(¯`•._) ( الفيزا الأسترالية للطالب والمرافق على مبتعث .. بالتوفيق للجميع ) (¯`•._)

لا يا اختي .. المفترض انه يضمكم معاه بنفس الفيزا .. واذا ما اقتنع خليه يجي هنا المنتدى وإحنا نقنعه

او انتي إقنعيه بإنه الافضل انهم تطلعون بنفس الفيزا حقته .. وماراح تكلفه شي نفس التكاليف للشخص الواحد هي نفسها للعائلة كاملة .. الفحص الطبي الي راح يفرق فقط ,,


نظاميا لكم 3 اشهر لكن تقدروا تمددوها .. بس عشان توفروا على نفسكم مراجعات مع ادارة الهجره انا اقول الافضل تكونوا كلكم على فيزة الزوج

لا ما تقدري .. لكن بإمكانك تدخليهم يتعلموا لغه لكن اقل من 3 اشهر .. حتى وإن مددتوا الفيزا ماراح يدرسوا اكثر من 3 اشهر لأن هذا النظام ..

لكن لو انضميتوا بنفس فيزة الزوج الابناء يقدروا يدرسوا في المدارس او المعاهد بكيفهم ..


بالتوفيق ان شاء الله

السلام عليكم

انا عندي سؤال وياليت ماتقصروا معي

انا دراستي تبدأ في 12 يناير والى الآن ما طلعت الفيزا ((يعني صار لازم اطلب تأجيل للدراسة))، كيف اطلب تأجيل للفيزا أكلم الوزارة ولا أكلم المكتب؟؟؟ ولا انا أرسل للجامعة دايركت ولمين بالضبط؟؟؟؟؟؟؟؟؟؟؟؟؟؟؟

افيدوني الله يجزاكم خير

بدري عالتأجيل ياعزيزي ..

لسى باقي قدامك 18 يوم ممكن الفيزا تصدر في اي يوم خلال هالاسبوعين ..

عموما قبل موعد الدراسة بـ5 ايام يعني يوم 7 يناير بإمكانك تروح للمكتب الي جاب لك القبول وتقولهم يراسلوا المعهد يأجل اللغه لمدة كورس واحد .. وإن شاء الله راح يجيك منهم رد خلال يوم او يومين عمل بالكثير .. وبس


بالتوفيق اخوي

اخي العزيز ملبورن

اخوك مبتعث من جهة عمله لاستراليا وان شاء الله تبدأ الدراسة بشهر 7 2009

عائلتي سوف ترافقني ان شاء الله بعد مضي سنة اللغة يعني راح ادخلهم استراليا بشهر 7 2010

هل استطيع اضافتهم معي في نفس الفيزا ويكون سفرهم بعد سنة من سفري

هل يجب ارفاق قبول لهم بالمدراس لاني واجهت هذا السؤال بالابلكيشن


الف شكر على مجهودك وجزاك الله الف خير

نعم اخي بإمكانك إضافتهم .. سواء عند إصدارك للفيزا من اول مره او بعد سنة من وصولك .. ماتفرق ,,


نعم اخوي لازم تجيب لهم قبولات مبدئية على الأقل عشان السفاره تتأكد ان ابناءك بيدرسوا ان شاء الله

بالتوفيق

السلام عليكم اخوي ملبورن انا ارسلت اوراقي و بأنتظار الفيزا ودراستي تبدأ يوم 18 يناير ...المشكله انه جالي ظرف وماقدر اذهب بنفس الوقت هل استطيع اخر الدراسه شهر ..مع العلم ان اوراق الفيزا مكتوب دراستي تبدأ 18 يناير بالمعهد ...هل اخر الدراسه والفيزا مع بعض ....... او الدراسه فقط

شااكر اهتمامك لنا

السلام عليكم ورحمة الله وبركاته ,,,,


عندي استفسار :

ماهو صيغة الخطاب الذي يتضمن السماح للمرافقه (الزوجة ) بالسفر ؟

لانه قدمت الفيزا على احد المكاتب وقال انه من المتطلبات تقديم خطاب منك يسمح بالمرافقه السفر معك , مع انه غير مذكور بموقع السفارة وأيضا اخونا Pagais لم يتطرق اليه ....


وشاكر لكم تعاونكم <<<

يعطيك العافيه اخوي ملبورن

انا ادرس في ماليزيا الان .. وابي احول الى استراليا

وماراح طبعا ارجع السعوديه .. يعني بخلص اجرائاتي من ماليزيا

وعندي قبول من احد الجامعات .. علما اني حاليا راح ادرس على حسابي

كيف اجرائات الفيزا هل عن طريق السفاره الاستراليه ام فيه مكاتب خاصه نسال عنها

طبعا انا اتكلم غير التقديم عن طريق الانترنت

ولك جزيل الشكر

وعليكم السلام ورحمة الله وبركاته

تأخر الدراسة فقط لمدة شهر والفيزا ماتتأثر بس اهم شي اذا صدرت الفيزا حاول تكون في استراليا خلال 3 اشهر من صدورها

بالتوفيق ياعزيزي




ما ادري ايش الي يخليك تقدم عن طريق مكتب ؟؟

ليش ماترسل اورقك عن طريق الآرامكس او تروح لإدارة الهجره بما انك في استراليا وتسأل اذا بإمكانك تقدم من عندهم ,,

عموما ماراح اقولك سوي خطاب او لاتسوي .. انتظر حسين باقيس هو أدرى بهالموضوع .. تقديري



اخوي بإمكانك تروح لإدارة الهجره الاسترالية في كوالالمبور ماليزا وتسأل اذا كان بإمكانك تقدم من عندهم .. وما اتوقع فيه اي إشكالية لأن الأبلكيشن الي تعبيه فيه اسأله لمكان إقامتك وبلد إقامتك الأصلي وهذي الأشياء اعتقد انها تعني انه بإمكانك تقدم من المكان الي انت فيه

عموما ما اطول عليك هذا رابط فيه عنوان ادارة الهجره في ماليزيا كوالالمبور وارقام الاتصال بهم

http://www.immi.gov.au/contacts/overseas/m/malaysia/


بالتوفيق ان شاء الله ..

شباب الله يعطيكم العافية

وش رايكم هل أقدم الفيزا عن طريق أرامكس أو أونلاين عن طريق idp