التقديم على الفيزا اون لاين ( بالخطوات حصريا على مبتعث)

ألضمان المالى ما يحتاج لانه اسمك موجود في السفاره
الوزارة رفعت اسماء المبتعثين للسفاره

سؤال سريع ويبي اجابه

وين القى كود الـcoe انا جتني ثلاث اوراق
1-genreral english
2-academic
3- التخصص

وكل وحده ولها رقم اعلى الصفحه ؟؟؟

طبعا يوم طلب مني كم مده الدراسه ومتى التاريخ حطيت اربع سنوات وبتاريخها ؟؟؟

حطهم ثلاثتهم اخوي ...فيه زر تضغطه تقدر تضيف اكثر من واحد .....
يعني لما تضيف وحده تضغط ادد انذر
وحطهم كلهم لازم

بالتوفيق

ايهاختي من بعد ماشغلت مخي عرفتها لكن هذي النقطه الثانيه مافهمتها

Entry to Australian hospitals or health care facilities Provide details, including reasons, of any Australian hospital or other health care facility (for example, a dentist surgery, private health care clinic, nursing home, pathology laboratory, ambulance station, or community or rural nursing facility) that you or any person included in this application, intend to enter for any purpose during your proposed stay in Australia.

راح اتعبكم معي بس استحملوني

السلام عليكم

ابغى اسالكم واتأكد منكم

من الاشياء اللي تحتاجها الفيزا

1. القبول النهائي اللغه
2. كشف حساب باسم زوجي(انا اللي ابدرس ينفع يكون با اسمه كشف الحساب)
3.شهاده بنكيه بااسم زوجي
4. فحص طبي (رقم الارساليه)
5.الجواز يكون مصدق من (انا ابصدقه من السفاره الاستراليه يعني اتصل عليهم ايش اقولهم ابجي اصدق الجواز)
6.اترجم شهادة العائله
7.ادفع رسوم الفيزا
8.ارسل اخر شهاده معي حتى لو بعد التخرج درست دورات ارسلها دارسه icdl ولا استفدت منها بس شكلي ابحطها ينفع

الحين انا ابروح ادرس على حسابي وزوجي مرافق الفيزا هل هي انواع ولا كيف


بليز اذا فيه شي فوق ناقص احد يعلمني كذا اوكي

ايوه نسيت المرافق يرفق اوراق تخصه ولا يكفي جوازه

كمان نرفق احتياط خطاب انه زوجي بتكفل بالمصاريف
خايفه انه كشف الحساب اذا صار مو نفس الشخص اللي بيدرس ما ينفع

اسمحي لي أختي إنسانة طموحة بالرد هنا:

اتصلت بالسفارة قبل ثلاثة أيام وطلبت موعد لتصديق جوازات أفراد عائلتي فأخبرتني الموظفة (استرالية) بأنها لا داعي لتصديق الجواز (أو الجوازات) إلا إذا طلب مكتب الهجرة (أو القنصلية) ذلك؛ طبعاً أنا أتكلم هنا عن التقديم عن طريق الأنترنت وليس إرسال الأوراق عبر أحد المكاتب المعتمدة.

هلا اخوي

انا ابرسل اوراقي اون لاين
يعني نفس طريقه انسانه طموحه
تكفى ترا شايله هم المشورا
ماراح ارسل عن طريق مكتب مابعد انهبلت

يعني ما يحتاج تصديق جواز اذا كان اون لاين

أختي بالنسبه للتقديم اون لاين تقدمين عااادي جدا مثل الخطوات الي كاتبتها اختنا الغاليه انسانه طموحه..

مطلوب الأرقام حقت القبول النهائي الي تجي فوق يمين كبيره شووي..

وتكتبين مده الدراسه..

بعدين بيطلبون منك الكشف الطبي واي شي ثاني يحتاجونه..

من ناحيه التصديق على الجواز اذا طلبوا منك صدقيه من السفاره الأستراليه..

انا صدقت من مكتب محاماه وارسلته لهم قالوا لي مو واضح ارسلنا الجواز مو مصور..

وطلبوا مني وش كنت اسوي بعد الثانويه العامه انا صار لي متخرج سنتين..

يعني في البدايه ماطلبوا مني ولا ورقه ولا شهاده ولا ضمان ولا شي..

بعدين صاروا يرسلون لي الي يبغون مني..

وانا جالس انتظر..

المطلوب منك الأن واااحد يعرف انقلش يجلس جنبك ويسألك وانتي تجاوبينه..

بالنسبه للضمان الي هو كشف الحساب هذي كلها قبل التقديم هذي علشان تجيبين القبول النهائي..

اتمنى انك فهمتيني..
وانا افدتك..

وبالتوفيق ان شاء الله للجميع..

بالنسبه للمرافق والله ماعندي خلفيه عنه..

لأني انا مقدم لوحدي..

اتمنى من الأخت انسانه طموحه تعقب على معلومات للأخت جروح..

وشكرا لكم