سالفتي مع مكاتب القبولات يمكن أحد منكم مثلي يدخل ...

November 5th, 2008, 12:02 AM

السلام عليكم و رحمة الله و بركاته


طبعاً أنا من يوم صارت فيه مكاتب للقبولت و انا ادور وراهم و كل واحد يقول ملفك مو عندنا


لين الاسبوع اللي راح الاربعاء فرجت و اتصلت على ألين قلي ملفك وصلنا وايش تبغي من جامعات و قلتلتله و قلي اتصلي الاسبوع الجاي علشان ماعندنا الحين اي معلومات عنك


اتصلت عليهم امس و قلي ملفك عندنا و رجعت عطيته اسماء الجامعات و قلي ان شاء الله بنحاول نجيب لك قبول فيها


و الفاجعه اليوم لما وصلني ايميل الوزاره رجعت دقيت على ألين أأكد عليهم اني ابي القبول في هالجامعات علشان اخوي هناك وهو بكون محرمي


الا يصدمني بكلامه ( ملفك مو عندنا !!!! ) خيــــــــــــــــــــــــــر !!!!!


كيف امس ملفي عندكم و الاسبوع اللي راح ملفي عندكم و الحين تقولي مو عندنا ؟؟ لا و اللي متأكده منه اني عطيتك الرقم حق الطلب وانت ذكرت لي الاسم يعني موجود


قلي لا اختي صار لخبطه و تم نقل ملفك اليوم مدري أمس إلى مكتب الوكالة الاسترالية


و اتحبط و اصير ادق على مكتب الوكالة الاسترالية و كل مشغــــــــــــــــول انتهى دوامهم و كل مشغول انا شاكه انهم رافعين السماعه اصلا


اللي وضعه مثلي يقولي شنسوي الحين ؟؟؟


ولو حطوني في منطقه غير اللي فيها اخوي ؟؟ المشكله ان انا مسجله المحرم غير بس بغيره بحط اسم اخوي


و نصيحه ياجماعه اللي يبي جامعه معينه يتأكد إن ملفه ماصار مثلي كل يوم بمكتب ..


برايفت للسوعة :: انتي مثلي بنفس المكتب تأكدي من اسمك بكره

• نشر عبر تويتر
• نشر عبر فيسبوك
• نشر عبر جوجل