احباط والسبب الفيزه اجبرو بخاطري بمساعدتكم

عسى الله يسر عليك وعلينا وعلى كل مسلم يارب

مشكور اخي الهاوي على الكلام الطيب الله يسر امورك انشاء الله
لا تنسى تخبرنا اول باول عن الاخبار ولك مني البشاره الله يفتحها عليك من سابع سما ء يارب
اخي عادل مشكور على مرورك والله يكتب لك الي فيه الخير
اختي الجبيل مشكوره والله انشاء تساهيل على الجميع
الله يطمن قلوبنا ونرتاح يزول كل خوف يارب

بمشي ان شاء الله بكرة الصبح ويعني يوم الثلاثاء أكيد بيكون كله في الخط ولا راح يمديني اوصل قبل نهاية الدوام ولكن ان شاء الله يوم الأربعاء أجيب لكم الخبر الأكيد بحول الله وقوته.....

إذا أحد يبي شيء يعلمني


والله يكتب الي فيه خير


تحياتي للجميع

اخي الهاوي طمنا ادا وصلت با السلامه
اهم شي سلامتك
انشاء الله الامور كلها تمام والله جالس ادعي لك تبشرنا بالاخبار الي تسر
ننتضر ردك
تحياتي

الله يسلمك ويعافيك اخت نسم الخزامى من كل شر ومكروه

أبشركم الحمدلله وصلت أمس في الليل على 11 وعلى طول نمت ذبحني الخط

أول ماقمت وأناظر الساعة الي في يدي إلا هي الساعة1 ؟؟؟ بغيت انهبل

وأفز وأشوف الجوال إلا هي 10:40 دقيقة

على طول لبست ورحت لهم وعيوني نصها نووووم وداخلة في بعض

المهم أخذت رقم وجلست ولما جا دوري رحت للموظف وطل في الأوراق وأنا ساكت قال خذ عب الإستمارة <<<أعوذبالله كلها تعهدات حسيت أنهم بيقولون بعد انك مانت ولدنا ولا نعرفك

عبيتها وأخذها وقال ان شاء الله شيك على يوم السبت أو الأحد وان شاء الله يكون قرارك صدر

قلت له معليش متى آآآآخر موعد لإصدار قرارات الإبتعاث؟؟؟

قال : أرسلو لك رسالة؟؟
قلت له: لا والله بس فيه زميل عنده مشكلة شوي في الفيزة طلعت فيزته بس باقي المرافق

قال: لا ماعليك مافيه موعد أبد أول مايخلص يجي ولا عليه

أبد مفتوووووووووووووووووووووح ولا صدر أي شيء يقيد أو يوقف قرارات الإبتعاث

طلعت من عنده وهو يأذن الظهر وعلى البيت <<صار لي نفس أجلس مع أهلي أمس كله مدري وشلون

اعذروني تأخرت عليكم بالرد بس وش أسوي قهوة الظهر مع الأهل من زمان عنها



وتقبلو تحياتي

يسلمووووووو اخوي الهاوي

انا قرأت في ملتقيات ثانية أن سالفة قطع قرار الإبتعاث مجرررررد اشااااااااااااااااااااااااعه

عشان الناس اللي قبلوهم ببداية المرحلة يخلصون أمورهم


والحين أنت تثبت لي الخبر

مشكووور أخي العزيز

وفقك الباري

حمد لله على السلامه يالهاوي

الله يفرحك ويريحك مثل ماأفرحتنا وريحتنا

بارك الله فيك وجزاك كل خير

مشكور والله اخي الهاوي الله يكتب لك في كل خطوة سلامه
والله فرحت من قلب ماتتصور شلون بثيت الامل عندي كان روحي ردت لي
الحمد لله على سلامتك ونشاء الله القهوه دوم تجمعك باهلك واحبابك والله لا يحرمك منهم ابد
والله يسر للجميع انشاء الله على خير وسلامه
ونشاء الله نسمع كل بشاره خير لكل عضو ينتضر الفيزه
هالاسبوع انشاء الله نعبي الملتقى زغاريد وهلاهل وتباريك يارب

الله يسلمكم ويعافيكم من كل شر ومكروه وأبد انا ماسويت شيء يسوى

وإذا فيه أي شيء تبونه أنا حاضر ....



وتقبلو تحياتي

الله يجبر بخاطرك اخوي الهاوي ويسر لك امورك

اختي
نسيم الخزامى

خلي ايمانك بالله قوي وكلي امورك لرب العالمين وارسلي اوراقك ولاتخلي الاحباط يعرف لك طريق وان شاءا لله راح توصلي ملبورن بالسلامه
وراح نلتقي هناك وراح اذكرك