الطريقة للي يبي يسوي فحص طبي ومستعجل عليه...مجربه مني شخصيا قبل شووي

االسلام عليكم
كيفكم اخواني
طيبين
والله اني في جدة وعقلي معلق بالرياض
<<<<احلى يا حبيب من هي سعيدة الحظ
اقصد ابي اعرف وش فـ الملتقيات ؟ووش السالفة؟ وش الهرجه؟
فيه قبولات؟فيه تصريفات؟اللي مايبي يحضر؟
واللي يبي يجي البوفيه ياكل ويشرب ويسولف ويروح البيت هع هع
<<<<اقول عطنا من الآخر
طبعا قبل اسبوعين دقيت على مستشفى بخش
ودي اسوي عندهم زيارة اتفقد العيادات واشوف التراخيص الطبية موجودة ولا لا؟واذا فيه عجز اطباء ادق على اخوياي في امريكا يجون يكملون الناقص
<<<<<يا شين الهياااااط
وقلت منها نسوي فحص للسفارة الاستراليه
دقيت على رقم الحجز عندهم
026510666
تحويلة7
قلت ابي احجز للشكف تبع السفارة الاستراليه عند الدكتور
وحدة صوتها يهبل
قالت د.هشام امان
قلت ايووووووووة عليك نور
<<<والله ما يدري من هو اصلا هشام امان
قالت عندك يوم السبت او الاثنين او الاربعاء وش رايك تجي بكرة الصبح الساعة10 فيه موعد فااضي
قلت:اممم
بكرة
لالا
بكرة الصبح نايم
فيه مواعيد مسائية
<<<<جالس يتدلع عليهم
قالت لا اولله
اوك
باحجز بعدين اذا تعدل نومي
الحين مرة ما اقدر اجي ف الصبح
كم تحويلة الدكتور
قالت لي 1254
قلت كم رقمك
قالت:ايش
قلت مع السلامة
<<<<<ما يحب المشاكل
المهم ما لكم بالطويلة
<<<<<<متاثر بطاش ما طاش
دقيت قبل امس قلت يا ولد بلا دلع بلا نوم ايش الكلام هذا وين الهمة المفروض تسنتر عند العيادة من بعد الفجر تنتظر الدكتور
دقيت في نفس التايم الاول
<<<<<يبغى يسمع صوتها مرة ثانية شكلو حبها الود من قلبه
رد علي واحد تمساح ما عنده لعب
نعم
انا خفت قلت ابي موعد للسفارة كشف للسفارة لو سمحت
قلي في 20ديسمبر
افكره 20/11يعني بعد كم يوم قلت اوك احجز لي مقعد جمب الشباك ابغى اتفرج
<<<<<الاخ راكب طاايرة هع هع
قلت له الا متى بالظبط ديسمبر
قال بعد العيد ان شاء الله
اووووووووووووووف
بعد العيد
انا باسامحكم على هالكلام ادري انك تبغى تعتذر وتقول كنت امزح
<<<<<طلع الرجال من جد يتكلم بعد العيد
وش اللي بعد العيد الله يرحم والديك
تكفى شوف لي موعد هالاسبوع او اللي بعده اذا كثرت انا جاي من تبوك
<<<<وهو يتكلم من الحارة اللي وراهم(يبغى يحزنهم)
قال مرة ما يمدي
رحت لهم يوم الاحد اللي هو امس 18/11
قالت لك الموظفة في الحجز دق في الليل
مممكن احد يلغي حجزه

