(¯`•._) ( الفيزا الأسترالية للطالب والمرافق على مبتعث .. بالتوفيق للجميع ) (¯`•._)

شوفي اختي ..

الفيزا تتلغي بعد مرور ثلاث اشهر .. يعني لو ماسافرتي خلال اول 3 اشهر نظاميا الفيزا تعتبر لاغيه ,, لذلك حاولي توزني وقتك ,,

الشي الثاني بإمكانك حتى بعد ماتصدر الفيزا تطلبي تأجيل من المعهد واذا جاتك الموافقه والقبول الجديد تطلعي فيه على الوزاره وتصدري قرار ابتعاثك وتذاكرك .. وماهو شرط تبلغي ادارة الهجره انك أجلتي دراستك ..

اتمنى تكون المعلومه وصلت .. وان شاء الله تتيسر امورك

بالتوفيق

السلام عليكم للجميع .......

لو سمحت اخوي Pagais و Mr .melbourne


ذكرتم ان من متطلبات التقديم للمرافقة : - خطاب من الجامعة موضح فيه التالي:
أ - أسماء كورسات اللغة والجامعة.
ب - مدة الدراسة والتاريخ المتوقع لإنهاء الدراسة.
ج - هل الطالب مؤهل لدراسة الكورسات

فهل خطاب COE كافي لهذا الغرض ..... وبالنسبة لتحويل التأمين الطبي من single الى family هل يكفي ارفاق OSHC WORLDCARE HEALTH ASSISTANCE كافية .. علما انني قمت بتحويله عن طريق الشركة من خلال النت ودفعت الفارق ....


وأخيرا هل سعر اصدار الشيك اللازم هو 1828 درهم .... وبالنسبة للتقديم الفيزا ما هو أفضل قبل او بعد عمل الفحص الطبي ؟؟ ...



واشكر لكم تعاونكم ومساعدتكم للمبتعثيين ..

تقبلو تحياتي ,,,,,,,,,,,,,,,,,,ALIII

وبالتوفيق وإن شا الله تتسهل فيزة زوجتك

الآن ابنك المفترض ينتظر الفيزا واذا طلع على استراليا يغير جامعة من قبل الملحقية في استراليا والموضوع سهل بإذن الله ومافيه تعقيد لأنه بالفعل تكنولجيا المعلومات والاتصالات ماهو تخصص نظري لذلك الملحقية راح تجبره يبحث عن قبول في جامعة ثانية ..

لاتغير القبول ولا شي وهذا الأمر بيأخر ولدك .. والشهرين الي من المفترض ينتظر فيهم القبول الجديد الأفضل يكون في استراليا ويدرس لغه ..

بالتوفيق لك ولولدك ياعزيزي[/quote]


جزاك الله الف خيروبارك الله فيك وفي من تحب اخوي مستر مالبورن
القبول غير مختوم من الوزارة فلو تحصَّل على الفيزا وعند الختم من الوزارة ممكن ترفض الوزارةأوتأخره
دراسة اللغه في 9/2/2009م
قبول اللغة في المعهد اللي بالجامعة ـ غرب سدني
هل من الممكن يدرس الماستر في جامعة أخري
ممكن يأخذ الفيزا على جامعة غرب سدني ويدرس اللغة ثم يغير الجامعة
أو يطلب تغيير الجامعة من المكتب في فترة الحصول على الفيزا ـ أويتأخر القبول

مجهووود جبااااااااااااااااااااااااااااااااااااار

جزاكم الله خير

لا يا اخي الكريم الوزاره ماتدقق ولو تبغى الصراحه بعض موظفيها مايعرفوا يقرأوا اسم الجامعه لذلك لاتشيل هم وفي اسؤا الأحوال اذا رفضوا قولهم ان المكتب المكلف هو الي جاب القبول وان الولد اذا سافر راح يحاول يجيب قبول ثاني في فترة اللغه .. وقتها الوزاره ماراح ترفض لأنه اهم شي يسافر حتى لو بقبول لغه فقط ,,

نعم يا اخي الكريم .. النظام مايمانع ابدا سواء من الملحقية للسبب المذكور سابقا او من إدارة الهجره

محد يمنعك تروح للجامعه الي تبغى تدرس فيها لكن في حالة انتقاله من الأفضل فقط تبليغ ادارة الهجره بتغيير الجامعه .. بس مايغير فيزا ولا شي


فترة انتظار القبول هذي من الأفضل لولدك تعلم اللغه فيها .. يعني شهرين فاللغه افضل من شهرين فالبيت فقط لإنتظار القبول من الجامعه

واذا سافر بإذن الله وبدأ دراسة اللغه بإمكانه شخصيا مراسلة اي جامعة والتقديم عليها او الذهاب لأي مكتب للتقديم على اي جامعة يرغبها ويصير ضرب عصفورين بحجر .. بدأ دراسة اللغه وجاب القبول الجديد ..


