حكايتي مع البعثه شوفوها ولا تفقدوا الامل ابداً

September 1st, 2008, 08:39 PM

السلام عليكم ورحمة الله وبركاته

راح احكي لكم معاناتي مع البعثه

وابي اقولكم من خلالها لو عندكم عزيمة واصرار راح توصلو للي تبغوه مهما طال الوقت وممهما صار

لما قدمت على البعثه الوالد ماكان موافق

لانه ما معي مرافق

واخوي المرافق الوحيد ورافض الفكرة تماما

وانا اصريت وقدمت

ولما جائي القبول المبدئي الوالد ما حب يكسر بخاطري

ورافقني للتدقيق وكان في شعبان واخذ جوازه على اساس هو المحرم

وقالي بخليكي تقدمي انه انا المحرم بس حاولي مع اخوكي


في هالفتره اتخطبت وبالضبط في نهايه شوال وبدايه ذي القعدة

ووقتها قلت خلاص الحمدلله لان خطيبي راح يرافقني

والحمدلله تم قبولي نهائيا
في ذي القعده او بدايه ذي الحجة مو فاكرة

المهم قالو لنا فيه ملتقى وكان موعدي بحكم اني في جده

بدايه شهر 1/2008م هذا الكلام كله في سنه 2007م

ولما رحت الملتقى عطوني القبول وقالو لي دراستك في شهر 2 /2008

وعلى اساس زواحي في شهر 4/2008

فطلبت من المكتب اللي جاب لي قبول يأجلها ما رضي قالي نأجلك شهر بس يعني لشهر 3

قلت اوكي اجل

وقتها الله اراد ما يتم الزواج

ورجعت من اول وجديد بدون محرم

طلبت تأجيل اجلوها ل 4
وبعدين ل5
وبعدين ل7

وبعدها اتصل عليه المكتب اللي جاب لي القبول وهو طبعا مكلف من قبل الوزارة وقالي الوزارة طلبت اسماء الطلبه اللي للحين ما سافروا

وراح تتلغي بعثتك

قلت الحمدلله الله ما اراد لي

وطبعا اخوي رافض الموضوع نهائيا

راسلت القسم النسائي الاستاذه اسماء الله يسعدها يارب

قالت لي ارسلي خطاب لمدير البرنامج واشرحي فيه وضعك

وراح يتعرض على لجنه وممكن يوافقو عليه وممكن لا لكن نقول ا نشاءالله يوافقوا عليه

وانا ماصدقت خبر على طول كتب الخطاب وارسلته للقسم النسائي وهم بدورهم رفعوه للجنه

بعدها بيومين ارسلو لي على الايميل رقم المعامله

انتظرت 3 ايام ودقت عليه وحده من الوزارة اعتقد اسمها شذا

وقالت لي الخبر السار وافقت الوزارة على تاجيل بعثتك كمان 3 اشهر بشرط تبتدي من الحين اجراءات الفيزا وتكلمي المكتب المسؤول عن القبول يأجل دراستك
الكلام هذا كان يوم 25/6/2008

وهي بس قالت كذا

وانا ما صدقت وقلت الحمدلله

وعلى طوال اتصلت على المكتب و اطلب تأجيل للدراسه 3 شهور زي ماقلت لي الوزارة
وسألتهم عن اجراءات الفيزا وارسلت لهم كل الاوراق اللي يبونها

وصارت لي مشكله في الشيك
لاني سويت شيك بقيمه1740 وارسلته لهم مع بقيه الطلبات يوم 29/6/2008م
والمشكلة اني غلط غلطة عمري يوم ارسلت الاوراق للرياض عن طريق البريد السعودي ما وصلو الاوراق للمكتب إلا بعد اسبوع وهذا بالبريد الممتاز لاحظو بس

