أفضل سكن مؤقت بملبورن ويكون رخيص؟

طیب حدد نوع السکن الی تبیه اخوی .. وبنحاول نخدمک

ولو تبی بعد ممکن نحجزلک فیه ..

عموما حدد هل تبی فندق او تبی باک باکر ؟؟

أبغى رخيص وكويس شكل الباك باكر أرخص من الفنادق ولا؟

ودي بسكن حول إسبوع

السكن العادي أنا مجهز لسته بكل المحلات الي راح أشيك عليها، لكن السكن المؤقت ماجهزت حالي لأن السفرة جت بسرعة..


وكذلك بالنسبة للفلوس كم أجيب معي علشان الصرفيات المبدئية والسكن والحاجات هذي؟

وهل أحولها كلها ولاشيكات ولا كيف؟

ألف شكر

هاه أخوان ماتعرفون فندق يكون رخيص وقريب لهاوثورن..

وبالنسبة للفلوس هل تكفي 1000 دولار لواحد توه واصل للبلد؟

السلام عليكم ورحمة الله وبركاته
اعتقد فندق Rydges في حي preston على شارع Bell St خيار مناسب جدا للسكن المؤقت
وعندهم خدمة وجود باص مجاني يوديك ويجيبك لكل من:
جامعة RMIT ومعهد لغتها في الستي
جامعة Melbourne ايضا في السيتي
جامعة Latroube

مع تحياتي

السلام عليكم ورحمة الله وبركاته ,,

اخوي engmzo مو كل واحد جاي على ملبورن لازم يمر على ردجس .. للأسف الأغلب مايعرف مناطق ملبورن ومايسمع الا بردجس للسكن وكل ماجاء طالب قاله روح الردجس عندهم باصات توصلك للجامعه ,,

الردجس ياعزيزي يبعد عن الستي قرابة الـ 45 دقيقه .. وهوثورن تبعد عن الستي قرابة الربع ساعه

يعني الرجل بيضطر يصكها ساعه عشان يوصل لمعهدهـ ,,


بالنسبه لك يامحمد .. فيه فندق اسمه فورميلا ون سعرهـ 79 بالليله وهذا يعتبر ارخص فندق وموجود بالستي ويبغالك قطار لمدة ربع ساعه الى هوثورن ..

وفيه سكن قريب من منطقة هوثورن ايضا وتعتبر رخيصه نوعا ما بس للأسف ناسي اسم الفندق وموقعه وما اقدر اتواصل مع صاحبي الي سكن بالفندق لأن الساعه حاليا في استراليا 2 ونصف صباحا ,,

لذلك خليك بفندق إلين تجي وإذا جيت راح ندلك عالمكان ,,

واذا تبغى الباك باكر فيه واحد جيد اسمه كنق ستريت باك باكر .. نظيف ومرتب في تقاطع شارع كنق مع ليتل بيرك ,,

وفندق الفورميلا 1 في تقاطع إليزابث مع كولنز .. إنت قول للتاكسي كذا وهو راح يوصلك ,,

بالتوفيق اخوي .. وحمد مو مقصر معك إن شاء الله ,,

بما ان الموضوع عن السكن

ابي سكن مع عايله .. قالو لي اذا تبي مع عايله روح هناك وشوف العايله وانا بسعوديه اخاف احجز واطيح لي ع عايله هنديه ولا صينين دام اخونا هينا اتمنى منهم اذا ممكن يشوف لي سكن مع عايله ويكون قريب من الجامعه مع عايله ممتازه وانا بكون ادرس انشا الله بجامعه RMIT

ومحتااج سكن مع عايله اذا ممكن احد يساعدني يااهل ميلبورن وياشباب الجامعه همتكم خوويكم جايكم بعد كم اسبووع انشا الله الله لايعوقها بشررر

يا أخوان أنا الحين واصل لي مدة وبلش يعني ماقدرت أسوي حاجة لا رقم جوال لأنهم يغلقون الساعة 6 ولا حساب بنك ولا يحزنون والسكن غالي شوي لأنه فندق..

فياليت الي يقدر يساعدني أكون شاكر له جزيل الشكر..

أنا الحين في وسط المدية في شارع king st فندق kingsgate

فياليت فيه أحد يقدر يساعدني لين أضبط أموري..

حتى إنترنت مافي بالسكن ولا كان شفت لي سكن مؤقت..

أدري الذنب ذنبي إني ماضبطت أموري قبل ..
لكن مضطر لأن الدراسة يوم الخميس الجاي.


ألف شكر لكم.

منتظر الرد في أقرب فرصة..

وشكراً.