ابي اعرف اقوى جامعه تقدم تخصص فيزياء طبيه ونانو تكنولوجي

بالنسبة لدراسة ماجستير بالفيزياء الطبية في كندا يكون بنظام المقررات مافي بحث على طول وفي أكثر من جامعة وأغلبها تحت اشراف المنظمة العالمية للفيزياء الطبية وهذة قاءمة الجامعات
McGill University
University of Alberta - Cross Cancer Institute
University of British Columbia
University of Calgary
University of Manitoba


طبعا انا راسلت هذي الجامعات كلها وماطلعت بنتيجة لان الجامعات الكندية ماتعطي قبول مشروط بهذا التخصص..... بس ممكن للمبتعثين عن طريق وزارة التعليم العالي بعد ماينتهوا من المعهد يتقدمون للحصول بقبول بهذي الجامعات ......... لكن انا مرجعي مايسمحلي اطلع الا بقبول معهد لغة وقبول جامعة كمان......... طبعا شروطهم اللي اعرفها توفل 600 درجة في بعض الجامعات ويطلبون اختبار GRE اقل شي 1200 وبعضهم يطلب اختبار GRE خاص بالفيزياء

وحتى امريكا ماتعطي قبول مشروط بالفيزياء الطبية لانه بصراحة تخصص مطلوب جدا وكمان الجامعات عددها قليل جدا اللي تقدم هذا التحصص سواء في امريكا او كندا

بالنسبة للنانو تكنولوجي انا ما بحثت عنه كثير بس في طريقة سهلة ممكن تبحثي عن طريقها

ادخلي على اعضاء هيئة التدريس بقسم الفيزياء باي جامعة راح يعطونك معلومات عن كل عضو هيئة تدريس والابحاث اللي هو شغال فيها فاذا حصلتي شخص مهتم بالنانو تكنولوجي فتأكدي انو هذي الجامعة فيها هالتخصص ومثل ماقلتلك انتي بالبداية راح تدرسين مقررات عامة مثل ميكانيكا الكم والميكانيكا الكلاسيكية والاحصائية والنظرية الكرومغتاطيسية
وتخصصك يعتمد على نوعية بحثك اللي تبين
فمثلا لو حبيتي الفيزياء النووية بعد الانتهاء من المقررات في هذه الحالة لابد يتواجد دكتور بالقسم تخصصة فيزياء نووية عشان تشتغلي معاه البحث

بداية حلم ودي افهم اكثر

يعني تقصد اني ادرس كل تخصصات الفيزياء اللي درستها من قبل

بعدين اعمل بحث بالتخصص اللي انا ابيه ..

طيب لو درست فيزياء طبيه برضوا نفس الكلام

.

.

الفيزياء الطبية تختلف تماما عن اي تخصص ثاني
يعني المقررات تختلف تماما وماتحتاجين اي شي اختيه بالبكالوريس الا الاساسيات بس
راح اعطيك الحين طبيعة المقررات اللي تاخذينها بالماجستير
الفيزياء النووية
الفيزياء الاشعاعية والجرعات
علم التشريح وعلم وظائف الاعضاء
العلاج الاشعاعي
فيزياء التصوير الطبي
الالكترونيات الطبية
الفيزياء الصحية (وقاية من الاشعاع)
طبعا يوجد اختلاف بسيط من جامعة لجامعة طبعا كل المقررات اللي ذكرتها لايوجد فيا اي تعقيدات رياضية لان الفيزياء الطبية مااتحتاج رياضيات كثير.......... وهذي ميزتها بالنسبة لي لاني اكرة الرياضيات............ دائما اللي يدخل مجال الفيزياء الطبية راح يلقاها تهتم بفرعين وهما العلاج او التشخيص لكن اغلب الناس يختارون طريق العلاج والمتمثل باختيار العلاج الاشعاعي
يني بالعربي يختار نوع من الاورام ويتخصص فية

لكن الطب النووي يعتبر اقرب للتشخيص منه للعلاج ......... أنتي حابة تدرسين على حسابك؟؟؟؟؟؟

بجد حبيت التخصص

انا ودي اطلع على حسابي بعدين انظم للبعثه

بس اخاف اطلع ومايضموني واتوهق


.

.

طيب اذا حابة تطلعين على حسابك اختاري دولة ارخص من ناحية تكاليف الدراسة والمعيشة وغيرها
زميلي دكتور فيزياء طبية ومتخصص بالعلاج الاشعاعي والتخصص الدقيق علاج اورام الثدي عند النساء......... درس في ماليزياء ويمحها كثير ومتطورة جدا بالتخصص هذا ودولة رخيصة وعندهم معاهد متطورة باللغة الانجليزية وتظل ماليزياء دولة اسلامية وبلد سياحي كمان يعني الاوضاع تشجع على الدراسة جدا........ لو كان بيدي رحت هناك بس ممنوع ......... واعرف شخص انتهى من الماجستير كمان في ماليزياء وتخصصة علاج اورام المخ السرطانية .......... أتنى لك التوفيق واي استفسار انا حاضر باللي اقدر عليه

نو وي اطلع ادرس على حسابي البرنامج كامل

ماعندي امكانيه

بس ربك يسهلها

انا عندي قبول من جامعة العلوم في بيننج بس القبول له سنه

وبرضوا قبول من معهد تابع للجامعه

بس مدري الكل قال دراسة استراليا في الفيزياء الطبيه اقوى من ماليزيا

ومن ناحيتي المصاريف اتوقع نفس الشي

وماليزيا اول رخيصه بس الحين تعتبر مثلها مثل اي دوله في غلاء الاسعار

حابه اسألك ..؟؟

انت تدرس بأي جامعه ..؟؟

.

.

انا ماادرس انا اشتغل بجامعة الجوف _ قسم الفيزياء ....... وقبولي صدر من جامعة سيدني قبل اسبوع ماجستير فيزياء طبية...........
الجامعة اللي بيننج تعتبر الان من افضل جامعات ماليزياء

بس الدراسة في ماليزياء صعبة ومحتاجة مجهود جبار حسب كلام اللي تخرجوا من هناك

علشان كذا انا صرفت نظر عن ماليزيا

وافكر حاليا اجيب قبول من جامعه بااستراليا

بس حابه اخذ معلومات عن الجامعات علشان مااندم بعدين

بس انت مااخذ دراستك نظام بحث والا كورسات ..؟؟

.

انا راح ادرس مقررات وبحث ..... ومدة الدراسة سنة ونصف فقط ووممكن اخليها سنتين اذا حبيت اطول بالبحث........ انا اخترت المقررات لاني بصراحة متخرج بكالوريس فيزياء ودرست مقررين عن الفيزياء الطبية بس كلها تعتبر بداية بس ومحتاج مقررات اكثر عشان ارتاح بالبحث

وجامعة ادليد باستراليا تعطي قبول بس عندهم الدراسة بنظام البحث بدون مقررات