اش سويت بعد مااخدت قبولي من الملتقى الرابع؟؟؟؟؟؟؟؟؟؟

بسم الله الرحمن الرحيم
السلام عليكم ورحمة الله وبركاته
في بداية دا الموضوع احب أبارك لجميع من تم قبولهم ببرنامج خادم الحرمين الشريفين الملك عبدالله بن عبدالعزيز_حفظه الله ورعاه_ المرحلة الرابعة
وخصوصاً أصحابنا وصاحباتنا باستراليا
معليش ع المقدمة اللي تقول رايح اخطب ههههههههههه
ندخل بالموضوع:-
أنا طالب انقبلت ولله الحمد باستراليا بسدني اللي انقبل زيي بنفس المدينة يرفع يده
المهم أنا بمعهد انسيرش دا طبعاً على ماسمعت وعرفت وطقست .....الخ افضل معهد باستراليا
بس الجامعه يقولو تصنيفها C يعني مدري كيف اللي هيا جامعة سيدني للتكنولوجيا
تخصص تقنية معلومات اللي معي بنفس الجامعه والتخصص ياويله مني
احكيكم القصة بالتفصيل اش سويت من بداية الملتقى حتى يومكم دا
كان ياماكان فيه طالب تخرج من الجامعه تخصص علوم حاسب قدم ع بعثة وجاته
المهم في يوم الجمعه الماضي مو دا اللي قبلو رحنا الملتقى عشان المبتعثين المهم
حضرنا اخدنا قبولاتنا من مكتب ايجيك رحت لهم وأنا كدا
رحت عند الموظف المخصص لي واصل ههههههههههه
ماعنده سالفه >>>>>>>>>>>>>
المهم كلمت الموظف واخد معلومات مني ووقعت ع اوراق عشان الفيزا ودفعت لهم 1850 ريال
للفيزا و350 ريال للمكتب لازم يااصحاببي تاخدو فاتوره عشان تطالبو تعويض لمن توصلو هناك بالملحقية المهم وتصورها وبعدها بيوم رحت عند عيادات عبدالرحمن عداس لأني حجزت من أول
ودفعت 500 ريال واخدت فاتوره كمان عشان التعويض
الكشف كان بسيط اخد مني ساعة زمن مع الاشعه والتحاليل
دخلت عند الدكتور
وقالي عندك مشاكل صحية بالقلب والكلى سويت عمليات تدخن .........الخ
بعدها قاس لي الضغط ونبضات القلب والنظر والطول والوزن وقالي روح اسحب فلوس الشبكة ماكانت شغالة سواق والله رحت اسحب فلوس ورحت سويت الاشعه بالدور السادس
وبعدها رحت سويت تحاليل بس طلبو تحليل بول الله يكرمكم
بعدها اخدت نتيجة الاشعه ورحت عند الدكتور واعطيته الاشعه وبعدين حط نتايج الاشعه والتحاليل والكشف بظرف ارامكس واعطاني رقم ارسالية لازم تاخدو رقم الارسالية ضروري عشان تدو الموظف حق المكتب الرقم دا بعد ماتاخدو الرقم تروحو جرررررررررررررررري ع المكتب
تدوه رقم الارسالية عشان ماتتأخروو بالفيزا
وتوته توته خلصت الحتوته
أي سؤال استفسار أنا جاهز مو تفصيل
اشوفكم ع خير يااحبائي
بمان الكريم