(¯`•._) ( الفيزا الأسترالية للطالب والمرافق على مبتعث .. بالتوفيق للجميع ) (¯`•._)

مرحبا ياأخواني الاعضاء .. كيفكم

وكيفك أخ ملبورن ... بس حبيت اقولك شغلة

قبل يومين كتبت هنا انه ارسلت اوراقي لاارمكس واعطاني ورقة صغيرة فيها رقم المرجع
لمتابعة الطلب عن طريق موقع السفارة على النت

وبالفعل دخلت بنفس الرقم وطلعتلي حالة الطلب واسمي

طبعا لسى حالة الطلب بس مكتوب انها ارسلت الاوراق الى الوكالة الاسترالية بتاريخه

طبعا الرقم موجود باخر الورقة من تحت مكون من ست ارقام

وهذه المعلومة وحبيت اضيفها ... عشان تتابعون طلبكم

وشكرا لمجهودكم الرائع ....... جزاكم الله الف خيييير

هلا أخوي

إن شا الله مافي مشاكل والضمان انت خلي معاك كم صورة منه إحتياطا يمكن تحتاجة في المستقبل

ولاتشيل هم الصورة تكفي منه

أنا خويي قدم عالسفارة بصورة من الضمان وطلعت له الفيزا الحمد لله

هلا أخوي الحداد

من الأفضل إنك تغيره من الان وتكلم مكتب القبول يمددوه لك عشان تريح نفسك في أمور الفيزا والملحقية بعدين

وإذا تبغى تغير في نفس المسار بعدين إن شا الله مافي مشاكل

هلا أختي نعتذر لعدم الرد

بس اعذريني التواريخ مو واضحة لي

ياريت توضحي لي هل ختمتي القبول من الوزارة؟
متى موعد دراستك للغة؟
هل قصدك بالتاريخ الأول تاريخ صدور القبول؟

بالنسبة للختم أنا سمعت إن الوزارة أرسلت الأسماء للسفارة في دبي بس هل تكفي صراحة ما أدري


أخواني الحداد وبحر الأمل و makaveli

أهم شي إنكم تسووا الفحص الطبي الان وروحوا للمكتب قولوا له نبغى القبول مختوم ولاتعطوه صورة الجواز وإذا رفضوا الله يعينكم تروحوا الوزارة يختموه

وقدموا عالفيزا بنفسكم

أبغى أسألكم ياشباب مافي أحد سأل الوزارة على حكاية ختم القبولات وطريقة تعامل المكاتب

أنا سمعت إن مكتب الوكالة لشؤون الإبتعاث بالوزارة سووا ايميل للإجابة على إستفسارات الطلاب
schlr#mohe.gov.sa
الرجاء إبدال # بـ @

وهذا رقمهم 2107533 - 1 - 966

التحويلات للمراجعين : 155 - 153 - 152 - 121

ياريت كلكم تكلموهم وتراسلوهم ووضحوا لهم وضعكم مع المكاتب وإنها تستغل الطلاب وتأخذ منكم فلوس عشان الفيزا بينما يمديكم تقدموا عن طريق أرامكس ببلاش

كمان أسألوهم هل يكفي التقديم للفيزا بدون الختم ؟ وهل أسمائكم أرسلت للسفارة عشان كذا مايحتاج ختم

إذا أي أحد سألهم يعطينا الخبر واش ردوا عليه

هلا أخوي علي الشمال وأختي سها

بالنسبة للفيزا أفضل تقدم عن طريق الأرامكس

أما القبول أحيانا يكون المسمى مختلف شي بسيط بس أفضل تشوف المواد اللي راح تدرسها وهي راح تحدد لك إذا نفس التخصص أو لا

وإذا مالها علاقة أفضل شي تروح المكتب اللي جاب لك القبول وتقول له هذا القبول يختلف عن التخصص اللي طلبته وشوف لك حل معاهم

السلام عليكم ورحمة الله وبركاته

واشكركم على جهودكم الكبيرة في مساعدتنا في هذا المنتدى الرائع جدا
وشكر مخصوص للقائمين والمتابعين لهذا المنتدى من طلاب استراليا
واتمنى لهم التوفيق في الدنيا والاخرة

ولكل الاخوان والاخوات لدي استفسار عند التقديم للفيزا الاسترالية
طبعا انا بقدم عن طريق مكتب الارامكس الموجود في الخبر
ولكن سؤالي هل من الضروري والشروط ترجمة شهادة الميلاد المؤقته للطفل؟

حكايتي يا مستر باقيس
انو القبول مكتوب عليه تاريخ 3/11/2008 يعني تقريبا من شهر
واستلمتو بتاريخ 1/12/2008 يعني تقريبا بعد صدور القبول بشهروبعد الملتقى دا دليل انو المكتب مو قايم بشغلو كويس
غيركدا المكتب مو خاتملنا القبولات
حاولت لما اليوم اختم القبول بس الحمد لله على كل حال تعب على الفاضي

والله ما اعرف ايش نهاية موضوعنا الله يستر

تحياتي

اخت سها انا مثلك مقدم على ماستر تسويق ....واعطوني قبول تجاره الاكترونيه جامعه ملبورن ويوم اتصلت على المكتب وقلت لهم السالفه ...قالوا انه امر عادي لأنه كلها تجاره (بس والله مادري وش يقولوا في الملحقيه هناك هل عليه مشكله........ الله يعين

اما عن الختم فعندي ختم على المعهد بس (اول الاوراق)... اما الجامعه لا ماهو مختوم ..... هل اقدم اوراقي لأرامكس او اروح اختم اوراق الجامعه عند المكتب
وبعدين دراستي تبدأ يناير 15/2009 هل هناك اشكاليه اذا تأخرت عنها بحكم اني ماسويت فيزا الى الان

اتمنى ان تساعدوني وانا عارف مشاكلي كثير بس الشكوى لله

أخوي bagais

الله يعطيك الف عافية ما قصرت ... الواحد يحتاج الارقام ذي للإستفسار..

