لماذا اللغة والتعليم في كندا وأمريكا أفضل من إستراليا

انا معذور ما عندي إلا ثانوي لكن الكارثة اللي كاتب قدام اسمه مهندس Eng وما يعرف يكتب كلمة إنضمام (انظمام أجل)
الشرهه مو عليك على اللي خلاك تتخرج من الجامعة

انت تقول ابي استراليا
اذن توكل على الله

هههههههه الحين تتضاربون على كلمة انضمام او انظمام استغفر ربك انت وياه وكل واحد يتصالح مع الثاني اكبرو الله يهديكم

بسم الله الرحمن الرحيم

السلام عليكم ورحمة الله وبركاته

أخوي فيصل الله يوفقك ويسهل لك أمرك

أولاً أنت خريج كلية الهندس جامعة الملك سعود و الدراسة كانت بالغة الإنجليزية لأني خريج نفس الكلية و أعرف مستواها اللغوي ( يعني إنجليزيتك جيده )

ثانياً اللغه ممكن تتعلمها بأي مكان مادمت تحاول تستخدمها كلغة أساسية لك عشان كذا لا تتردد و أنا أخوك و إعقد النيه سواء إستراليا أو أمريكا أو كندا

ثالثاً حدد الجامعة قبل كل شيء لأن اللغة هي تتبع الجامعه وليس العكس يعني شف لك جامعه أول وإعرف نوع الدراسة وقوة الجامعه بعدين فكر باللغة

و أخيراً أنا بالخدمة يا عزيزي بأي وقت راسلني على الخاص و أبشر بعزك
أنا أدرس ماجستير إدارة مشاريع هندسية في إستراليا و يشرفني أساعد إخواني بالي أقدر عليه

تحياتي لك
م/بدر

 المشاركة الأصلية كتبت بواسطة خسر كثير في الاسهم

انا معذور ما عندي إلا ثانوي لكن الكارثة اللي كاتب قدام اسمه مهندس Eng وما يعرف يكتب كلمة إنضمام (انظمام أجل)

ههههههههههههههههههههههههههههههه


شكلك من خسرت .. وانت مانت هكاللي ..
مسوي روحك سيبويه .. خخخخخخخخخ

إنضمام .... تكتب انضمام .... هههههههههههههههه


يقولون "الشبكة تعيّر المنخل"

انت تسمع من وكالة يقولون كثير

ولا من المعروف مافي ارقام تثبت كلامك

الا فلان وعلان وصديق فلان وهلم جرا

ونادرا ً الاشخاص اللي درست في امريكا واستراليا ويقدر يحكم على الوضعين

واشوف مرحلة اللغة تعتمد على الشخص كثيرا ً سواء كان في منفوحة ولا في نيويورك وسدني


اما عن الدراسة الجامعة فهي تعتمد على الجامعة اللي انت تدرس فيها

سواء كانت الجامعة في القنفذة ولا في لندن في ترتيب للجامعات عالميا ً وفي انظمة ولوائح تمشي عليها كل جامعة تقدر تطلع عليها وانت هنا


لكن المشكلة اننا نتجه الى وكالة يقولون كثيرا ً

انت كذا تسيء الى الاخوة اللي يدرسون في استراليا وانا واحد منهم

بالعكس تتعلم انا احس لغتي تحسنت خلال شهر فقط صرت اقدر اتناقش مع الاستراليين

بس مو تجلس لي ببيتك ومن البيت للجامعه ترا كذا ماينفع

يبي لك تمارس اللغة

اقول يا ناس انت اضمن البعثه واذا ضمنت البعثه رح ادرس وجب الشهاده وربي هذا اهم شي

واما بالنسبه من الاحسن يا حبيبي موب على الدول على حسب الجامعات يعني يمكن تدرس

في جامعه امريكيه يكون مستواها اقل مستوى من جامعات استراليه وبالنسبه للغه فهي تعتمد

على الشخص نفسه ف عشان كذا لا تتعبون عماركم بالمقارنه

اؤيد كلامك


بخصوص الدكاترة اللي قالوا لك اكاد اجزم انهم خريجين امريكا ولا عمرهم طبوا استراليا ولو حتى سياحة وحتى يمكن ما عمرهم قرئوا عن استراليا

بخصوص كلامي هناك جامعات استرالية مصنفة من اقوى الجامعات بالعالم

http://www.indiaeducation.net/studya...iversities.asp

مثل الجامعة الوطنية

ترتيبها ال 16 على العالم

اذا انت تدور الافضل على قولك روح للجامعات الامريكية من ضمن ال 15 الاولى

او تعال للجامعة الوطنية


وذا الموضوع مو عاجبني وشايف فيه شي غلط بدخل ورد عليك وكل واحد حر في رأيه مالم يضر او يخرج عن نطاق الادب

واذا انت تقول امريكا افضل ليش متعب نفسك وفاتح موضوع

وبهذي المناسبة اهديك اغنية سميرة سعيد : الله يسهلك