تكفون ساعدوني ايهم اختار الوظيفه والا البعثه؟؟

أخي الكريم قبل كل شيء اوصيك بالاستخارة (إذا لم تعرفها فأقرأ عن فوائدها والدعاء الذي يقال)
وثانياً إذا كنت طموحاً لإكمال الدراسات العليا في الوقت الحالي فهي فرصة جيدة
فقد يتلاشى هذا الطموح مع مرور الزمن والانشغال بالوظيفة ومشاغل الدنيا
وأنت غير رسمي (فلا بد من التفكير كثيراً في هذا الموضوع حتى لو اخترت البقاء على الوظيفة)

أتمنى لك التوفيق فيما تختار

والله انا من رأيي انك تروح تدرس والوظيفة بند الاجور ماعليها حساااافه

بالتوفيق

السلام عليكم ورحمة الله

انا عندي نفس الحيرة يا اخوان برضو جاني قبول لأستراليا وانا على وظيفة ولا يعطوني اجازة ولا اجازة بدون رتب يعني لازم افصل منها والحقيقة محتار وش اختار مشيت ببعض اجراءات الابتعاث مثل الفحص الطبي ولكن الجامعة الي عطوني قبول نهائي منها سمعت انها سيئة جدا وبالانجليزي ما تتعلم ولا بعد سنتين وهي جامعة ((تزمانيا بهوبارت)) والحقيقة انا جالس اراسل الجامعات الي باستراليا عشان اخذ قبول .اخذت قبول من معهد INserch بسدني وقالو لي لازم ترسل لنا الضمان المالي

من وين اجيب الضمان المالي عشان ارسله لهم هل من الوزارة ام الين للخدمات التعليمية المكتب الي (( المكتب الي تتعامل معة الوزراة الي بالرياض))؟؟؟؟


سؤالي المهم يا اخواني الاعزاء في استراليا والي يدرسون الان وعارفين الجامعات وش الجامعات الي تنصحوني فيها (الي يرتاح فيها والتخرج مضمون بعد الله ثم الاجتهاد )؟؟؟؟؟؟

ابي منكم تكتبون ما تعرفونه فقط . ارجو النصح في المشورة في الأمر.

والله يوفق الجميع لما يحب ويرضى

انا مثلك خريج رياضيات وجاتني اكثر من وظيفه ورفضتها وانشاء الله طالع البعثه
وربك انشاء الله ييسرها روح ولا تتردد

استخير الله يا عمي واذا مرة صعبت عليك روح الحرم وادعي اذا ربنا ريحك اتوكل على

او خذ اجازة بدون راتب

تحياتي

أنا يا أخوي حالتي أردا من حالتك
أنا موظف في شركة سابك وجتني البعثه
وحست وفكرت وأستخرت وبعد مرور ثمانيه شهور من التفكير
وجدت نفسي أني لازم أترك الشركه واكمل دراستي
لكن ياخوي احس أن على الأواني الأخيرة بدت تنحاس أموري
دراستي تبدأ شهر 3 والفيزا باقي ماقدمت عليها لأن أسمي فيه غلط في السبلنق الي جايني في القبول
وباقي ما أستقلت والأستقاله تاخذ شهر وخلها على ربك
ما أدري وش أسوي

واللي عنده راي يبديه

وجهة نظري إن الشهادة أبقا لك من الوظيفه

وإنت إستخير والله يوفقك

اه ياجماعه والله ان الموضوع جاء على الجرح

اخي العزيز انا حالتي مثلك وموظف وظيفه مرموقه وراتبها 6000 ريال

وجاءتني قبل يومين فرصه البعثه وتم قبولي

وانا بين نارين للماستر ام البقاء على الوظيفه

ولكن بحسبه بسيطه الان لو تم ترسيمك ستكون على المرتبه السادسه
وستحتاج مده 8سنوات لتترقى الى المرتبه الثامنه مع عدم ححساب سنوات بند الاجور

بينما بشهادة الماجستير سوف تتاهل للمرتبه الثامنه مباشره يعني اختصار ل6 سنوات من حياتك

وبعدين وانا اخوك هذه فرصه الدوله اعزها الله تخسر على المبتعث مبالغ طائله يعني لو تجمع طوووول عمرك ماتجمع هالمبلغ

فرررررررررررررررررررررررررررررصة

واهم الاستخارة ورضى الوالدين

وتراني رغم كل هذا الكلام انا مثلك محتار ولكن الله يكتب اللي فيه الخير

الاستخاره الاستخاره الاستخاره

اولا :استخير الله في كل خطوة والاستخارة تكون على عدة مرات وماشاء الله معدلك مرة حلو والي خلاك تجيب هذا ان شاء الله تجيب احسن منة ولابد الواحد يبداء حياتة الوظيفية بدرجة علمية ممتازة حتى يضمن المستقبل في المكان الي هو فية ويحقق لنفسة شيء كويس