ابي فزعتكم يالربع وش المطلوب للي يبي يلحق زوجته معاه ببلد البعثة ؟

اخوي زوجتك تطلع لها فيزة مرافق وهذه مدتها بمدة فيزتك انت

طريقتها نفس الفيزا العادية
يعني تحتاج ( كشف طبي - شيك - صور - الخ)
واضافة عليها صورة من فيزتك انت وصورة من جواز سفرك
واهم شي فيها هو انك تعبي 2 ابليكشن خاص فيها
الاول لازم تعبيه و توقع عليه انت <<< خل موضف اراميكس بالسعودية يعبيه لك واخوك يوقعه ويمشي الحال
والثاني زوجتك تعبيه وتوقع عليه
اهم شي بالموضوع انك راح تحتاج ظمان مالي يثبت ان زوجتك راح يكون عندها دخل وهذا له حلين
لو انت الظمان المالي حقك اللي من الوزارة ظمان عايلة فانت بالسليم وعطهم اياه وخلاص
اما لو كان ظمانك المالي خاص باعزب فارسل خطاب للبشري اطلب فيه تعريف براتبك لو جات زوجتك وان الملحقية راح تصرف عليها


بالنسبة للعمر ما اعرف عنه اي شي

كفيت ووفيت ياهيشو .. لاعدمناك

هلا أخوي

صراحة وضعك محير حاولت أسألك في السفارة الاسترالية بدبي وكذا واحد بس ما تأكدت

بس بقلك اللي أعرفه وأنت أسأل كمان وأنا إذا لقيت معلومة أكيدة راح أرد لك إن شا الله

شوف بالنسبة لإلحاق زوجتك بفيزتك وأنت باستراليا وهي بالسعودية لها شروط (طبعا هذا إذا كان عمرها أكثر من 18 سنة)

صور الجواز وصور شخصية وضمان مالي (طبعا حيكون عندك لأن الملحقية ترسل لك نسخة منه) وتعريف بالراتب من موقع الملحقية (عشان يبين إنك تقدر تصرف عليها) والشيك المصرفي والفحص الطبي وصور من جوازك وفيزتك الأسترالية
تعبئة الإستمارة 157A وتختار إنها تكون مرافقة لك كزوجة
طبعا إذا كنت متزوج من أول قبل ماتطلع فيزتك الأسترالية وماوضحت اسم زوجتك في إستمارة الفيزا لمن قدمت أول صعبة تطلع فيزة مرافقة لزوجتك

لكن إذا وضحت إنك متزوج وذكرت اسم زوجتك في طلبك للفيزا فإن شا الله مافي مشاكل

لكن إذا تزوجت بعد ماطلعت فيزتك لأستراليا ماعندك مشكلة لكن مطلوب منك تعبي إستمارة وترسلها لزوجتك في السعودية عشان تقدمها مع الطلبات الثانية (راح أحاول أدور لك الإستمارة وأحطها لك هنا إن شا الله)

الان نجي إذا كان زوجتك أقل من 18 سنة

حسب النظام الأسترالي إذا كان المرافق للطالب أكبر من 5 سنوات وأقل من 18 سنة لازم يكون عنده قبول في المدرسة وترسله مع الطلبات
وبالنسبة للدراسة بنظام المنازل يمديك تسجل زوجتك بأكاديمية الحرمين بجاكرتا عشان تختبر إختبارات الثانوية (بجميع المراحل) باستراليا وهذا رقمهم +62218191254

وإذا في شي جديد راح أرد لك هنا على طول بإذن الله