الملحقية تعلن عن بدء البرامج الإنتخابيه .. وابراهيم الطريري المرشح بمدينة ملبورن

والله مسئولية كبيرة .. وحمل ثقيل ..
أنا بس جربت خدمة المبتعثين على فترات متقطعة تقريباً كل أسبوعين طالب .. ياما كنت أدوخ معاهم وبالأحرى الطلاب الجدد .. من كثر الاستفسارات اللي كانت تواجههم .. وترتيب احتياجاتهم الأساسية .. ومابعد ذلك من متطلبات ..

فأتوقع بالمقابل .. نادي سعودي .. ومهامه ومناسباته الكبيرة .. غير إن كل الطلاب الجدد بيتوقعوا من متطوعي النادي .. أشخاص متفرغين تماماُ .. وعلى بعد مكالمة هاتف .
أضف لذلك هم الدراسة .. والهموم والانشغالات الشخصية ..

حقيقة .. اللللللللله يكون بعون هؤلاء الكبار .. ويعينهم على تلك المسئوليات الجسام .

الله يوفقهم ...

الله يوفقهم يارب

بصراحه الشي اللي يسونه مو بسيط وغير كذا تجيهم اتهامات وانتقادات لليل
خاصة من الجدد الله يهيدهم الله يجونك زي العميان ما رتبو ولا شي

عزوز عندنا في بيرث مافي الا مرشح واحد نصوت له ولا نسحب عليه وهو اووردي راح يتنصب ؟؟؟

ههههههههههههه في ملبورن بعد مرشح وحيد يعني يانصوت له يانقعد بدون رئيس

مدري وشلون يعرفون كلمه الانتخابات؟؟

بالفعل ياحمد إدارة الاستاذ خالد كان لها دور كبير جدا فالتأسيس ومجهوداتهم الجباره خلال السنه واقواها إحتفال العيد الي تميزت فيه مدينة ملبورن وهو الاول على مستوى النوادي السعوديه في استراليا ويمكن في باقي البلدان .. ناهيك عن الموقع الإلكتروني لطلاب ملبورن وهذي ايضا تحسب لهم ..

بالنسبه للأخ ابراهيم ,, انا إطلعت على برنامجه الإنتخابي والرجل واضح ان عنده الشيء الكثير ليقدمه لنا في ملبورن .. خصوصا ان الإداره شابه وهذا الي راح يحدث التغيير والإبداع خلال السنة القادمه .. ننتظر ماسيقدمه لنا الأستاذ ابراهيم إن شاء الله خلال السنه القادمه ,,



كلامك سليم جدا اخوي .. ومسؤولية النادي تعتبر وظيفة بحد ذاتها ,,

يعني يا انك تدرس او انك تكون تابع للنادي .. صعبه جدا تجمع مابين الإثنين ويبغالها مجهود ووقت جبار

نقول الله يعين الجميع ان شاء الله .. وكلامك بخصوص الطلاب الجدد للأسف صحيح لكن الله يعين ..

يقولون بالعاميه " الي يبغى الدح مايؤلش أح "


صراحه انا كنت من الناس الي تمدح في مجهودات النادي السعودي في برزبن وعملهم كان واضح للعيان وإنجازاتهم كانت جدا مميزهـ

لكنها توقفت خلال السنه هذي والآن افتخر اني بملبورن لأن النادي ولله الحمد اصبح من افضل النوادي في استراليا اذا ماكان الأفضل خلال هالسنه وهذا يعتبر شي إيجابي بالنسبه لنا يالطلاب المبتعثين لأننا إحنا المستفيدين فالنهايه من هالمجهودات ,,

بالتوفيق للإخوان المرشحين في أدليد .. فيهم الخير والبركه ,,

بالنسبه لك انا ماني شايف اي مانع من انك تتقدم لرئاسة النادي .. ماينقصك شي وتعتبر فرصة وتجربه ماراح تنساها بحياتك ..

يمكن راح عليك التقديم هالسنه ,, لكن السنه الجايه ان شاء الله اسمك يكون من المرشحين .. وابشر انا راح اكون اول المصوتين لك ^_^


وإياك ان شاء الله


هههههههههههههههههههه بالفعل بعض الجدد يجون متحمسين وحماسهم الزايد يسبب مشاكل للجميع .. لأنه ماعنده الخبره ولا يصبر حتى عشان يشوف الوضع بنفسه .. ويحاول ينتقد ويتكلم على الناس وهو مايعرف اصول المشكله او اصول الموضوع الي يتكلم عنه ,,

وبالنسبه لمرشح بيرث لو شايف ان الرجل بالفعل يستحق .. وإن برنامجه فيه الشيء المفيد رشحه ليش ماترشحه ..


