--(ملتقى طلاب سدني)--/--(@

السلام عليكم

والله اشوف اني فتحت باب وتحمسوا الربع المتربعين للحديث والفضفضه والبوح بما يختلج في صدورهم

انا خريجة مختبرات من جامعة الملك سعود,, موظفه في الحرس الوطني ,, مبتعثه من جهة عملي

راح اكمل درا سة الماجستير بـ Immunology ,,في University of Sydney

دراستي تبدا في 21 / 7 باذن الله

وراح اكمل الدكتوراه في استراليا اذا اعجبني نظام الدراسه فيها ,,

وينكم ياشباب وشابات سيدني ويك اب يالله

من جد شفت موضوعك ومثل ما لاحظتي ما احد من سدني تفاعل؟ بس ياله نحاول نحفزهم او على الاقل نبدا انا وانتي.
اجل انا وانتي طلعنا خرجين كلية واحدة كلية علوم طبية تطبيقية ورايحين جامعة نفسها
انا مثلك راح اكمل الدكتوراة واحتمال يكون في استراليا
فرصة سعيدة اختي وبالتوفيق

امين يارب

ايه والله طلعنا زملاء دراسه ,, نفس الجامعات ,,

ماقلت لي وش سويت بموضوع السكن؟؟ كيف الترتيبات

هلا بيكم في سيدني
أول شي البرد هنا بالنسبة لي أنا شديد لأني جاي من جدة
ممكن نقول درجة الحرارة بين 5-15 درجة مئوية وماينزل ثلج هنا حسب كلام الاستراليين
بالنسبة للي جاي في جولاي (يوليو) لا يجي الا ومعاه سكن أو يأجل دراسته
بالنسبة للي يبغى سكن مع عائلة ممكن يراسل المعهد والمعهد يقدر يوفرله عائلة
أنا بدرس في معهد الانسيرش التابع لجامعة تكنولوجيا سيدني UTS
هذا اللي عندي بالتوفيق

بالنسبة للسكن اختي انك ماتقدري تحجزي سكنك وانتي بالسعودية للاسف بعكس امريكا يوم كنت بروح هناك--(امريكا رقم 1 في الخدمات بلا منازع)-- بس الحين والمهم انك تكوني حجزتي بفندق او شقة مفروشة مؤقت ولمدة اسبوعين كحد اقل ويفضل يكون قريب من الجامعة---(أختي بشري وش صار عليكي بعد ما اعطيتك عناوين الفنادق ان شاء الله لقيتي)---وشي المهم الاخر انك تجهزي الاوراقك الى بتدعم قبول المالك لايجارك وهي موجودة على ذا الرابط والى كتبه اخونا faysal الله يجزاه خير:
http://www.mbt3th.us/vb/showthread.php?t=53929&page=3

بالنسبة لنفسي انا حاجز في شقة فندقية قريبة من جامعة سدني لمدة اسبوعين وبجهز اوراقي من الان الباقي من هناك عشان اقدم من هناك.

واذا في احد من اخواننا في سدني يعرف شقة لي واختي أخصائية بتفضا قريب بحكم انه احنا جاين في جولاي --(الاولويه لاختي أخصائية بحكم انه هي رايحة الاول)--ياريت يفيدنا لانه بيسهل علينا الكثير.

أشكر مرورك وتفاعلك أخوي---ممم تيب ولي جاي من الرياض او المنطقة الشمالية هل البرد مماثل؟؟؟
بالنسبة لي انا بدور عن سكن مسقل بحم انه معي عائلة بس اكيد معلومتك بتفيد الكثير غيري وماقصرت اخوي ويعطيك العافية.
أتمني التفاعل من البقية الى في سدني

اهلا وسهلا بكل الى جايين استرالي (سدني)

للاحاطة يوجد يوم 17-18 /7/2008

يوجد تجمع ( يوم للشباب) من كل انحاء العالم خلال الفترة هذا بتكون سدني زحمة جدا قبلها ب 5 ايام وبعد التاريخ ب 5 ايام

حسب قول الاسترالين قبل لاتجون يفضل حجز الفنادق من الان مهم جدا

ربنا يوفق الجميع

مرحبا شباب .......توصلون بالسلامه والله يوفقكم جميع ....
انا حاليا بمعهد انسيرش صار لي شهرين واكثر شوي ....
وبعدين رايحه سيدني بدري ماجستير معلوماتيه صحيه ....

بالنسبه للبرد ..مو زود بالنسبه لبرد الرياض والشرقيه الفرق ان هنا مطر كثير
بس يمكن يزيد البرد لسه مدري بس سيدني بشكل عام من المناطق اللي ما يجيها لا حر قوي ولا برد قوي .....

المدينه غاليه جداً واول ما جيت اخذت فتره طويله حتى اعتاد عالمصاريف ..
والسكن كان بجد مشكله اول ما جيت سكنت بفندق اكثر من اسبوعين ..والسكن اللي لقيته غالي 550 بالاسبوع ...بس اضطريت اتنازل وآخذه ...
والشقه كانت غير مفروشه ابداً...فاضطريت اشتري اثاث واجهزه الكترونيه ووو

اي استفسار انا حاضره ...


تحياتي

عندما نتكلم عن جمال الطبيعة نذكر سيدني في تلك القائمة
فمرحبا بكم مع اخوانكم وزملائكم السعوديين
ونسأل الله لنا ولكم التوفيق والنجاح ولكافة المبتعثين في جميع
ارجاء العالم والعودة الى أرض الوطن سالمين غانمين

الجو في سيدني برد ، ودرجة الحرارة للإسبوع القادم المتوقعة والعلم
عند الله من 10-12 في الليل بس بردهم مو برد الشمال
ونقطة مهمة لا تعليق عليها السكن والسكن والسكن قبل المجيئ