هل 5.000 ريال سعودي تكفي

يا رب يسر ولا تعسر

بالبداية انسى انها تكفى .
ولكن بعد الاستقرار ومعرفة البلد . ومعرفة اساسيات المصاريف . يادوب تكفى لنهاية الشهر .
لو تزودها شوي وتخليها 7000 اتوقع تكفى
لانة عندك اساسيات مو رخيصة السكن . اهم نقطة . ومن ثم يجي الاكل والمشرب والمصاريف اليومية
.
على فكرة العزوبي لو انت ماسك على نفسك مية مية وما تطلع السنت او الدولار الا بمحلة تكفى .
لو بس شوي فلتت يدك انسى ولو مدخن انسى انها تكفى . ولو نفسك باي شي ثاني يمين شمال (لايروح فكرك بعيد) قصدي سينما والا رحلات استجمام طبعا مافي امل والا بتمشيك ال5000 لنص الشهر . واذا اشتريت سيارة . ما راح تكفيك برضو لانها لها ميزانية لوحدها السيارة .
ولكن انصحك انت عزوبي جرب السكن مع اثنين ثلاثة من السعوديين وبالباي .

اهلا ..
بالفتره الحاليه ومع النزول تكفيك زي السلام عليكم ،،

باليوم انا اصرف 20 دولار (وجبه وحده باليوم والسوالف الثانيه قال مويه قال عصير مدري ايش)

20 * 5 = 100 دولار ايام الدوام ،،

الوييك اند على حسب انت وش نظامك؟! بس تقريبا 100 بالوييك اند 50 لكل يوم ..

يعني 200 دولار بالاسبوع صرفك ،، السكن انا ادفع 250 بالاسبوع ..
31 دولار سعر تذكرة القطار ..

يعني 481 ،،خلنا نقول 500 دولار بالاسبوع سكن ومصرف شخصي وتنقل ،،

500 * 4 = 2000 دولار بالشهر ..

تو شيكت على سعر الصرف بالنت الدولار يعادل 2.43 ريـال ..

يعني بيطلع صرفك 4860 ريـاال ،، يعني حول الـ 5000 ريال ..

بالنسبه للتلفون انا ماحطيته لاني مادري وشلون نظامك تكلم كثير او لا!!
بس على العموم اوبتس عرضهم حلو تعبي 100 بالشهر تاخذ مكالمات بقيمة 800 دولار ..
يعني تقريبا معدل صرفك 5000 ريال بالضبط ،، احيانا ينقص واحيانا يزيد ،،

انا توني لي اسبوعين بس ،، بس تقريبا هذا صرفي بالاسبوع ..

بس اول شهر اتوقع يزيد شوي لانك بتنحاس مع السكن يمكن خصوصا اني جيت وسكنت اول 4 ايام بفندق ،،

طبعا سعر الصرف مساعدك بهالفتره ،، وانا نفسك على حسابي الخاص ..
ولاتنسى اني بسيدني المعيشه اغلى هنا شوي ،،

بالتوفيق يالغالي

قالوا لنا في الملتقى ان سعر الصرف ثابت.
أحد عنده خلفية عن الموضوع؟

sara سعر الصرف للمكافئـآت يعني مكافئات الطلبه ثابت سعر صرفهـآ ..تقريبا 5000 وشوي المكافئه بالريال يعني على حسب سعر الصرف الحالي لو جيت بتصرفها تطلع لك تقريبـآ 2600 دولار .. لاكن لو جيت تصرفها قبل 3 شهور بتطلع لك تقريبـآ 1650 دولار .. فالمقصود بـ إْن سعر الصرف تثبيتهـآ على 2221 دولار حتى لو نزل سعر الريال او ارتفع .. لآكـن لو بتجي تحول من سعودي لـ أسترالي مبلغ معـك على حسب سعر الصرف وقتهـآ ..


تحيـآتي

تكفى يا مستر مالبورن الفزعة
هل عمل الاشعة لازم الازم الاستخراج الفيزا الاسترالية
علما أن زوجتي حامل والدكتور عدااااس قال لابد من عمل الاشعة وإلا ما راح تقبل السفارة الكشف الطبي .
وأنا بصراحة خايف على زوجتي وعلى الجنين

أوجوااا من الاخواه الافادة وشكراً