الاغراض الممنوعه في جمارك استراليا والي يدققون عليها ؟

السلام عليكم ورحمة الله وبركاتهاخوي بالنسبه للمطارات عموما في كل العالميفحصون الحاسوب الشخصي فحص خارجي وكذلك السي دي اللي مو اصلي يدققون عليه وفي امريكا وبعض اوروبا واعتقد استراليا قد يغرمونك عليه واحتمال سجن.كذلك الولاعات لاهل الدخان وايضا السوائل بأنواعها.بالنسبه لجمارك استراليا وانا طبعا اروح واجي عن طريق مطار بيرث , يدققون عالاكل خصوصا اذا ماكان عليه ملصق او استيكر المنتج يوضح وشهوا بالضبط. وكذلك الادويه ان قدرت تجيب معاها وصفه طبيه للامراض اما بالنسبه لدوا الكحه والبنادول والحركات ذي عادي.لكن يشددون على الاطعمه اذا كانت فاسده او احتمال فيها اوبئة , حاول تكون كل اغراضك عليها لزقات الانتاجيه لانه بالنسبه لي انا مره اخذوا مني العويدي (المسمار) لانه بدون لزقه وقالوا راجعنا بعد مانحلله.وضروري وانت في الطيارة بيعطونك ورقه فيها اسئله عن انه هل معك اسلحه او اطعمه او ادويه او مبالغ ماليه اكثر من 10000 دولار اعتقد. لازم توضح اللي معك .بالتوفيق

الكمبيوتر قصدك من برا يعني ما يفتحونه ويشغلونه ؟ او يطلبون تشغيل الهادرسك الخارجي الي معاك او السيديات ؟؟

هذا الموقع رسمي وراح يفيدك:
www.customs.gov.au

وهذا موضوع ان شاء الله بيفيدك:

المبتعث احمد ...

انا بقولك الخلاصه .. تراء وانا اخوك اكثر مواضيع المنتديات تقروشك والله العظيم وتسوي لك قلق وتوتر

بختصر لك السالفه بنقاط

1-لاب توبك ماراح يفتش ولا الهارد دسك حقك . بس لا تجيب سيديات منسوخه للاحتياط وضع جميع ماتحتاج في الهارد دسك .
2-لا تجيب ولا طعام من السعوديه يابن الحلال .. كل شي متوفر هنا متوفر متوفر .فقط تمرة خلاص وقهوه عربيه .. حسب رغبتك بس حط عليها استيكر .. لو مزور بتاريخ صلاحيه كويس
3-لا تجيب صحون ولا قدور وخرابيط .. كل شي هنا .. وسعره مره مره مناسب
4-الادويه جب معك الادويه الظروريه .. وانت لك ضمان صحي . لا تحاتي . ولكن سجل بكرت الطايره .. هل لديك ام لا ..اذا معك ادويه قل معي ادويه .. معك اطعمه قل معي اطعمه ..


وسلامت قلبك .. ولا تسأل كثير تتعب والله .. الامور تساهيل تساهيل



اخوك / وافـــــــي

لا تشيل ترى الدنيا سهالة , فووق ما تتصور

واسأل مجرب

أنا جبت معايا أدوية بوصفة طبية ولا طلبوا الوصفة

اللاب توب تفتيش خارجي

والحمد لله تسهلت أموري بس ثق بربك وتوكل عليه



وموفق يالغالي

والله ما سالوني على الابتوب ولا على الهارديسك بس طالعو في الاكل وما كان معي إلا تمر وهيل وبن قهوة عربية وبكت شاي ربيع ونسكافه وبسكوت من كل شىء بكت واحد مو اكثر وكلها بتاريخ صلاحية والامور مشت سهاااااااااااااااااااااااااااااااااااااااااله

مشكور يالوافي وقصيدتك تخوف

نبي مشاركات من الجميع
خصوصا اصحاب التجارب

والله الجمارك مره كويسين

اهم شي توضح وش معاك واذا شاك بسؤال حط يس على كرت الدخول

ورهم كل الاكل اللي معاك وحتى الدخان والاشياء والادويه

بالنسبه لي لاطالعوا باللابتوب ولا حتى بالاكل اكتشفت امي حاطة لي تمر ماعليه ستيكر وكنت برجعه بس والله دخلوه عادي تيك ات ايزي