هالدكتور يقول بيلغي بعثتي !!!!!

والله مافهمت ولا شيء
؟؟؟؟؟
وش دخل الالغاء في الدراسة سنتين في الدكتور العطية على ابو متعب؟؟؟؟؟؟؟؟؟؟؟؟؟؟؟؟؟؟؟؟؟

نتمنى الكتابة بالعربي
وشكرا

اخوي استهدي بالله وفهمنا وش السالفه حبه حبه

فعلا ... موضوعك ملخبط
وضح الذي تريده والشباب ما بيقصروا معك بإذن الله

معقوله اللي يصير ؟؟؟؟

على اي أساس يتم الانذار ؟؟؟

يا جماعة لحد يسكت عن هالموضوع لانه فيه للأسف ناس ما تخاف الله وموجوده بالملحقيات

الدعوه حسد والعياذ بالله

قمة الامراض و دناءة الاخلاق عند بعض موظفي الملحقيات
حسبنا الله ونعم الوكيل

لاحول ولا قوة الا بالله

هذا انذار ياشباب وصل غالبية طلاب معهد لا تروب اللي راسبين الشهر اللي راح

وبصراحه اللي ما رسب ومستواه ممتاز انصدم من الانذارات اللي وصلت الطلاب

المشكلة تهديد ومو عارفين ان معهد لا تروب يتقصد ترسيب الطلاب بسبب ان الحكومة امنعت الابتعاث الى معهد لاتروب وغير كذا المدرسين جدد من بداية شهر اكتوبر

ولانهم جدد مالهم خبره في التدريس كثير وهذا السبب أثر على مستوى الطلاب وليس تكاسلاً منهم كما ورد في الانذار

في الحقيقة كان ينبغي من الملحقية ان تستفسر قبل ان تهدد وتتوعد وتقول سوف نضع الانذار في ملفك ويلغى ابتعاثك

لكن ما نقول الا حسبنا الله ونعم الوكيل

صار المعهد هم علينا من ناحية المدرسين اللي مستواهم اقل من عادي والملحق بدال ما يصير عون صار فرعون..

لكن لله المشتكى ونسأل الله العون

حسبي الله ونعم الوكيل
خوفتونا واحنا الى الان في السعوديه
اذا كذا تعاملهم بطلنا يا زين اهلنا ووظيفتنا وعيال حارتنا

اخي كم لك فتره تدرس لغه

والي اعرفه انه يحق للمبتعث فتره لغه حد اقصى سنتين

غريبه

الحمدالله ان الابتعاث مو على حسابه ولا رحنا بخبر كانا

الحين انا ابي افهم شي واحد اللى قبله يعني ماكان يفهم ولا وش السالفه يعني من صار مكلف بالملحقيه جلس يحط قوانين من راسه العتيبي ولا وش السالفه ياخي خاف الله فينا لاتجلس تفرد عضلاتك علينا ترى ندري انك صرت مسؤول ومكلف ولكن مو بالطريقه هذي تعلمنا انك صرت مدير ياخي اذا فيك نشاط روح للجامعات واحشرهم ليه يسقطون الطلاب السعوديين اللى جايين على حساب الدوله وش السبب انت تبي تقولي ان الطلاب هم السبب طيب ياخي في طلاب سعوديين جايين على حسابهم ووقت التقييم اخذوو مستويات اعلى من مستوياتهم بتحديد المستوى وكل الطلبه السعوديين اللى مبتعثين على حساب الدوله ياخذون اقل مستوى بالمعهد ويتعمدون سقوطهم علشان الدراهم تخيلو معي مدرس انجليزي علشان جاي مبتعث على حساب الدوله يحطونه بـ 4a ياناس وش اللعب هذا ووصارت مكشوفه الحركه هذي كل الطلبه يعرفون انهم مراح ينجحون اذا باقي لهم وقت كثير مثال انا عندي سنه للغه مستحيل والفاونديشن بعد اللغه بثلاث شهور انا متاكد ان المعهد مراح يخليني اعدي خلال سنه لازم يسقطوني علشان عندي ثلاث شهور وقت فاضي وهم يبون يستفيدون فلوس وعلشان انا ما اجلس فاضي بعد يسقطوني طيب انا بالحاله هذي وش اسوي ؟ وانا مستعد اسوي اختبار بالملحقيه واثبت لهم اني ممتاز بالانجليزي ولكن لاحياتي لمن تنادي ياعتيبي خليك عون لاتصير فرعون وخلي الناس تدعي لك مو تدعي عليك اتقي الله في نفسك ولاتلعب في نفسيات الطلاب كفاااايه يرحم والديك البعثه كلها ذل بذل من اول يوم تقديم عليها وانتم تعاملونا كانا نشحذكم والله ما اذكر فيكم احد بالخير الا الدكتور على العطيه والبشري انا ما اعرف عنه شي بس في طلاب كثير يذكرونه بالخير جزاهم لله خير وياجعل ربي يوفقهم ويجزيهم الجنه ماقصرو مع كل الطلاب وكل الناس تدعي له بس انتم اللى يهديكم وتصيرون مثلهم ان شاء الله وعاملونا مثل ماتحبون ان تعاملو الله يخليكم ويوفقكم

طيب انا عندي اقتراح لك احسن من انذارك وش رايك تسوي للطلاب اللى يسقطون بالمعهد مرتين ورى بعض تسوي لهم اختبار بمعهد ثاني وتحت اشرافك وانت تتاكد بنفسك ان المشكله مو بالطلاب المشكله بالمعاهد اللى الملحقيه تتعامل مهم وبعدين اذا تبي تدور ورى اخطأنا ياخي روح شوف اخطائكم الحين بالله عليك تذكره قيمتها 2400 دولار تحسب على الملحقيه 4300 دولار ؟؟؟؟؟؟؟؟؟؟؟؟؟

بسم الله والصلاة والسلام على رسول الله

اول شي اخوي ترا الملف المرفق ماهو واضح

الشي الثاني

دراسة اللغه في استراليا مدتها سنه ونص

تدرس سنه واذا ما قدرت تعدي تمدد نص

على ما اذكر ان المسموح لطالب 60 او 65 اسبوع



بالنسبه للاخ اللي يتكلم عن معهد لاتروب


اخوي حنى نعاني من نفس المشكله وتقابلنا مع الدكتور علي البشري عشان هالموضوع باحد الزيارات له

قال انت امام خيارين

اما انكم تجيب اختبار الايلتس او انكم تجلسون بمعاهدكم وتسكتون لان ما بيدنا شي نسويه



بالنسبه للي عنده قبول بمعهد لغه والمعهد يسوي نفس الحركه يعني يرسب الطلاب


ترا يحق لاي لطالب تغيير واحد فقط حسب ما اعرف والتغيير هذا تاخذه غصب عن اللي ما يرضاء

اذا قالك الموظف بالملحقيه مقدر او شي على طول سو فوروورد وارسل رساله لمسؤله واذا المسؤل رفض ارسل للمسؤل عن الاثنين الين ترسل الرساله لدكتورالبشري
سو لرساله اعادت توجيه فوروورد لا تكتب رساله جديده عشان يشوفها الدكتور البشري


الشي الاخير اللي يبي يرسل رساله لايميل الدكتور علي البشري انسخ رابط الصفحه هذي وارفقه مع رسالتك عشان يشوف ردة فعل الطلاب لان ايد وحده ماتصفق

بالاخير كل اللي اقوله لكم التوفيق