بالتوفيق لك ولإبنك ان شاء الله

السلام عليكم ورحمة الله وبركاته

لو سمحت اخوي انا جاني قبول من الجامعة الاهليه لدراسة الماستر ولكن في ذيل الصفحه للقبول مكتوب يجب عليك ارسال القبول مرفق بالمبلغ لكي نرسل لكي نسخه من التاكيد لنتزيل المواد التي سوف تمكنك من اصدار الفيزه

يعني ما اقدر اقدم بالقبول الي عندي على الفيزه مباشره لازم الورقه هذي ياليت تفيدني

اشكرك مقدما يا غالي

السلام عليكم
أولا : اشكركم على مجهودكم الجبار .

ثانيا لدي استفسار بسيط:

أنا لدي قبول نهائي للغة يبدأ في 9/2/2009 ولدي قبول مبدئي للجامعة وأنا انتظر القبول النهائي وله شهر ما جاء

سؤالي : هل اقدم على الفيزا الآن واسجل البيانات للجامعة لكي استخرج فيزه لمدة ثلاث سنوات وإذا وصل القبول النهائي للجامعه أرسله في الإيميل للسفارة ؟
أو انتظر وأطلب تأجيل اللغة من المكتب واقدم على القبول القديم(اللغة) مع قبول الجامعة إذا وصلني ؟
لأنه بقي شهر فقط على الدراسة والفحص ارسل من قبل الحج

وأسأل الله أن يوفق الجميع

السلام عليكم

اخوي عبدالله الجامعات الاسترالية اولا ترسلك عرض Offer واذا انت قبلت العرض ترسل لهم شيك بالمبلغ لدراسة اللغه فالبداية .. طبعا على افتراض انك طالع على حسابك الخاص ..
واذا ارسلت لهم الشيك بالمبلغ الجامعه راح ترسل لك القبول النهائي الي يخولك انك تقدم على الفيزا

واذا تبغى تعرف هل الي معك قبول نهائي او لا انظر في اعلى صفحة القبول من اليسار اذا مكتوب COE يعني قبول نهائي

اذا ماهو مكتوب يعني عندك عرض من الجامعه وهذي الكلمه الي بتحصلها غالبا Offer

طبعا في جميع الاحوال لو عندك القبول النهائي تقدر تقدم على الفيزا ومالك شغل بالمكتوب من شروط في اول الصفحه او اخرها ,,

بالتوفيق اخوي


اولا الفحص ياعزيزي مايضر ابدا ,, ومدة الفحص سنة كاملة لذلك لاتشيل همه ..

بالنسبة لوضعك الآن عندك حلين ..

إما انك تقدم على الفيزا بقبول اللغه واذا طلعت استراليا تمدد الفيزا من إدارة الهجره بالقبول الجديد حق الجامعة

او انك تنتظر قبول الجامعه وتقدم مره وحده بالإثنين على الفيزا ..


طبعا ماتقدر تقدم على الفيزا وتكتب الفترة المطلوبة 3 سنوات لأن السفاره تصدر لك الفيزا على حسب القبول الي يجيها .. لو جاهم قبول لغه فقط راح يصدرون الفيزا لفترة اللغه ولو جاهم قبول جامعه راح يصدرون الفيزا لمدة الجامعه وهكذا ..

بالنسبة للتأجيل .. مازال الوقت مبكر انك تأجل دراسة اللغه .. واذا جاء يوم 1 من شهر 2 ميلادي وماصدرت الفيزا تقدر تقدم على تأجيل دراسة اللغه ..

بس ماتدري يمكن ربي ييسرها وتصدر الفيزا بعد اسبوعين من التقديم وبالتالي تسافر في يوم 20 من شهر واحد مثلا ..

بالتوفيق اخوي