معليش هم مضطرين يسوون كذا لأنها اول سنه تصير هالانتخابات واذا ماسوو هالطريقه محد راح يتعرف على الإنتخابات ولا احد راح يقدر يرشح نفسه يمكن السنه الجايه

لكن بالطريقه هذي الطلاب يعرفون ان فيه ترشيحات وان الجميع له حق ترشيح نفسه والجميع له الحق في انه يمسك رئاسة النادي لو تحصل على اصوات الأغلبيه وبالتالي راح تحصل التنافس بين المرشحين لتقديم الأفضل .. وكله راح تبان نتائجه فالسنوات القادمه بإذن الله

ابراهيم المرشح عن ملبورن يستحق التصويت .. الرجل لديه الكثير ليقدمه .. وبإذن الله ياخذ هالفرصه لنرى ماسيقدم لنا السنه القادمه



نورتم الموضوع بردودكم الجميله يا اخوان ,,
بالتوفيق للجميع ..

اخوي عبدالعزيز يعطيك العافية واشكرك على هذا التميز اللي مو غريب عليك .

احببت هنا اسجل حضور ومتابعه للحدث الهام في مدينتا المحبوبه ( ملبورن ) الا وهو التصويت لرئيس النادي الجديد .

هنا لن ان اتحدث عن انجازات ابو عبدالاله والفريق الذي عمل معه طيلة الفترة الماضية والتي عملوا فيها ولازالوا يعملون جاهدين ليل نهار من اجل تأسيس النادي ، وقد بذلوا من جهدهم ومالهم ، ووقتهم من اجل تأسيس النادي لخدمة اخوانهم واخواتهم المبتعثين في مدينة ملبورن وقد نجحوا وخير دليل عن ذلك انجازاتهم واعمالهم التي شهد لها القاصي والداني . لأني لن استطيع اوفيهم حقهم ابدا ، ولكن قولوا معي ( يارب وفقهم وبارك لهم في مالهم واولادهم ووقتهم ) .

ايضا لم اتي هنا لكي اتحدث عن اخي الحبيب والقريب من القلب ابراهيم ، واتحدث عن مميزاته وانجازاته وسيرته الذاتية ، وحبه لخدمة اخوانه واخواته ، وحرصه على نقل الصور الحسنة عن السعودي بالشكل المناسب الذي يعكس الصورة الحسنه والحقيقية عن ابن البلد البار ، اقول اني مهما تحدثت عنه فلن اوفيه حقه وشهادتي فيه مجروحه لقربي منه ولكن الشمس لاتحجبها السحاب افعاله واعماله داخل الستي ووقفات واياديه البيضاء مع الصغير قبل الكبير لن نوفيه حقها ابدا .

هنا ايها الاحبه اريد اتحدث عن ( التصويت ) ، هذه التجربة التي ارى بأن نقوم بإنجاحها وننقل الصورة الحقيقية عن مدى قدرتنا في التعامل مع الانتخابات بالطريقة العصرية التي تعكس الفكر الناضج لدى الشاب والفتاة السعودية .

اكيد هذا ليس هو الامر الوحيد الذي سوف يعكس مدى تطورنا ، ولكن ايها الاحبه ، نحن بحاجه الى التفاعل مع هذا الحدث والبعد عن السلبية التي احيانا نراها في التعاطي مع الامور الهامه .

الهمه ياشباب ويابنات ( ملبورن ) في المشاركة في التصويت حتى نقول للمحلقية وللناس كلهم فعلا نحن ( قد المسؤولية ) ، ولدينا القدرة ان نختار وان نشارك ، وان نبادر ، وان ننتخب ، وان نصوت ، وكلنا فداااااء للوطن ، عشتي يابلدي فخر للعالم ، وعاشوا شباب وبنات بلدي اللي افتخر بهم في كل ميدان وامشي وانا مرفوع الرأس بالانجازات التي حققها شبابنا وبناتنا على مختلف الاصعده .

يالله يالملبوريين ،،، الى التصويت وعدم التردد

وبالتوفيق يارب للجميع

محبكم : خالد .