يعني يمكن على 10/7/2008

وتغير المبلغ في يوم 1/7/2008م
وصار 1825درهم اماراتي وكلمني المكتب ورحت في نفس اليوم سويت الشيك
واطبعا ارسلته لهم بس عن طريق ارامكس
ووصلهم بعد يوم قبل ما توصله الاوراق الاولى

هنا حظي النحس( الحمدلله على كال حال ) لعب دوره الشخص المسؤول عن اصدار الفيز في المكتب صار عليه حادث

وما اترسلت الاوراق إلا يوم 19تقريبا

يوم 20 شيكت على موقع مركز التأشيرة الاستراليه مكتوب تم ارسال الطلب إلى قسم التاشيرات الاستراليه بتاريخ 20/7/2008م


ويوم 26/7/2008م

اتصل عليه المكتب وقالي مبروك صدرت فيزتك من يوم 24/7/2008م

طيب الحين ايش اسوي

حاولت مع اخويه مارضي كلمت اخواني كلهم يقنعوه لان هو الوحيد اللي يقدريسافر معي رافض تماماً

هنا وقتها تحطمت كل احلامي وامالي

وصرت حابسه نفسي بغرفتي ما اداوم ولا اكل ولا اشرب

تحطمت خلاص وفقدت الامل وبس ابكي


الوالدة الله يحفظها

جلست تبكي عليه

فالوالد ناداني وقالي

انا ما بيدي شي قولي لي حل وانا موافق عليه

قلت له اروح لحالي

قالي وانا واثق فيك وموافق

بس شوفي اخوك الكبير لو يرضى يوصلك ويبقى معاك لو اسبوع يرتب لك الوضع

فرحت فرحه مو طبيعيه

وكلمت اخوي بالجوال قالي اوكي بس لما اجيكم نتفاهم


وجاء اخوي لعندنا وفتحنا له الموضوع

قال احنا مو يهود ولا امريكان عشان نخلي بنتنا تروح لحالها

جاتني صدمه قويه اكثر من اللي قبل

وخلاص

صرت ما اكلم احد ونفسي انسدت عن الناس وعن الدنيا كلها

كلمتني وحده من صديقاتي من اعز اعز اعز صديقاتي

وقالت لي افتحي النت

وجيبي كل المعلومات عن استراليا

من دين وترفيه ودراسة وصحة وكل شي

وجمعيها وجيبي اخوك وخليه يشوف وانتي اشرحيله ورغيبه في استراليا بالصور اللي يشوفها

قلت لها اوكي

وسويت كل اللي قالت لي عليه

وقتها اخويه قالي شوفي انا راح اسأل شيخ وارد لك


قلت لصديقتي قال اخوي كذا وكذا

قالت خلاص انسي الموضوع ولا تكلميه ابد

وطبعا ما كلمته

بعدها بيومين جاء اخوي وقالي انا بسافر معك

بس بشرط 3 شهور لو ماعجبني الوضع برجع

والله والله والله وقتها ماصدقت نفسي

صرت انط بكل مكان احضن امي وابوس ابوي

مو مصدقه

يمكن كان الكلام هذا على 5/8 /2008م

والحمدلله على ماجهزنا اوراقه ارسلناه عن طريق ارمكس يوم 13/8/2008م

وصدرت الفيزا يوم 25/8/2008م

راحو ابويه واخوي للعمده وسو الوكالة الشرعيه

ويوم 28/8/2008 ارسلت اوراق بالايميل للاخت اسماء عشان تغيير المرافق من الوالد للاخ


وبعدين ارسلت الاوراق للوزارة الاخت عبير عشان اصدر قرار الابتعاث يوم 30/8/2008م

والحمدلله يوم 1/9/2008م صدر قرار ابتعاثي

وانشاء الله على السبت بروح استلم القرار وامر الاركاب ونحجز التذاكر

ادعو لي وقولو يارب ماتتعقد اموري اكثر

• نشر عبر تويتر
• نشر عبر فيسبوك
• نشر عبر جوجل