حبيت اوصل كلام واحد من الشباب الله يجزاه بالخير ... ما قصر أخذت قبولاتنا وطبعها وراح يختمها من الوزارة...!

المهم راح الوزارة وقال هذي قبولات أخوياي وهم بالطايف ووصوني اختمها عنهم لأن اليوم آخر دوام ولا يمديهم يجون... قالوا له: المكتب وموظفيه هم الي يجون يختمون قبولاتكم عندنا مو انتم.. روحوا تفاهموا مع المكتب..

وبعدها الرجال راح للمكتب قالهم كلام الي في الوزارة...وبعدها بالمناحلة والقرف ختموا قبولاتنا ختم المكتب... حتى من غير نفس... وقالوا له: خلاص براحتك روح سوي التاشيرة بالمكان الي تبغاه ولا يحتاج ختم الوزارة يكفي ختم المكتب...!

وقالوا له : ختم الوزارة في الاخير اذا جيت تبغى قرار اصدار الابتعاث...!

ومدري اذا كلامهم صح ولا لا ... المهم الحمدلله ختمت القبول وافتكيت منهم وان شاء الله ما عاد لي رجعه لهم...


على العموم... استغرب من الوزارة التعامل مع مكتب الوكالة الاسترالية...لأنها الاسوء

والله لا امانة ولا تعامل ولا شي... بس تأخير قبولات واستلطاخ في التاشيرات...!!!!

الله يعين طلاب المراحل الجاية ..

ومره ثانية مشكور أخوي bagais

الله يسعد اوقاتكم
اعزائي اللي صار له نفس الموقف واللي عنده معلومه لايبخل على /
انا جبت قبول لغه وبكلوريوس: اللغه في 13-11-2008 والفيزا وصلتني في 28-11-2008 وانا بدرس على حسابي ودافع رسوم اللغه بالكامل (المشكله انه في موقع الملحقيه مكتوب :
بالنسبة لمعاهد اللغة ، فإن الدراسة تكون في معظمها على مراحل (مستويات) تستمر كل مرحلة لفترة أربعة إلى ثمانية أسابيع ، ومن الضروري أن يرتب الطالب موعد حضوره قبل بداية المرحلة الدراسية المحددة حتى يبدأ دراسته من اليوم الأول للمرحلة ، ولن تقوم الملحقية بتسديد الرسوم الدراسية للمرحلة التي لم يلتحق بها الطالب من بدايتها. نرجو ملاحظة ذلك والاهتمام بالالتحاق بالمرحلة الدراسية من بدايتها (حيث إن معظم المعاهد والجامعات تقوم بحساب الرسوم الدراسية على كامل المرحلة حتى لو لم يكن حضور الطالب إلا في منتصفها أو في الأسابيع الأخيرة منها).
انا الان لسى ما سافرت ومدري وش اسوي
هل اقوم بتغيير قبول اللغه واسافر , والا لازم ابلغ السفاره اني غيرت القبول ولكن اخاف ياخروني .
اسال الله التوفيق للجميع

خلاص الحمدلله مشكلة التختيم انحلت ,, أخوي بحر لا تروح المكتب ولا تتعب نفسك ,, اليوم انا رحت مكتب ارامكس و قبولاتي كلها بدون تختيم ,, و عطيتهم خطاب مسجل فيه الاسم و رقم الطلب و رقم الترشيح و كاتب فيه ان عندي ضمان مالي موجود لدى السفارة الاسترالية مرسل من وزارة التعليم العالي ,, ولما سألت الهندي عن التختيم قلي مو ضروري ,, يعني توكل على الله و روح قدم ع الفيزا من غير ما تحتاج تختيم ولا يحزنون

وبالتوفيق انشاءالله ....



اهلين أخوي علي الشمال مثل ما قالتلك الأخت Soha H B ,, اذا قبولك مو مختوم تابعنا لاننا نحاول نشوف حل لدي المشكلة ,, و الحمدلله لقينا حل لهرجة التختيم ........اللي قبل شوي

و انصحك تروح تطلع الفيزا من ارامكس لان مكتب الوكالة الاسترالية بينصبوك في السعر مثل ما قريت في أول صفحة في هذا الموضوع

اما موضوع التخصص فهذا ماعندي خلفية عنه

و تحياتي للجميع .......

الحمدلله قدمت اليوم على الفيزا اون لاين...

بس ماادري متى يتبين في موقع المتابعه انه وصلهم الطلب؟؟


والله يسهلها لنا ولكم ان شاء الله..