انا مسافر بعد اسبوعين والله ورطان

رد: انا مسافر بعد اسبوعين والله ورطان
بسم الله الرحمن الرحيم

*حبيبي سيبك من الخوف اللي انت فيه دا. هنا في ملبورن اعتبر انك في جده كل شي فله و وناسه وصحبه وسعوديين بالهكي. يعني بلى خوف بنلتقي وبلى حيره بنلتقي .بادن الله خليك فرفوش كدا .
صدقني راح تحس انك في السعوديه وعلى فكره ادا انت لاعب كوره كويس راح ادخللك في فريقي فريق(الأصدقاء) وادا مالك في الكوره برضوا راح اشوف لك شغله في الفريق اداري اي شي.بين قوسن(اتحادي)
المهم انك تحجز من دحين في اي فندق ويكون قريب من ( ال سيتي)لان اغلب المعاهد هناك وال سيتي يعني البلد زي باب مكه وباب شريف والكبده والحركات هناك آه ياكبده. المهم بعد ماتحجز اكتب العنوان في ورقه واحتفظ بيها في مكان كدا طارف عشان تعطيها للتاكسي اول ماتشرف ان شاءالله.وادا انا هنا في ملبورن وقتها وما رجعت للسعوديه اجازه انا بادن المولى راح استقبلك بس لاتعتمد كتير التكاسي ماتضيعك ههههههه.توكل على الله

**بالنسبه للأكل اصحك تجيب اي شي من هناك في شي اسمه (الحجر الصحي)وهاتك يافلوس راح تكع اللي وراك واللي جنبك والله لا تجيب نصيحه قروشه و وجع دماغ ياعمي والله هنا كل شي متوفر حتى (المنتو )هنا وافغاني المعلم؟.

*بالنسبه للاب توب تبغى تجيب اغراضه معاه جيب ياعمي انا ما تفتشت ولا طل في الجهاز بس فتح شنطة الاب توب لانه كان في( كرواسون بالجبنه) اخده ورماه وبعدين اغلب الشباب بعد ماوصلوا هنا طلبوها من السعوديه بس لو صار شي لا تخقد علي انا دا اللي صار معايه
وبعدين اول ماتوصل المطار راح تلاقيهم لابسين قفازات وبالطو ابيض كأنك جاي من الفضاء ولا عليك شي عادي ولو شفت انه في كلاب تفتش خليك ريلاكس بصراحه انا ماشفت الكلاب دي.والفلوس جيب معاك يعني10 الاف ولو زحلقتها 12 الف كويس.والله راح تستمتع في ملبورن الحق على التزحلق في الثلوووج لا يفوتك.
جيب لبس الدفاع المدني معاك ينفع للزحلقه هناك ههههههههه لاتصدق هنا كمان في دفاع مدني تقدر تتسلف منهم ههههههههه.

**اش كمان اقولك عليه آها: الملابس خد من عندك ملابس شتويه راح تلاقيها عندك رخيصه الان زي (شبرا و سيتي بلازا) لأن الجو حار في جده آآآه ياجده . (بالله كيف جده)؟؟ المهم عندنا الجو آيس كريم يعني يتلحس.مره حلو

*** شي مهم للسكن ادا انت تبغى تتعلم اللغه مزبوط مزبوط عليك بالسكن مع عائله.المكتب اللي راح يطلع لك الفيزه المفروض يدبر للك سكن لو تبغى مع عائله لو مالقيت مو مشكله تعال وبعدين نشوف هنا براحتنا
بس ياسيدي اكتر من كده ما راح اقوللك كفايه عليك... لا لا امزح معاك ده الايميل تبعي ارسل بس اي سؤال حاضرين ياعمي

(تم حذف الإيميل لأن عرضه مخالف لشروط المنتدى)


تحـــــــــــــياتي:ابــــــــــــو سليـــــــــــــمان
مدينة : ملــــــــــــــــــــــــبورن
جامعة: (R.M.I.T)

السلام عليكم ورحمة الله وبركاته
رجعت لك تاني والله ماعندي خلفيه ان الايميلات ممنوعه طيب لا تكون الارقام ممنوعه هنا كمان
هدا الرقم ان شاءالله مايتحدف ولو اتحذف مادري كيف اساعدك لو لقيت حل ارسلي هنا 0432043986
شوف المفتاح الدولي من السعوديه والله ما اعرفه .بعدين راعي فارق التوقيت بيننا 7 ساعات متقدمين عليكم. ادا مارديت عليك ارسل رساله لانه يبين عندي رقم خاص.

مشكووووووووووووووور اخوي ashraf2008fal ماقصرت والله كفيت ووفيت

حسيت اني اعرفك من فتره من كلامك الونيسسس ( اضبطك من الحين )

المهم حبيبي خد هدا ايميلي
amooor_basaad200@
واي شي تبغاه من جده انا حاضر وعلى راسي من فوق
بس لاثكتر طلبات هههههههههههههه

اهللللللللللللللين شباب كيفكم

خلاص قرب السفر كيفك ياكبتن ashraf2008 ايوا اتحادي واعجبك

المهم جهز السوبيا الحمراء والبيضاء وانا عليا المقليه والمعفش والحمر شكلك من السبيل هههههههههههههه
راح اخليك بببجد في جده وريحتها اااااااااااااااه ريحة الشوارع عاد انت تعرف كيف

يلا حبايبي اشوفكم على خير

الموضوع عجبني وراح الخوف والقلق مني شوي لاني خايفه ومتوتره وما ادري اش اسوي والله يوفق الجميع

الحمدلله انو استفاد منو الغير

السلام عليكم ورحمة الله وبركاتة

يا حبيبي ليه الخوف وليه الكلام الكثير هذا ؟؟؟

انت عارف ان وظعك انت عسكري أفضل من أوضاع المبتعثين كلهم؟ عندك خبرة في الدفاع عن النفسي خخخخخخخخ كراتيه وجودو

انت عارف أن وظعك المادي افضل بكثير وألف مليون من المبتعثين؟ ما شاء الله ينزل راتبين
في السعودية وفي استراليا .. من غير مميزاتكم عسكر في الملحق الثقافي ....

أسئل اي طالب مبتعث كيف يطفي النار اذا ولعت في الكهرب؟؟ راح يقول بالموية خخخخخ

طبعا كل كلامي فقط من أجل اريح نفسيا وعقلياً ونفسيا واحب امزح بس ما احب اثقل دمي خخخخ

اولا استراليا في نظري ارخص دولة في العالم لأني عارف كيف اصرف فلوسي والمكافئة جدا حلوة
السكن جداً ممتاز وراح تلاقي سكن بإذن الله بطريقة سهلة وسريعة ومافيه خوف عليك

راح اتواصل معاك بالإيميل ::: لا داعي للخوف روح كبر الوسادة ان شاءالله نساعدك انت الجميع
بإذن الله... الأمور سهلة مافيها صعوبة ... كنا مثلك خايفين بس الأمور تيسرت الحمد لله