بس عندي كم سؤال :انا ابوي مرافقي وبيطلع بفيزه سياحيه وامي واخوي الصغير (سنتين) بيطلعون معنا على حساب الوالد ..طيب لهم فيزا لوحدهم ولا مع فيزا الوالد وشيك واحد ولا لكل واحد شيك؟؟..
واذا كانو بيدرسون لغه بس في حدود الثلاث شهور يسون فحص اشعه الصدر بس ..صح؟
أختي كل واحد عنده جواز يقدم بطلب خاص فيه وتدفع الرسوم عن كل واحد فيهم
أما أخوكي إذا كان في الجواز مع أحد والديكي فيكتب معاهم ومايحتاج طلب أو رسوم ثانية
أما بخصوص الدراسة أكثر من 4 أسابيع من الأفضل إنهم يسووا فحص طبي لكن يمديهم يسووا حركة ثانية
لمن يوصلوا هناك يقدموا على دراسة اللغة لمدة 4 أسابيع وبعدين يقدموا على 4 أسابيع ثانية وبعدين 4 أسابيع ثالثة وأخيرة وبكذا ماراح يحتاجوا فحص طبي
وعندي كم استفسار بالطلب للفيزا السياحيه: في الجزء Cاذا المساحه ماكانت كافيه لكتابه كل افراد العائله غير المسافرين شلون اضيف ورقه ثانيه بالضبط "يعني اطبع ورقه ثانيه من نفس الصفحه؟"
أنا ماقد سويتها بس أتوقع اللي قلتيه هو الصح
وفي الجزء D النقطه رقم 22 اذا الوالد بيدرس لغه لفتره اكثر من 4 اسابيع بس ماعنده قبول لسا ..اختار نعم واترك التفاصيل فاضيه ؟
أختي طالما ماعنده قبول من الأفضل يكتب لا وبعدين هناك عايدي يقدم عالدراسة في المعهد
وفي الجزء الوظيفي ابوي لسا على راس العمل بس بيصدر تقاعده في 1-1-1430..اختار متقاعد واكتب هذا التارخ بالميلادي ولا اصبر لين تمر هالعشر ايام وبعدين نقدم الفزا ؟؟..
أختي اكتبي متقاعد إذا قدمتي عالفيزا بعد تقاعد والدك وإذا كان موظف أكتبي إنه موظف
ترى ماهم مرة مشددين من الناحية هذه
ستفساري الاول نفس الاخت منتظرة الوعد الخانة d النقطة 22
هل اكتب نعم اذا جبتله قبول مبدئي بس اكتب تاريخ بدء الدراسة المتوقع ولا لا
أختي إذا عنده قبول وتبغي تكتبي اكتبيه
وإذا ماتبغي تكتبي عادي مو شرط يمديه يدرس هناك بس قسموا القبول على دفعات عشان ماتضطروا تسووا فحص صدر
وكمان في الخانة d رقم 21 فيه سؤال عن سبب زيارة استراليا عادي اخليه فاضي ولا اكتتب انه مرافق
أختي أكتبي زيارة فقط Tourism
انا اقول لأبوي:خلينا نقدم على ارامكس بس هو شايفه صعبه لاننا بعيدين عن المدن الرئيسيه ال3 جده الرياض الدمام الي فيها ارامكس معتمد وهو قال:اريح لنا نقدم عن طريق المكتب الوكاله الي جاب لنا القبولات وهم يخلصون امورنا نرسل لهم اوراقنا وكلمهم بس طلبوا: انهم لازم يأخذوا جوازه ويظل طول هالفتره معهم بس ابوي استصعبها لانو سفراته كثيرة خارج السعوديه أختي ماعندكم غير إنكم تقدموا عن طريق أرامكس أو عن طريق المكتب لكن يقول لهم ما أقدر أعطيكم الجواز لأن عندي سفرات وبعدين نظاميا ممنوع ياخذوا الجواز منكم لأنهم ماهم سفارة أو قنصلية أو يمديكم تقدموا بالنت لكي أنتي فقط بس ما أتوقع يمديكم تقدموا عالسياحية لوالدك من خلال النت
http://www.vfs-au-gcc.com/arabic/online.aspx
وعليكم السلام ..
يعطيك العافيه اخوي مشعل الحربي .. هل بواجه صعوبه مع الوزاره .. بالمعنى اني اروح اللحين او انتظر الفيزا تطلع وفي وقت واحد اقدم على امر الابتعاث وامر الاركاب ..
اخوي مستر ..
انا دراستي في المعهد التيلر 19-1-2009 الا عندي ضمانه من الوزاره ..
وفي المعهد الانسيرش بتاريخ 9-2-2009 الا عندي من غير ضمان
بالمعنى هل اني اذهب في اي تاريخ ..!
وهل هناك مع الملحقيه بيكون الوضع اوكي او لا ؟
أختي من الأفضل إنك ماتقدمي عالفيزة إلا لمن تطلعي القبول النهائي اللي راح تدرسيه
لأن بعدين إذا رحتي هناك راح تضطري تكلمي الملحقية تغيري المعهد وتخافي مايوافقوا لك وكمان يمكن تضطري تغيري الفيزة لأنك راح تكوني غيرتي كفيلك في أستراليا ولازم تكلمي إدارة الهجرة عن تغيير الكفيل
اخوووان صور الجواز المطلوبه مننا الي مقدمين عن طريق اون لاين..
الصفحه الأولى وصور التختيمات ولا بس الأولى؟؟
هلا أخوي مشعل
تحتاج جميع الصفحات المستخدمة في الجواز والصفحة الأولى
انا جاني قبول في جامعة تزمانيا وطلبت تغيير الجامعة بس حتى الان لم يأتيني القبول الجديد وخلصت الكشف الطبي هل أقدم على الفيزا بنفس قبول جامعة تزمانيا ؟ ولا انتظر القبول الجديد ..!!! هلا أبو جنا
أفضل تنتظر القبول الجديد وتقدم عالفيزا
bagais December 18th, 2008, 06:44 PM
7 " 
LinkBack URL
About LinkBacks
بس الله يعطيه العافية كعادته ماقصر مع أحد
أخوي علي هذه طلبات تقديم الفيزة لزوجتك وأبنائك (إذا لديك)
1 - تعبئة الإستمارة رقم 919 من قبل الطالب نفسه وليس المرافقين.
2 - تعبئة الإستمارة رقم 157A من قبل الطالب والمرافقين ويتم إختيار مرافق لطالب في أول صفحة.
3 - خطاب من الجامعة موضح فيه التالي:
أ - أسماء كورسات اللغة والجامعة.
ب - مدة الدراسة والتاريخ المتوقع لإنهاء الدراسة.
ج - هل الطالب مؤهل لدراسة الكورسات
4 - خطاب من الملحقية موضح فيه المكافأة الشهرية للطالب مع زوجته وأبنائه (إذا لديك) وأحيانا يتم قبول الضمان المالي المرسل لك من قبل الملحقية والموضح فيه تكفل الملحقية بجميع مصاريف عائلتك.
5 - عقد الزواج أو كرت العائلة مترجم.
6 - قبولات للإبناء إذا كان لديك أبناء في سن الدراسة.
7 - تأمين طبي عائلي ويمكن طلب ذلك من الجامعة أو من شركة التأمين.
وأيضا من الأفضل إرسال 4 صور شخصية لكل مرافق
المصدر: موقع إدراة الهجرة
http://www.immi.gov.au/students/stud...w-to-apply.htm