الى : مبتعثين المرحلة الرابعة بجده وماحولها
من : Soha
الموضوع : الكشف الطبي في عيادة الدكتور عبد الرحمن عداس
الموقع : شارع فلسطين بعد مستشفى الدكتور سليمان فقيه الدور الرابع
المبلغ المدفوع : 900 للمبتعث والمرافق المبتعث لوحدو 500
المواعيد: انا السبت حجزت و اليوم سويت التحليل وانا اخترت الموعد
في البدايه لازم تاخدو معاكم
3 صور شخصية
3 صور من جواز السفر وجيبو الاصل للاحتياط انا ما سالو عنو بس استفدت منو
صوره من بطاقة الاحوال
رقم صندوق بريد
انا ولضروف خاصه مرافقي عمل الكشف الصباح وانا بالليل بس نفس الشي جمعو اوراقنا في الاخير مع بعض ونفس الاجراءات سوينا
مرحلة الرسيبشن:
بس اول ما تدخل تلاقي وحده مره مستاءه السبب هوا - انو اللي يجو عندها لما تعطيهم يعبو ابلكيشن يقولو ما نعرف انجليزي فتضطر هيا تساعدهم فريحت راسها سارت تملي هيا بنفسها - على فكره فلبينيه تتكلم عربي مره تمام ما شا الله
اخدت مني اوراقي كلها وملتلي الابكيشن وسالتني الاسئله الشخصيه زي رقم الجوال وصندوق البريد ورقم تلفون البيت ما مليت من الابلكيشن الى رقم الجواز هيا قالتلي مليه ، بعدها دفعتلها مبلغ 400 بس وسالتها ليش قالتلي عشان اخوكي دفع 500 اللي فهمتو انو عشان نحنا الاتنين برقم ارساليه واحد والله اعلم واعطتني رقم الارساليه "ارامكس" في ورقه عشان اراجع بيها في الموقع وكان اسم الموقع موجود على الورقه واعطتني ورقتين وحده للمختبر :مختبر الوراد" والتانيه للاشعه ، المختبر جنبهم والاشعه الدور السادس عند عياده ناجيه قنفذي
مرحلة المختبر:
المهم ارسلتني للمختبر الي كان في المكتب الي جنبهم اسمو مختبر الرواد اول ما دخلت اعطوني العلبه وكتب عليها اسمي ورجعتها لهم ولله الحمد هم وانزاح وسيبتهم وودعتهم
مرحلة الاشعة:
بعد كدا طلعت للدور السادس واخدت الاوراق وادييتها نسخه من الجواز واستنيت جا دور على السريع سويت اشعة الصدر واستنيت في غرفه فيها كنب مريح لما اعطتني الضرف حقي فيلو الاشعه
عودة للرسبشن:
نزلت لقيت نتايج التحاليل وصلت والاشعه في ايدي اعطيتها الموضفه اللي في الرسبشن ودخلت عند الدكتور عبد الرحمن بعد ما اعطتني موضفة الرسبشن كل اوراقي ادخلها معايا
غرفة الدكتور عبد الرحمن عداس:
عند الدكتور عداس سالني كم سؤال عن العمليات والامراض المزمنه الادويه ومن دي الحاجات وقاس وزني وشاف طولي وشاف نتايج التحاليل والاشعه ختملي على الاوراق وقاس النضر بطريقة "دي الدائره من فين مفتوحه "بعدها شاف ضغطي وشيك على رقبتي اعتقد عشان الغده الدرقيه
بعدين شيك على رقم الارساليه لو كان عندي ولا لا واخد الايصال اللي دفعتو وختمو وقلي انتبهيلو عشان ترجعي فلوسك
عودة للرسبشن: ما كان معايا ولا شي من الاوراق الا السند كلو مع الدكتور
بس وانا خارجه ما خليت الكلمه في قلبي قلت لموضفة الرسبشن
you are busy but where are your smaile
واخيرا ضحكت
النهاية- ما جبت معاي صور كافيه بس الحمد لله لقيت عند بابا
- برضو ما جبت الا صورتين جواز وبكدا استفدت من الجواز الاصل لقيت اله تصوير في مختبر الرواد
- المعامله من الجميع كانت مره راقيه ومنضمه وكل شي خلص بسهوله
- لتوفر المواعيد دا الشي اللي حبيتو في العياده خاصة انو تلاقي ككل شي منضم الكل بيدخل على المرحله اللي بعدها بالزبط في الوقت المناسب
- اعتقد انها ارخص عياده طبعا انا كنت احسب بخش ارخص بس ربي ساندني"على فكره كنت راسي والف سيف اعطي الادميه 1000 بس رجعلي عقلي "
- اشربو مووووووووووووويه قبل ما تروحو ما حتتعبو في المختبر
- تعبت وانا اضحك على حقت الرسبشن فلو كنت طفشان اتونس واتفرج
- العياده مستواها متوسط يعني نضيفه بس مو فخمه
وبالتوفيق للجميع يارب
Soha H B November 17th, 2008, 09:53 PM
7 " 
LinkBack URL
About LinkBacks
لانه بسهولة راح يرفضو الفحص