تنبيه بخصوص العفش

June 24th, 2008, 05:36 AM

تنبيــــــــــــــــــــــــــــــــــــــــــــــ ـــــــــــــــه

يا أخوان ويا أخوات المشكلة بالشناط اليدوية فقط هي اللي تخضع لتفتيش في كل مطار
أما الشنطة اللي تشحنها إذا طلعت من مطار الملك خالد خلاص ترتاح منها ما تفتش إلا بسدني
حتى في سدني مو ذاك التفتيش

وعشان تضمن ان عفشك كله يوصل اتبع التعليمات التالية:
أولا : بالنسبة للعفش
خذ شنطة كبيرة حط فيها اللي تبي (ملابس شفرات الحلاقة كريمات عطورات ابو خمسة ههههههه ما عدا الطعام مثل القهوة والهيل عشان ما تثقل عليك الوزن عالفاضي)لأن المشكلة هنا بالوزن فقط.
أهم شي عندك بالشنطة هذي خذ وحدة اصلية (قوية ..تتحمل المرمطة) عشان ماتكسر من كثر السحب والتنزيل والحوسة هذي.

ثانياً: بالنسبة للشنطة اليدوية
حط فيها طقم ملابس (عشان تقدر تبدل ملابسك في دبي إذا حبيت ) وحط فيها الدهونات اللي تبي والكريمات بس لا تنسى تصرح عن الكريمات في مطار دبي عشان يغلفونها ويشحنونها لك وترى وزن الكريمات ما يهم حتى لو كانت كثيرة.
وبالنسبة للشنطة اليدوية لا تحط فيها أدوات حادة (مقص شفرات حلاقة ...)

ثالثاً : بالنسبة للكمبيوتر
حط في شنطة الكمبيوتر حبوب صداع ودوخة (يعني حاجات بسيطة )
إذا وصلت مطار سدني قبل تنزل من الطيارة يعطونك نموذج تعبيه ولازم تكتب فيه كل شي شايله معاك (فيه نموذج داخل مطار سدني بالعربي إذا كان الانجليزي عندك يمرش)
أما بالنسبة للسيديات والبرامج المنسوخة ما سألونا عنها حتى اللابتوب ما فتحوه ولا يدرون وش فيه


وبالنسبة للتفتيش مطار دبي عادي اغلب الاحيان ما يقولون شي
أما في مطار بانكوك تشوف أنواع التعقيد.

أما وزن الشناط الميزان العادي الصغير يعطيك نفس النتيجة (يمكن يفرق اقل من نص كيلو بس)

الوزن المسموح للعفش 20 كيلو ويمشون إلى 25 أحياناً
الوزن المسموح للشنطة اليدوية 10كيلو ويمشون لك إلى 12


وسلامتكم............؟؟؟؟؟؟؟؟.........


وللتنبيه يا أخوان المعلومات هذي ما تنطبق على كل الرحلات .

• نشر عبر تويتر
• نشر عبر فيسبوك
• نشر عبر جوجل