمر في فندق الماريوت بالرياض كان فيهم مندوبين من 21 جامعة من استراليا وكان برعاية مكتب IDP فقدمت في اربع جامعات والميزة الى فيها انك ما راح تدفع رسوم الابليكيشن ولا رسوم الارسالية فنصيحتي اذا في اي مؤتمر انكم تستخلونه لانه بيوفر عليكم بس العيب هنا كان تعاملي مع IDP مكتب للاسف تعيس في تعاملاتهم وردوده واجراتهم جدا بطيئه.
وعلى العموم انا كلمت الجامعات لما كانوا بالرياض انه تقريبا كم ياخذ وقت لردودهم بالقبول او عدمه جميعهم قالولي شهر وانتي اراجع المكتب IDP ماعدا جامعة فلندر كان صريح وانتم تعرفون انهم شعب جدا صريح قالي بتاخذ ل 4 شهور ........فلما مر اكثر من شهر راجعت المكتب قالولي ماجاك شي استغربت!!!!!!!! رحت راسلت الجامعات وتفاجات اني قبلت في جامعتين وانه مرسلين القبول للمكتب من اسبوع واني اراجعهم وكلمت المكتب يقولوا كلمنا بعد اسبوع ؟؟؟؟
المهم شوفت الشغلة كذا رحتلهم وواجهتهم وينكرو ويقولوا ما جاك غير قبول المعهد على العموم شوفت الدعوه حوسه رسلت الجامعات وكتبتلهم انهم يرسلوا كل شيء لى علطول لايميلي القبول و CoE وقعت انقد في تعامل المكتب الى غير احترافي ولامبالاة وانهم يلغون التعامل معهم لان المكتب مستفيد........وفعلا بعد يوم ارسلولي كل شي واليوم الى بعده كلموني IDP ويعتذرولي على التاخير
عموما المكتب كلمني عشان نبدا اجراءات الفيزا وانا الى يعطيم وجه بعد كذا رحت ارامكس لوحدي وطلعت الفيزا لى ولزوجتي ولابني في 15 يوما ولله الحمد.
اهم شي انه اوراقك تكون كامله والفحص الطبي يكون في نفس يوم التقديم او قبل لضمان وصوله لهم و أسرع واحسن مستشفى في الرياض من باب خبرتي انه اسرع موعد وارخص تكلفة واسرع في ارسال النتائج بحيث هو ماياخذ اكثر من يوم بدءا من صدور النتائج هو مركز الورود موقعه في شارع العليا مقابل مدارس نجد قريب من تقاطع طريق الملك عبدالله فنصيحتي الاتصال عليهم واخذ اقرب موع.......د واخير انك ترسلهم لايميلهم بعد تقديمك للفيزا باسبوع او خمسة ايام تاريخ موعد بداية دراستك وفي اي جامعة وانك محتاج الفيزا عشان ما تتاخر وصدقني راح يحطون طلبك في عين الاعتبار ايميلهم موجود في الموقع الى تحت:
http://www.vfs-au-gcc.com/
والموقع الى تحت فيه ابليكيشن فورم للفيزا 157A:
http://www.immi.gov.au/allforms/pdf/157a.pdf
والموقع الى تحت في الاوراق المطلوبة لتقديم على الفيزا حيث السعودية تندرج تحت
Assessment Level 2:
http://www.vfs-au-gcc.com/Fact%20She...nts_AL_1-2.pdf
والموقع الى تحت فيه جميع المستشفيات والمراكز في المملكة المتعاونة مع القنصل الاسترالي:
http://www.immi.gov.au/contacts/over...el-doctors.htm
واخيرا نصيحتي انك تعتمدون على انفسكم بالقبول اكثر من المكاتب او من غيرهم افضل لانك لو تعاملت مع الجامعة مباشرة عن طريق International Office راح يقولك وش المطلوب او بيكون واضح عند موقع القسم الى بتدرس فيه تخصصك وصدقوني ماراح ياخذ اكثر من ثلاثة اسابيع اذا كان فيه قبول ان شاء الله الا اذا هم قالولك انه راح طول لانهم شعب جدا صريح.
وختاما- ارجوا انه ما كنت اطلت عليكم فارجوا الفائدة والتوفبق للجميــــــــــــــــــــــــــــــــــــع.