مكتب idp مفتوح أو لا ؟؟؟؟؟

هلا بك اخوي والله ماعندي خبر لاكن هذا ايميلهم راسلهم وان شاءلله يفيدونك .

(تم حذف الإيميل لأن عرضه مخالف لشروط المنتدى)

وانا من رائي انك تقدم لنفسك اذا كانت لغتك زينه واذا ماعندك لغه شف الاخوان الي حاطين مواضيع انهم يجيبون قبول من اي جامعه .. والله يجزاهم خير على ذالك وان شاءلله انهم مهم مقصرين .

لان بصراحه IDP الخبر شغلهم مو سريع ولاهم عارفين وش يسوون .

تخيل انا مكلمهم قبل اسبوع قلتلهم ابغاكم تراسلون المعهد عشان يشوف لي سكن مع عائله . المهم سئلتني متى رحلتك قلت بعد 3 اسابيع . قالت لي لا... لازم قبلها بشهرين او شهر ونص تقدم على سكن مع عائله .

طيب يامكتب الــ IDP يافاهمين من شروط سكن العائله انك تحدد رقم الرحله وموعد وصلها الا مدينتك الى انت بتدرس فيها عشان يستقبلونك !! ومين اصلاً الطالب الي بيكون قاطع التذكره قبل شهرين من موعد دراسته ( قليل جداً )

المهم بعد ماسكرت من عندهم .. رحت على طول وعبيت الابلكيشن الخاص بالسكن وارسلته لأيميل المعهد واليوم الي بعده ردو على المعهد وقالو خلال اسبوع ان شاءلله بنرسلك تفاصيل العائله الي بتسكن عندهم . ولله الحمد

وكذالك قبول اللغه طلعو ريحتي عشانه...!! اخر شئ وصيت واحد من الزملاء يدرس في نفس المعهد والله يجزاه خير خلال يومين جاني القبول ..

هذى وجهت نضري الشخصيه ومن واقع تجربه .
والله يوفقك

طيب لا يهمك هذا الايميل مع حذف المسافه قبل وبعد الــ @

alkhobar3 @ idpgulf.com

idp اللي بلرياض واللي بالخبر لايفقهون شي بأمور القبولات ثلاث أشهر لاجل احصل على قبول معهد وقبول جامعة .............. لكن idpاللي بجدة ممتاز وناس صادقة ............. أنا قدمت عن طريق الرياض........... لكن مليت من تعاملهم ولما اتصلت على المكتب اللي بجدة خلال اسبوع واحد اعطوني قبول نهائي من المعهد وقبول نهائي من الجامعة وكمان خطاب قبول .........

على العموم مكاتب idp مقفلة من يوم الخميس وماراح يفتحون الا بعد العيد عندهم اجازة