مـجــــــــــــــلس ( منتظرين الفيزا )

الله يكون بعوني وعون الجميع

يا جماعة راسلتهم عن طريق ارامكس

وانتظر الفيزا من تاريخ 16 - 9 والى يومكم ذا ما خلصت وكل ما شيكت

قالوا تحت الاجراء
المشكلة دراستي تبدا بتاريخ 10 - 11
والجامعة طلبت مني تأكيد حضوري قبل 24 اكتوبر
او بيلغون قبولي وما ادري وش اسوي
وكل ما كلمت السفارة يرد على هندي يقول امسك ارضك ما خلصت للحين
وما ادري وش الدبره
ظنكم بتتأخر اكثر من كذا
ولا تنسونا من دعواتكم الطيبة
ادعوا ان فيزتي تخلص
عسا ما طولت عليكم

اي والله طول بالك وشوف مصائب الناس تهون مصيبتك وان شاالله خير

متعب رجاءا لا تسوي غزو فكري واحول لاحد الدول اعلاه ههههههههههه
تصدق في شباب تخرجوا معي بكالوريوس وقدموا على بريطانيا وشفهم ما شاالله لهم شهرين او ثلاث اشهر .......... لكن عساها خير ان شاالله

يالغالي لا تشيل هم الدراسة ومتى تبدا .............ويمكن تروح عليك
الامور ذي خلال يومين وتضبط التأجيل سهل ان شاالله ........ أهم شي صدور الفيزا وان شاالله تصدر لك قريب ..........

بس غريبه سالفة ألغاء القبول ....... اول مرة اسمع فيها انت في اي جامعة مقدم ؟؟

شباب ودنا نعرف الشباب اللي تم لهم اكثر من شهرين .. والله الوضع فيه أن ن ن اااا

يوم أخر ونحن ننتظر 23-10-2008

احلامي صارت كوابيس .. بس اقوم واقول:
- فيزا فيزا !!
تصدقون اني جيت ابطلب من المطعم وقلت:
- هات واحد فيزا وكثر عليه الشطة !!
صرت اهتم بشعور البنغالية عندما يطلبوننا فيزا .. على فكرة راح يضاف تشخيص طبي جديد اسمه "منتظر فيزا استرالية" طبعا اعراض هذا المرض معروفة وهي كالتالي:
- بس يعضعض اصابعه .
- كذوب كل يوم يقول مسافر بكرا.
- يعيش العزلة في غرفته.
- احباط شديد.
- يشيك على موقع السفارة والنبض يتعدى 200 نبضة في الثانية.
- يتألم عندما يشاهد قناة العربية، وتظهر ملبورن او سدني.
- غثيان متقلب مصحوب بلعنة كل صباح عندما لا يجد جديد.
- يفتح منتديات مبتعث، ويقرأ لواحد مثلي.

ويا مصبر الموعود ..

وانا معاك اخوي متعب
شكلي بدخل ها لعيادة النفسيه
مب حاله والله
النفسيه قلق
والوحده
والسهر
وحرق زقاير
وكثرة النوم
والأكل من غير نفس
والتسبب على الأهل
يعني والله مب حاله
حنا رايحين ندرس ولا نتمصخر
شنو هالفيزا

متعب ودك بفنجال قهوه وخذ لك من قدوع الأحساء
خلاص علا كيف كيفك

تحياتي

احلا خلاص من الاحساء ..
والله يذكر عين النجم بالخير ..
سلملي على سوق الخميس ..

الله يعين ياشباب الحال من بعضه هونها وهي تهون

ان شا الله مايدخل الاسبوع الجاي الا والفيزا طالعه لا تشيلو هم



تحياتي

بعد حيي الأحساء واهلها
اذا وصلنا هناك يا متعب
على خير انشاء الله
لك مني اسوي لك مندي حساوي يحبه قلبك
واكلك خلاص
ونروح بحرهم عاد هناك في مزايين شقر وحمر
احلى من العين
خخخخخخ