ونا في قلبي اقول وين انا بمطار ولا بمستشفى؟

دقيت في الليل
رد علي واحد قلت له انت الزهراني
<<<<من هو الزهراني بس يبي يسولف معه ويسوي انه يعرفهم هع هع
قال لا الحربي
كيف حالك يا حربي
اخبارك طيب ان شاء الله؟
<<<<يبغى يشبكه علشان يخش في موعد هع هع
قلت مافي حجز ملغي
رحلة اضافية
انتظار
قال محد لغى حجزه لكن تعال بكرة ونت وحظك
المهم رحت لهم قبل شوووي
وامتحااااااااااااااان
جلست ابر بر عليهم والسالفة ما تستاهل اصلا
من هنا من هنا
قالوا وبعدين معاك يا ابن الحلال
تروح عند امك ولا ندق على ابوك يجي يشيلك
تعلقت في الباب
قلت والله ما اروح
والله ما اطلع
والله تسوون لي فحص يعني تسوون
تذكرت الملاهي زمان لما اروح مع الوالد واجلس اعيط اذا قال هيا نروح البيت
تقريبا نفس الحالة مع اختلاف السبب والمكان
ههههههههههه
قالو تطلع ولا نجيب السكرتي
قلت جيب الدكتور بخش بنفسه
ماني طالع
اسوي كشف يعني اسوي كشف
<<<<<ماخذها رجاااله الاخ
لقيت وحدة
قالت لي انت مستعجل ؟
قلت مرة
قالت ولا يهمك
تسوي الكشف اليوم ان شاء الله بس اصبر
شكلها حبتني البنت
<<<<<تفكيرررر زماااااان


المهم عطيتهم اول شي 390ريال حق الكشوفات
واللي اعرفه ان الرسوم في بخش 600ريال زي ماقريت بمبتعث
قلت
طيب يا نصابين
تضحكون علي وتسون لي خرابيط وتقولون هذا فحص السفارة
ونا بس ابي اولعها واسوي مشكلة بس قلت يا ولد اصبر
<<والله مو عوايده هالمشاكل بس غصب عنه مجبور يسوي كذا
عطوني اوراق اعبيها
وفيها اوراق السفارة بالانجليزي والله توهقت من جد ماعرفت الا الاسم وتاريخ الميلاد ورقم الباسبورد
قلت للسستر (نو سبيك متش انجلش)
قال اسس هااادااا
بتروح استراليا وما تعرف انجليزي
صيحت فيني في المستشفى ونا اقول
بس
بس بس بس لاتفضحينااا
ساعدتني فيها وعبتها معي وقالت اجلس هنا ولا ترح بعيد يا ماما
<<<<جالس يتفرج وحاط رجل على رجل ومبسوط لانه سوا مشكلة
رحت للدكتور هشام امان
ماشاء الله عليه
قمه الاحتراام
افكره لبناني شعره مصبوغ ومموج
طلع ماعنده هالكلام
شغل وبس
سويت فحص
وزن+ضغط ومندي هههه + تمارلاين خفيفة+طول+اممم مد يدك ..تنفس بقوة..من هالكلام

شووية وقال هات 200حق الارسالية وعطاني رقم الارسالية

ونا قاعد احسب 390+200=590 اممم بس في المنتدى يقولون 600

قلت يا ولد شكلهم في المنتدى يقصدون انه 10ريال حق البنزين هههههههههههه

عطاني ورقتين

قال ذي تروح للاشعة

وذي للتحليل تسوي تحليل( احم احم)

<<<اشربو مويه كثير

رحت وسويتها طبعااا
ايه وعطاني رقم

قال تدق علينا بكرة
وتسالنا عن التحاليل
اذا تمام راح نرسلها اذافيه مشاكل
قلت اذكر الله ان شاء الله تمام

اممم وش باقي

عطاني موقع السفارة بدبي اشيك عليه
وعطاني فاتور غير الاولى ب200ريال حق الكشف

الحين صارت معي3 فواتير وفاتورة الارسالية

رحت للرسبشن ابي اسوي مشكلة
ابي اخليها في فاتورة وحدة
<<<<<مدري كيف عدى اليوم على خير وما احد لطشني هههههه
قالو يابن الحلال ما تجي
قلت الا تجي ابيها في فاتورة وحدة
فلوسي ونا حر فيها
ابي فاتورة وحدة دفعت600ريال ما هو لعب عيال هو
لو10
20ريال ممكن بس ذي 600
<<<<والله انضربت الميزانية عندي
اممم
قلت بقلبي مافي حل يا ولد الا تعييييييييييط وتقول ابي فاتورة وحدة
ما باطلع الا تعطوني فاتورة وحدة ولا ترجعون فلوسي
جاني اتصال
قلت اعوذ بالله من الشيطان
روح بيتكم احسن لك
وهذي سالفتي مع مستشفى بخش


ادري اني طولت عليكم

بس والله من حبي لكم كتبت هالموضوع وابي لكم الخير

والله على اقول شهيد

<<<<<<الاخ متعين وزير على غفلة قاعد يشهد ويقسم