الوزارة جابت لي قبول في جامعتين نيوكاسل , و RMIT ؟ ارجوكم احد يجاوبني ؟

السلام عليكم
مبروك على القبولين00
عندي سؤال اذا سمحتي ؟

انتي مع مكتب " الين" ؟؟

وشكراااا

ايه عزيزتي مكتب الين , ومستغربه جابوا لي قبولين ,, بليز احد يرد على تساؤلاتي بليييييييييييييييييييييييييز.

1 : ايهما افضل دراسيا في الماسترتخصص تسويق جامعة نيوكاسل او RMIT ؟؟

انا من رايي جامعة RMIT لانها اقوى وكذالك تم تصنيفها من ضمن العشر أوائل بين جامعات استراليا وانا كان حلمي اكون فيها لانها في ملبورن وفي وسط المدينة
وتبعد عن نيوكاسل 1000 كم ( حامعة نيوكاسل تعتمد على النظري في اكثر موادها أما رميت فتعتمد على العملي في اكثر موادها )

2 : وبالنسبه لمعهد اللغه في كلا الجامعتين هل يجب اجتياز اختبار محدد لدخول الجامعه؟؟

بالنسبة لمعهد اللغة في جامعة RMIT ما يطلب التوفل أو الالتيس مع انها اقوى من جامعة بيوكاسل بس بمجرد تخلصين المستوى 7 تدخلين على طول الجامعة / أما نيوكاسل فا تطلب احد الاختبارين .

3 : من ناحية المعيشه ايهما افضل ملبورن او نيوكاسل؟؟

ولاية ملبورن ( التي تقع فيها جامعة RMIT ) تعتبر اكبر من نيوكاسل ومدينه حركية مثل جدة يعني الصرف فيها اكثر من نيوكاسل بس ملبورن أرخص من سدني
أما بالنسبة لنيوكاسل اللي تبعد عن ملبورن 1000 كم تعتبر ولاية صغيرة وحلوه وهادية والصرف فيها حلو وفي حد المعقول وتبعد نيوكاسل عن سدني 160 كم

4:اخر سؤال بالنسبه للجامعتين هل هناك شروط معينه ومعايير مثلا سنة تحضيريه او ماشابه ذلك ؟؟

ما فهمت سؤالك

وبالتوفيق للجميع

اخوي طلال والله ماقصرت ياغالي , يعطيك الف عافيه , وشاكرة لك شكرا جزيلا , اما بالنسبه لسؤالي الأخير ,, اقصد انا تخصصي البكالوريوس تعليم وتربية طفوله ,, والماستر تسويق ,, سمعت انو لازم ادرس فاونديشن بمعنى سنة تحضيريه نظرا لعدم امتداد تخصص الماستر للبكالوريوس ,, هل الجامعتين المخيرة بينهم تشترط مثل هذه الشروط او لها شروط ومتطلبات اخرى لدراسة الماستر؟؟
ياليت اشوف اراء ووجهات نظر اخرى مختلفه , تفيدنا جميعا ,وشكرا سلفا اخ طلال

اختي الحسناء انا اييد كلام الاخ طلال المدراع وشكرا
استخيري وانصحك بRMIT

السلام عليكم ورحمة الله وبركاته

الأخ طلال اجتهد وماقصر .. شوفي أختي وركزي معي شويتين الكلام مهم ,,

المكتب ماجاب لك قبولين نهائية .. المكتب جاب لك عرضين او ماتسمى بالـ Offer وبعد إختيارك لإحدى الجامعات يرجع المكتب يراسل الجامعه ليتحصلوا على القبول النهائي والي بموجبه تقدري تقدمي على الفيزا .. ويمكن المكتب يكون جاب لك قبولات لغه في الجامعتين بس ماجاب لك قبول جامعي .. لذلك يبغالك تتأكدي او سوي سكان للورقه الي عطوك إياها وإحنا راح نساعدك أكثر

الشي الثاني .. الفاونديشن او السنة التحضيرية فقط لطلاب البكالوريوس .. أما بالنسبة لطلاب الماجستير الي قبولهم ماهو امتداد لتخصصهم بعضهم يزود على الماجستير سنة او البعض ماتحتاج لها زيادهـ

يعني لو تخصصك مثلا تربية في البكالوريوس وتبغي تدرسي حاسب آلي في الماجستير .. بعض الجامعات تكون مدة دراسة الماجستير للحاسب سنة ونصف .. وبما ان تخصصك في مرحلة البكالوريوس ماهو حاسب لذلك يزيدوا لك ترم إضافة يكون بمثابة الإعداد لدخول مجال الحاسب وتاخذي المواد الأساسية فالحاسب في هذا الترم وبكذا يصير الماجستير مدته سنتين ..

However بعض التخصصات مايحتاجلها اي اعداد .. يعني بعض التخصصات الإدارية او النظرية ماتتطلب تكوني درستي نفس التخصص في المرحلة السابقة ولا تتطلب انك تتعلمي اي شي قبل ماتدخلي للتخصص ..

لذلك لاتشيلي هم .. انتي تسويق ,, قارني بين مدة الدراسة في الجامعتين وقارني المواد ولاتقولين انا ما اعرف التخصص ولا المواد .. هذا كان اول الحين الانترنت بحر وتقدري تدخلي وتبحثي .. لأنك راح تدرسي هذا التخصص وهذا مستقبلك ..

بالنسبة لمعهد اللغه .. كلا الجامعتين تسمح لطلابها بدخول الجامعه بمجرد الإنتهاء من مرحلة اللغه في المعهد بعد تجاوز النسبة المطلوبة وغالبا أقل نسبة تكون 65% .. يعني لو جاكي قبول جامعي راح يكون مشروط وتبان فيه النسبة المطلوب تجاوزها لدخول الجامعه

بالتوفيق أختي واتمنى المعلومات تكون وصلت ,,

hمبرووووك بصراحة كلها حلو

الف مبروك للجميع ودعواتي لكم بالتوفيق أمابالنسبه لي فمازلت في بدايه المشوار في تغيير الدوله الى أستراليا فممكن اعرف معلومات عن المكتب الي بيجيب القبول وكم المدة لأني انتضرردالوزارة في تغييرالدوله وعلى فكرةانامرافق 0000ودمتم