لكل من تعامل مع أرامكس الخبر,,,

أختي بفيدك باللي أعرفه لأني مااعرف شي عن فيزة أو وضع المرافقين ،

موظف أرامكس الخبر " عبدالله " جدا متعاون مع الناس " ملاحظة روحيلهم بدري لأنه تصير زحمة ساعات " ، وهو فعلا بيتأكد من جميع المتطلبات المطلوبة منك ، يعني كل طلب مطلوب راح يحط عليه صح أو موجود ، وتقدرين تسألينه عن الخانات اللي ماعبيتيها ولاتشيلين هم ، أهم شغله المفروض تتأكدين منها هي شغلة الشيك ، تأكدي من الصيغة الموجودة حقت الـ " VFS GCC LLC " يعني اي حرف غلط فيهم بيرجعك علطول عشان تعدلين فيه ، وتأكدي بعد من المبلغ اللي في الشيك 1740 في حالة الشخص الواحد ومادري كم الفلوس بحالة المرافقين والأوراق المطلوبة هي كالتالي :

1- عدد ثلاث صور شخصية
2- جواز السفر الأصلي " وبس راح يسويله سكان "
3- صورة من الشهادة
4- تعبئة طلب 157
5- الـ COE حق التخصص واللغة ، أو واحد منهم
6- الشيك " وتأكدي من صحة المعلومات المكتوبة فيه "
7- ورقة الوصل حق الفحص الطبي


هذي المتطلبات اللي أذكرها الحين وان شاء الله مانسيت شي ، بس تأكدي اذا فيه شي ناقص من المواضيع المثبته بالمنتدى ولاتنسين تاخذين صورة من الشيك والفحص الطبي عشان الملحقية تعوضك عن اللي دفعتيه بعدين لمن تروحين استراليا


بالتوفيق

الله يعطيك العافية أخوي (عادل بن أحمد)
أنا شفت الأخ عبدالله وسألني عن الأشياء الناقصة بس حابه أتأكد أن كل شي كامل
عشان مايضيع علي الوقت

عسى الله يوفقنا وياكم أن شاءالله

اختي
مثل ماذكرو الاخوان الاخ عبدالله جدا منعاون .. لكن احيانا الزحمة ماتعطية فرصة ..
الله يسهل امرك وتحصلين على الفيزة باسرع وقت ام شاء الله...
وش صار على دراسة المرافق؟
وبالتوفيق للجميع