محاسبة في استراليا

في انتظار الرد من الاخوة اصحاب التخصص

وفق الله الجميع لكل خير

آسف للتأخير اخوي بس كنت مشغول الفتره الماضية
اولآ - المواد والخطه الدراسية موجوده على موقع الجامعه
ثانيآ- القبول فيها صعب شوي ويبون معدل عالي وماراح تلقى سعوديين الا نادر جدآ
ثالثآ- الجامعه من اقوى الجامعات على مستوى استراليا والعالم يعني تحتل موقع متقدم

عندي بعض الملاحظات بالنسبة لماجستير المحاسبه في استراليا وبالنسبة للمعيشه ايضآ
المعيشه بشكل عام متقاربه يعني اسعار السكن متماثله تقريبآ في اي مدينه لكن المدن الكبرى تشجعك
على انك تصرف زياده بسبب اماكن الترفيه الكثيره والمطاعم العربيه والتنقلات الكثيره يعني المصاريف عليك
انت مو على المدينه فرأيي لااحد يسأل عن تكاليف المعيشه

نجي لماجستير المحاسبه في استراليا
فيه ماجستير المحاسبه المهنيه واللي العالم ماخذه مقلب فيه ويقولون قوي وصعب ويأهلك للزماله
هذا التخصص هو للحاصلين على بكالريوس زراعه او بكالريوس لغه عربيه يعني ليس للذي حاصل على بكالريوس محاسبه
والوزارة اوقفت هذا التخصص للي معاهم بكالريوس محاسبه واصلآ المواد الموجوده فيه دراسينها خريجين المحاسبه
مثل مبادئ المحاسبه او اقتصاد جزئي او قانون تجاري........الخ وهذا معروفه عند الحاصلين على بكالريوس المحاسبه

كذلك فيه تخصص اسمه ماجستير اداره اعمال تخصص محاسبة وهذا الوزارة متحفظه عليه لأنه تطبيقي وتستفيد من الخبره العمليه
للدكاترة والمحاضرين اللي يدرسونكم والمقررات فيها جانب عملي ونظري

وفيه ايضآ تخصص اسمه ماجستير المحاسبه Master of Accounting وهذا من اسمه يغش الطالب يعني تقول بس هذا هو المطلوب
مع انه مهني بحت يعني لغير المتخصصين اي لغير خريجين قسم المحاسبه وهو اصلآ مهني يعني محتواه مثل ماجستير المحاسبة المهنيه او الاحترافيه
وموجود في جامعة كيرتن على سبيل المثال لا الحصر

ياإخوان فيه تخصصات محاسبه للماجستير طبعآ راح اذكرها لكم وهذي للي معدلاتهم عاليه يعني اقل شي يكون 3 ونصف ويجرب حظه بس بشرط
يكون راعي دراسه واذا تخرج يروح لأي جامعه راح يعطونه وظيفة محاضر ويبتعثونه دكتوراه اذا حب يكمل لكن يبغى لها شغل ودراسه وجد ومثابره

فيه تخصص محاسبة مدته سنتان في جامعة كيرتن وهذا اسمة Master of Commerce (Accounting طبعآ كاتبين بالموقع نحن نخرج الخبراء
وفيه تخصص محاسبه مدته سنتان في جامعة ميلبورن وهذا اسمة Master of Accounting تخصص قوي بس يطلبون جيمات زي امريكا
وفيه تخصص محاسبة مدته سنتان وبرضو قوي الي في جامعه غرب استراليا في مدينة بيرث طبعآ سنه مقررات وسنه بحث

الجامعات هذي جامعات عالميه حتى اللي يجيب قبول وهو دارس على حسابه الخاص يلحق بالبعثه على طوووول

طبعآ في جامعه اخيره برضو عالميه وقويه ومدة البرنامج فيها سنه ونصف وهي جامعة نيو ساوث ويلز القبول فيها اسهل من الجامعات اللي
ذكرتهم واسم التخصص هو Master of commerce-Accounting جامعه قويه وعالمية بس البرنامج حقهم مضغوط اول ترم وكله مهارات
وبعدين تخش على التخصص.
اي سؤال يتعلق بماجستير المحاسبة في استراليا انا بالخدمه.

ممكن ايميلك اخوي ..
أتواصل معك