(¯`•._) ( الفيزا الأسترالية للطالب والمرافق على مبتعث .. بالتوفيق للجميع ) (¯`•._)

مستر مالبورن كيف حالك ان شاء الله بخير؟؟

حبيبي بس مريت اسلم عليك وانا اخوووك..

والله يوفقنا ويااااك

الى الاخ مالبرون
الاوراق المقصوده هي نموذج 919 ونموذج اقرار من الزوج على سماحه للزوجه بالسفر
علما انا موجود في استراليا الان ولكن اريد تأشيرة للزوجتي
وشكرا لك

سلمك ربي يامشعل .. ومشكور عالطلة الحلوهـ


لو رجعت للخلف تقريبا مابين 5 الى 7 صفحات راح تجد أحد الإخوان سأل نفس سؤالك وتمت الإجابه عليه بالكامل ..

المعذرهـ مستعجل ومافيني ادور على الرد ,, لكن موجود شرح لنفس حالتك قبل كم صفحه

واذا كان عندك استفسار ثاني إحنا حاضرين

شكرا على ردك.

اليوم اتصلوا عليا السفارة وسألوني مؤهل اخوي واسم المدرسة وسنة التخرج
اسم المدرسة مجمع الامير محمد بن سعود الكبير بس في الشهادة بدون الكبير
انا قلتلها اسم المدرسة ثانوية محمد بن سعود الكبير.
هل فيه مشكلة ؟
وبعدين خلص دوامهم وانا ما اتصلت عليهم علشان اعدل الاسم.

نداء الى الاخ مالبرون شكرا على مجهودك الجبار
ونا اخوك متورط مع هالمكاتب ماحد راضي يعبي النماذج ونا بيرث الان والمشكله الان اذا امكن شرح لنا كيفية تعبئة نموذج 919 وشكرا لك
وللعلم بحثت في الخلف وجد تعليق بسيط من احد الاخوه وشكرا لك مرة اخرى

اخي العزيز ملبورن:

لك مني اجمل التحايا.

انا مبتعث من جهة عملي وعند تعبئة نموذج الفيزا واجهت سؤالين متقاربين
رقم 35: حث يطلب بيانات العمل ان وجدت
رقم 36 : هل انت موظف حالياً

هل اقوم بالاجابة على 35 و 36 او اكتفي بـ 36 وفي حالة الاجابة على 35 تتطلب الفقرة رفم 1 تحديد بداية العمل ونهاية ، بداية العمل اوكي ماعندي مشكلة نهاية هنا المشكلة انا لازلت على رأس العمل اتركها فاضية او ؟؟؟؟

وبارك الله فيك

السلام عليكم ..انا قدمت الفيزا عن طريق ارامكس من 35 يوم بس توني اكتشف انهم كاتبين رقم الجواز خطا بالورقه اللي فيها رقم الرفرنس نمبر ...هل هذا ياثر ولا عادي .. مع العلم ان يوم اشيك على حاله الطلب يقولي لا يوجد تفاصيل !!!

لا اختي .. هم مايدققوا لهذي الدرجه وماتفرق معهم كثير .. فلاتشيلي هم ,,


اخوي يالغالي .. ماعندك احد من اصحابك فالمعهد يعرف انجليزي ؟؟!!

انا ماكنت اعرف انك تبي الترجمه .. كنت احسب انك تبي تعرف الإجراءات عشان كذا قلتلك تلقاها بالصفحات السابقه

عموما خلني اشيك على النموذج وارد عليك ان شاء الله .. المشكلة ماعندي سكانر !!


مافي مشكلة ولا شي .. اكتب انك على مازلت على رأس العمل او اتركها فاضيه ..

لأنك بما انك مبتعث من جهة عملك فأكيد انك تمتلك ضمان مالي من العمل وموجه للسفاره وبالتالي راح يعرفوا انك طول ما انت في استراليا انت مازلت تشتغل معهم والي يهمهم فقط فترة إقامتك في استراليا ,,


روحي عند المكتب وقوليلهم انكم كاتبين الرقم خطأ .. وخليهم يعدلوهـ لكي وقوليلهم انك لمن تراجعي الطلب يطلع "لايوجد تفاصيل"

اذا ماحصلتي منهم تجاوب اتصلي على السفاره واذا ماتعرفي انجليزي اطلبي انك تتكلمي مع شخص عربي .. واسأليه عن وضع فيزتك وليش ماتطلع بيانات حالة الطلب وراح يتساعدوا معاكي ان شاء الله



بالتوفيق للجميع

جاء قبول زوجتي (مبتعثه) من معهد شاملا تأمين طبي لها فقط من غير العائله (الزوج والأولاد)

هل يتطلب الحصول على الفيزا وجود تأمين طبي للمرافقين ؟

واذا كانت الاجابه نعم فكيف لي ان احصل على التامين للعائله كلها؟


ارجوا الافادة مع الدعاء لك بان يسدد الله خطاك وينير دربك على الصراط المستقيم

ولكل من في هذا المنتدى والمسلمين جميعا

الأمر بسيط ياعزيزي ..

اطلب من المعهد قبول آخر واشترط فيه تأمين صحي عائلي .. وأرسل لهم مايثبت ان المبتعثه متزوجه وتمتلك أطفال وبالتالي سيتم إصدار قبول جديد بالتأمين الصحي لجميع افراد العائلة ,,

بالتوفيق اخي