مبتعث مجتهد Senior Member
السعودية
hezen3000 , أنثى. مبتعث مجتهد Senior Member. من السعودية
, مبتعث فى السعودية
, تخصصى ...................
, بجامعة ....................
- ....................
- ...................
- أنثى
- ................, .................
- السعودية
- Jul 2008
المزيدl November 26th, 2008, 02:45 PM
نفس الي صار معي بس ماخذ زياده
لا ويقول الدكتور حنا أقل سعر مقارنه مع المستشفيات الباقيه
بصراحه ماعجبني المبالغه في السعر..
لدرجه انو كلمتهم مو وحده بعد ماطلعت من عند الدكتور تقولي الي بالاستقبال كم قالك الدكتور المبلغ!!
mmee November 26th, 2008, 02:51 PM
7 " يسلمووووووو على المعلومات المفيده
وبالتوفيق للجميع
أرنب وردي November 26th, 2008, 03:07 PM
7 " خخخخخخخخخخ
باقي شي ما ذكرتيه انا سويت الفحص عندهم بعد بس يوم دخلت عند الدكتور وقاعد يكشف قالي بعدين اشلح قلت وش يعني وش قصدك قال هذا الفحص اشلح ولا تعطلنا
قلت بس هذا من جد ما قاعد يمزح وش الخبل ذا
المهم في الاخير يشلحك من كل ملابسك خخخخخخخ ويستمر الكشف
بس الحمد لله كل شي تمام والامور تسهلت
سلطان الشهري November 26th, 2008, 09:56 PM
7 " يعطيكي العافيه عالتفصيل المفصّل
موضوع متعوب عليه ويستحق التميّز
بالتوفيق اختي .. والله لايحرمك الأجر ان شاء الله ,,
Mr.Melbourne November 26th, 2008, 10:00 PM
7 " ما شاء الله ،،،،، ما قصرتي اختي جزاك الله الف خير
بصراحة أنا عملت الفحص في نفس العيادة يوم السبت الماضي وبنفس التفاصيل بالضبط
أنا المبتعث بقيمة 1000 ريال
وزوجتي المرافقة ما عملت فحص دم 800 ريال
وبنتي عمرها 6 شهور 300 ريال
ولكني استغربت جدا على المبلغ اللي دفعته لاني اتصلت على الدكتور بعد يومين لأخذ ارقام الارسالية لي ولزوجتي ولبنتي
قال لي الدكتور الرقم واحد للارسالية كلكم نفس الارسالية
أجل ليش فحص زوجتي 800 ريال!!!!!!!!!!!!!!!!!!!!!!!!
مبتعث طامح November 27th, 2008, 01:47 AM
7 " عاد تصدق ذكرتني بموضوع كتبته السنه اللي فاتت هالوقت بالضبط ...كنت اول وحده يمكن من الدفعه الثالثه اسوي الفحص وبعدين كل اهل الشرقيه دليتهم عليه .......
رحت له قبل امس وسويت فحص علشان فحصي مر عليه سنه وابي اجدد الفيزا ....
وهالمره سوالي فحص دم ....يقول علشان تخصصي طبي ....
والنتيجه الاحد ......الله يستر .....مره خايفه
إنسانة طموحة November 29th, 2008, 02:37 AM
7 " 
LinkBack URL
About LinkBacks
و بيعطونك ثوب مفتوح من الظهر أصفر قطن شفاف جداً يعني وجوده و العدم واحد )
<<< شكلها بتسوق في استراليا خخخخخ 
November 26th, 2008, 02:45 PM
بما إن محد كتب موضوع عن الفحص الطبي في الشرقية قلت بسوي الفحص أنا و بكتب لكم الموضوع
بسم الله نبدأ
أولاً موقع العيادات :
في الدمام يكون على شارع مجمع الواحة التجاري .. يكون المجمع على يدك اليمين .. تمشي قدام و تنتظر الاشاره تفتح و تكمل مشي قدام لين تشوف على يدك اليسار صيدية الحياة بتشوف مواجه لها على يدك اليمين في الشارع الثاني عيادات الطب الدولي و لوحتهم كبيره وواضحة و تكون اللوحة باللون الاصفر و الكتابة باللون الأحمر .. طبعا تمشي شوي قدام لين تحصل لفة علشان ترجع على الشارع الثاني و تروح للعيادة ..
وقت الفحص :
الفحص الطبي عملته البارح الساعه 7 مساءاً كان موعدي .. أخذت الموعد قبله بيوم و أي وقت تبي المواعيد متوفرة و مافيش زحمة أبد .. و بالنسبة لدوام الدكتور المسائي من الساعة الخامسة إلى الساعة 8 و نصف .. و اسم الدكتور ميلاد شحاتة أخصائي باطنية ..
الأشياء المطلوبة :
صورتين شخصية - الجواز الأصلي - صندوق البريد و الرمز البريدي .
نجي للشرح من أول ماتدخل العيادات لين تخرج بالسلامة :
تدخل تروح للاستقبال و تقول لهم انا جاي اسوي الفحص الطبي ماخذ موعد و تقول لهم الاسم و يقولون لك هات الصور و الجواز و تسألك عن العمر و بعدين تجيلك ممرضة و تقولك تعال معي ..
تدخل غرفة كلها ممرضات و تجلس على كرسي و هم يعبون لك الاوراق عبارة عن استمارتين و كل ممرضة تعبي استمارة و تسألك بعض الاسئلة مثلاً ( وين رايح استراليا ولا نيزيلاندا - كم رقم صندوق البريد و الرمز البريدي ) و بعدين يسوون لك فحص وزن و طول و يسجلونه و يعطوك النموذجين توقع عليهم فقط و يسلمونك الجواز ..
