مـجــــــــــــــلس ( منتظرين الفيزا )

سؤال للاستاد تغريد :
استاد تغريد انتي اعتقد زي تابعه لمكتب ايجيك ممكن اعرف انتي مع مين من مكتب ايجيك وكم تاريخ تقديمك على الفيزا ؟
ربي يوفقك ان شاء الله ويسعدك

انا يااختي تبع مكتب ايجك الرياض راني<< يقول المكتب سبب التاريخ عائله والتقديم 18/2
المهم يااخوان انا مقهور من المكتب الان هو ليه مايقدم الطالبات مره واحده كل يوم يقول طلبوا كذا وطلبوا كذا كلام فاضي ( اول شي طلبوا ترجمة بطاقة العائله 2-طلبوا الجوازات ملونه 3- طلبوا بطاقة العائله مترجمه وملونه 4- اليوم طلبوا توقيعي انا وززجي ) مليت وربي يعني ليه مايسوي هذي الاشياء من الاول

الله يبارك لك وعقبالكم ان شاء الله
والله ماأدري وش نص الرساله زوجي هو ارسل الرساله هو باستراليا
وانا مرافقه له ومقبوله بالجامعه نيو ساوث ويلز كل شوي تاجيل الدراسه علشان حضرة السيده الفيزا متى تاصل والحمدلله وصلت

ان شاء الله راح اسئله عن نص الرساله والايميل الليله الساعه 12 بتوقيت السعوديه انتظرو اردلكم خبر

غريبه اختي الاستاذه تغريد اول مره اشوف طلبات المكتب هذه انا والله ماطلبو منا الطلبات هذه بس صور الجوازات ملونه
ابغى اسالك اختي انتي مبتعثه ولا مرافقه؟؟
على فكره انا من مكتب ارمكس مقدمه الفيزا والحمدلله طلعت

مشكوره اختي ريماس .. بس انا مرافقه

ابي اعرف في احد طلبوا منه توقيع على الجواز ؟؟

ما اذكر احد طلبوا منه التوقيع على الجواز بس عليهم طلبات مدري وش تبي والله لونه طالبهن ضب محشش انا طالبين قبل عشر سنوات وين كنت ولا بعد قبل عشر سنوات هل انا دخلت السجن او لا وش قصه العشر السنوات معاهم وربي مستغرب من هالاسئله وقايلين يا ويلك اذا رديت بعد سبع اياام؟



يعني الموضوع مزاجيه وعلى حسب السكره







يعني لو يجيون ويقولون نبيك ترسل رقم مقاس الفنيله لا تستغرب من هالشيء


وربي استراليا مسويه زحمه على قله سنع




تحيااتي لكم



ريمااس انا باانتظارك على كل يا ليت تسالينه وش نصها وش الايميل كمان

مشكوره مقدما

السلام عليكم


أنا يا اخوان بقدم اوراقي لأرامكس خلال هاليومين

بس ياليت لو أحد منكم يتكرم ويوضحلي اكثر

بخصوص ( الشيك المدفوع ) ,, كل تفاصيله وطريقة عمله

خصوصاً إن المبلغ قريت فالمنتدى انه (1825) درهم

واتصلت على ارامكس بستفسر رد على احد الموظفين وقالى المبلغ ( 1365) درهم !!

مدري هو غلطان ولا وش السالفه


فياليت احد يوضحلي (تفاصيل الشيك ) ولكم جزيل الشكر مني ..

هذا ياالحبيب السعر الجديد من حسن حظك

دوبها حالة الفيزا تبعي اتغيرت ومكتوب فيها :
مستندات اضافية مطلوبة، اتصل بمركز اتصال التأشيرة الاسترالية وحاطين الرقم T.T
ولما كلمت مكتب ايجيك كان دوبو الايميل جاهم وبرضو مو موضحين فيلو شي
ولمن جاني ال Student status update alert
كان مكتوب فيلو :
rcvd Embassy: This is with reference to your student visa application lodged at Australian Consulate General Dubai, kindly note that we require further information as listed below to finalise the case. - completed Health Declaration for client as the one on file is incomplete. Please provide the requested information within seven (7) days of the date of this e-mail.
اخاف يكونو ضيعولي اوراق الفحص الطبي ولا شي
T.T ياربي سترك يارب ياربي الطف بينا يارب

شف يالغالي سعر الشيكـ متغير بالسفارة

وفعلاً هذا سعره حالياً مقسم على :
1175 درهم قيمة الفيزة
190 درهم قيمة الأرسالية
اي الجميع 1365 درهم أمارتي ..

تروح لأي بنكـ ويفضل اللي فيه حساب لكـ عشان مايزعجونكـ الأهلي او سامبا او الراجحي للحوالات

وتقوله ابي شيك مسحوب على اي بنك بدبي (وركز على اي بنك) بالقيمة هاذي فقط 1365 درهم

وتأكد ان اسم المستفيد VFS (GCC) LLC انتبه يضيفوا شي غير الأسم هذا او تخطي فيه ..!

وتأكد ان الشيك موقع ومختوم عليه من البنكـ عشان مايرجعوه ..

وادعيلك بالتوفيق ..