الضمان المالي وقرار الابتعاث

اختي انا ما ودي اروعك لكن تضمني قرار الابتعاث بعد اصدار الفيزا
اي لابد من وجود الفيزا لإصدار قرار الابتعاث

هلا mamy
بالعكس الفيزا امرها سهل
لان االضمان المالي ارسله للجامعه عشان يجيني قبول نهائي ان شا الله
وبعدها اقدر اقدم على الفيزا
ولا انا غلطانه

اختي اتوقع انك نص ضمنتيها واكثر

وقرار الابتاث مرة سهل خروجه

موفقه يا رب

يا حليلك العالم وصلت ودرست وانتي توك

بعد صدور الضمان المالي يجب أن تقومي بتقديمه للوكالة التي تنسق لك الحصول على القبول حتى يتسنى لهم إصدار قبول نهائي (COE's) من الجامعة ثم بعد ذلك يتم تقديم ملف كامل أيضا من خلال الوكالة للسفارة الأسترالية للحصول على التأشيرة والتي ستستغرق ما بين 4 إلى 6 أسابيع ثم بعد صدور التأشيرة يتم تحضير ملف آخر لتقديمه للوزارة للحصول على قرار الابتعاث .

ملاحظة: إذا كان الطالب مبتعث من خلال برنامج خادم الحرمين الثالث فإن آخر موعد هو يوم 14/7/2008م على الأكثر لأن يوم 15/7/2008 هو تاريخ بدئ البرنامج الرابع، وفي هذه الحالة يجب مراجعة الوكالة في أقرب وقت لمحاولة انهاء الإجراءات قبل ذلك التاريخ.

وبالتوفيق

مرحبا
شكرا اخوي هشام وAAET
لكن هشام مافهمت وش تقصد ؟ توي لان توني اقدم
انتظر ردودكم لو سمحتوا
عشان بس اتطمن

ياشباب انا معاي الضمان المالي لجامعة قريفث باستراليا بس باقي القبول النهائي COE ولي شهر ماجاني رد والله يستر

اخي aaet 'طمنا والله انشغل بالنا كثير
واذا الفيزه لسا ما طلعت صار لها شهر ويش نشوي تروح علينا البعثه
وكل الشغل الي سوينها خاصة احنا الي انقبلنا في البرنا مج متاخر
بارك الله فيك لاتقول اخر موعد تاريخ 14 قلبي انعصر من شفت الخبر
الله يعجل با اصدار الفيزه ها الاسبوع واتخلص امورنا لى خير
ويش انسوي ما بيدنا حيله
لازم تقول لي وين مصدر الخبر طمنا

اختي وفاء مجرد حصولك على الضمان المالي لا يعني انك سوف تستلمين قرار الابتعاث
تدرين ليش ؟
لانك لست مبتعثة
انتي ملحقه بالبعثه
والملحق بالبعثة لا يعطونه الوزاره قرار الابتعاث
طيب ايش يعطونه؟
يعطونه ضمان مالي وامر اركاب فقط لا غير
طيب ايش الحل؟
الحل هو الن معك ضمان مالي الان روحي قدمي على قبول مبدئي بعدين قبول نهائي بعدين تطلبين الفيزا بعدين تروحين للوزاره ومعاك الفيزا ويعطونك امر اركاب بدون قرار ابتعاث بعدين تسافرين ومن هناك تطلبين انضمام للبعثة وتنضمين من اسبوعين الى شهرين تقريبا .
والسلام عليكم

ابو رمووووس
انا مبتعثه مو ملحقه مع اني ماعرف الفرق بالضبط بينهم
ياليت احد يفهم وش اقصد
ليه الوزاره تعطيني الضمان المالي اجل اذا مو اكيد راح ابتعث
انتظركم