و يعطوك ورقة يقولون لك روح الغرفة رقم 10 حق الاشعة طبعا بتطلع من الغرفة لا تجلس تدور ارقام عالغرف لأن مافي ارقام عليها اصلاً
بعدين تجي ممرضة هندية و تقولك إدخل للأشعة <<< طبعاً كل اللي شفتهم يشتغلوا هناك هنود و حتى المراجعين شفتهم هنود
عاد ألحين خاص للبنات لأني ماادري عن الاولاد هم مثلنا ولالا يعني الأولاد ياليت شوي ينزلو و يتركوا هالمقطع
( بتقولك الممرضة يابنتي أخلعي كل شي فوق
تروحي لغرفة الممرضات مرة ثانية بيقولون لك خلاص انتظري شوي بره دقيقة تقريباً و تجيك ممرضه تناديك تدخلي على الدكتور أنا كان معاي الوالد الله يحفظه و خليته يدخل معي ..
تجلسي يسألك الدكتور مليوووووووووون سؤال بقول لكم كل اللي أتذكره بس مش بالترتيب ..
1- هل عندك أمراض في الكلى ؟ هل عندك حساسية بالأنف أو الصدر ؟ هل معاك الضغط و السكر ؟
هل عندك مرض تكسر الدم ( السكلسل ) ؟ هل عندك مرض فقر الدم المنجلي ( G 6 B D ) ؟
2- هل عندك عادات معينة ؟ مثلاً هل تدخنين
3- إذا مرضتي مثلاً جتك إنفلونزا وين تروحي ؟ أي مستشفى ؟ هل حكومي ولا خاص ؟ و اسم المستشفى و رقم تلفونه بس إذا ماتعرفون الرقم عادي عطوه بس الاسم .
4- كم بتجلسي في استراليا ؟ قلت له عالاكثر 3 سنوات << قلي إنتِ ماجستير ؟ قلتله أيوه
5- من وين جبتي قبولك ؟ من أي مكتب ؟ قلتله ماجاني للحين .. قلي من الوزارة بتجيبه لك ؟ قلتله أيوه
6- هل طلعتي الفيزا ولا لسه ؟؟ << عاد هالسؤال مدري وش يبي أكيد ماطلعتها كيف بطلعها و ماسويت الفحص ؟؟؟!!!!!
7- في الخمس السنوات الأخيرة هل عشتي في غير السعودية ؟ طبعا إجابتي لا << المقصود المعيشة و ليست السفر لمدة قصيرة سياحة فقط
8- من وين بتجيبن الفيزا ؟ من أي مكتب ؟ قلتله من مكتب أرامكس .. سألني اللي بالخبر ولا الرياض ؟
9- أيش تخصصك اللي بتدرسيه ؟
<<< هذي الأسئلة اللي أتذكرها أتمنى مانسيت ولا سؤال و هو طبعاً قدامة الأوراق يعبيها على حسب إجاباتك
و بعدين يقولك توجهي للسرير علشان الفحص ..
عاد نجي ألحين للفحص أحسه دقيق مره :
أول شي فحص الضغط
أول شي تفتح بطنك و يسويلك فحص عالبطن و بعدين على التنفس على الصدر و الظهر ( خذي نفس خذي نفس ... ) و بعدين فحص الرجل و الأقدام و الساق بـــــــــــــــدقه و بعدين يفحص اليد و يضربك بالمطرقة على الركبتين و على المفاصل حق اليدين ..
و يقولك أبلعي و يحط يده على رقبتك و أنتِ تبلعي ..
و بعدين يقولك اجلس و مد يدينك لقدام و رجلينك و جلس يناظر في كفوفي وهو وجهه كذا
قلتله أيوه قلي واضح جداً من كفوفك
و بعدين بدأت الأسئلة :
من متى معاك الفقر ؟ و متى سويتي آخر مره فحص دم ؟ وووو
و قلي لازم فحص دم
و بعدين قلي و لازم تزيدي وزنك شوي
و قال الحين توجهي للطابق اللي فوق المختبر علشان فحص الدم و البول و أنتم بكرامة
و قلي دقي علينا بعد يومين علشان نعطيك رقم الارسالية و نتيجة الفحص
سألته طيب الحين لو طلع معي شي في الفحوصات هل هذا بيأثر على الفيزا ؟ قلي لا ان شاء الله انتي في السليم خلاص دام الأشعة فحصتها و مافيها شي و ماعندك أمراض خلاص بس هم يبون كل شي عن وضعك علشان يعرفون بالدقه وش فيك و أنتِ هناك ..
طبعاً السعر 800 ريال فقط للفحص و الإرسالية بس أنا علشان زيادة فحص الدم صار 1000 ريال
و قبل لا نطلع قل لنا خذو رقم جوالي من الورقة اللي على الباب علشان تدقوا علي بعد يومين عالجوال
و طلعت من الدكتور و توجهت للطابق الثاني المختبر و طبعاً رجال هندي اللي يسحب الدم و تسوي فحص البول و تسلمه له
و تنزل تتوجه للاستقبال تدفع الفلوس و يعطوك وسل بالمبلغ و الفاتورة عليها الختم ضروووووووري و تاخذها علشان بعدين تعطيها الملحقية علشان تعوضك ..
و تطلع من المستشفى و مع السلامة
أتمنى يكون الشرح كافي و أي سؤال ثاني أنا في الخدمة
و دعواتكم لي بتسهيل الأمور و التوفيق