هل يوجد تخصص الشبكات ؟

وعليكم السلام ورحمة الله وبركاته ,,


فيه جامعة RMIT بملبورن وعندهم تخصصين ..

الاول هندسة شبكات الحاسب الآلي .. ومدة الدراسة 3 سنوات بعد المعادله ,,

الثاني تقنية معلومات والتخصص الدقيق برمجة شبكات الحاسب الآلي .. ومدة الدراسة سنتين بعد المعادلة ,,

الجامعه الثانية هي جامعة سوينبرن وعندهم ايضا تخصصين ,,

الاول هندسة شبكات واتصالات .. ومدة الدراسة سنتين ونصف بعد المعادلة او 3 سنوات في اسواء الاحوال

الثاني شبكات الحاسب الآلي ,, ومدة الدراسة سنة ونصف او سنتين بعد المعادلة ,,


طبعا الجامعتين في ملبورن .. وهذي الجامعتين الوحيده المعتمده من الوزاره الي اعرفها تدرس تخصص الشبكات ,,

بالتوفيق اخوي

راح ارد عليك على حسب فهمي لسؤالك ..

راح تعادل لك في السعودية درجة الماجستير كاملة بدون اي نقصان ..

يعني لو انك دارس مثلا بكالوريوس بالسعوديه ورحت استراليا عشان تدرس ماجستير كم تتوقع يعادل البكالوريوس في استراليا ؟؟

اكيد بكالوريوس صح .. وهذا الي خلاهم يعطونك ماجستير لمدة سنه

لكن لو انك دارس مثلا بكالوريوس لغه عربيه .. وتبي تدرس ماجستير حاسب آلي .. ماراح يعطونك برنامج ماجستير مدته سنه .. لأن خلفيتك ماكانت في مجال الحاسب

وغالبا راح تدرس ترم او سنه إضافية على مدة الماجستير عشان يصير الماجستير كامل ..


اتمنى تكون وصلت الفكره ,,




ترى هالكلمه والله تزّعل ... يالغالي احنا متواجدين في المنتدى بكامل قوانا العقليه وبدون اي مبالغ ماديه .. ماحنا مجبورين عليكم مثل موظفي الوزاره او المكاتب ..

هل تتوقع من شخص متواجد بالمنتدى تطوعا انه ممكن يطفش او يمل او يتعب من اسئلة الناس .. يا اخي لو اجلس 24 ساعه على المنتدى ارد عليكم ماطفشت والله ,,

لاتشكر ولا تسأل عن مدى راحتي بالتواجد هنا او الرد على الاستفسارات .. كل الي ابغاه انا وكل شخص في مبتعث يساعد دعوه في ظهر الغيب .. مو على المنتدى .. في ظهر الغيب يالغالي عشان تكون صادقه لله تعالى وتتيسر امورنا دنيوينا ونتحصل على الاجر يوم القيامه ,,


تقديري لك يا رسم الكلام ..

بجــد ما أني عارف كيف أرد عليك مستر ملبورنـ

لكن بقول الله يجعل كل ماتقدمه في موازين حسناتك إن شاء الله ..

وأنا خريج كلية معلمين تخصص حاسب آلي بكالرويوس..

سؤالي كان الماجستير لدراستي سنه كامله فقط .

ممكن تكون المعادلة سنتين لما أرجع للسعودية..؟

ماعليش انا ماني فاهم كيف يعادلون الشهادة.

موضوع المعادله بسيط جدا .. اولا حط في بالك انه ماتحتاج للمعادله الا اذا اردت اكمال دراستك

يعني لو رحت لشركه عشان تشتغل فيها محد راح يقولك جيب شهادتك عشان نعادلها لك .. لكن راح يسألونك ايش درجتك العلمية وراح تكون بالتأكيد ماجستير وماتفرق المده حتى لو ترم واحد واسمها ماجستير من جامعه معتمده

بالنسبه للجامعات .. المعادله تكون على دراستك .. يعني مثل ماذكرت انت انك خريج حاسب آلي

ولمن ارسلت كشف درجاتك لجامعه ار ام اي تي شافوا ان المواد الي درستها انت في البكالوريوس كلها تعادل المواد الي عندهم لأن المواد في العالم كلها وحده

وبالتالي دراستك في الماجستير راح تكون لمدة سنة او سنه ونصف على حسب التخصص الدقيق

لكن خلينا ناخذ واحد خريج مثلا من اللغه الانجليزيه او خريج مثلا ادارة اعمال .. ويبغى يكمل ماجستير حاسب آلي .. الجامعه وقتها راح تشوف انه مادرس حاسب الي في البكالوريوس وبالتالي لو مثلا بيدرس نفس الماجستير الي انت بتدرسه ومدته سنه .. الجامعه راح تخلي مدة الماجستير حقه سنتين .. السنه الاولى تكون مواد عامه في الحاسب الآلي .. مثل الي انت درستها في البكالوريوس .. والسنه الثانيه هي نفس المواد الي انت بتدرسها ..

فهمت علي ,,

لذلك انت امورك طبيعيه مثلك مثل اي طالب راح يكون عنده شهاده جامعيه بدرجة ماجستير .. ومحد راح يقولك عادل شهادتك ..

اذا كنت مستقبلا راح تكمل دكتوراه .. فغالبا راح تدرس ترم إضافي قبل الدكتوراه يعلمك على طريقة عمل البحوث .. لأنه لو دراستك مدتها سنه راح تكون كلها مواد ومافيها بحث

وبعض التخصصات تكون مدة الدراسه فيها سنه ونصف او سنتين .. ويكون آخر ترم بحثي ..

وطبعا تسمى دراسة الماجستير بالكورس ورك منتهيه ببحث .. بعكس تخصصك الي راح يكون ماجستير عادي كله كورس ورك .. وممكن ايضا تحصل نفس تخصصك ونفس دراستك وكلها بحث لمدة سنة كامله

وعموما لإكمال الدكتوراه يجب انك تكون دارس تخصص بالبحث او انه مواد بس منتهي بالبحث ,,


اتمنى تكون وصلت المعلومات .. والي مافهمته قلي عليه واعيده لك بطريقه آخرى

الله يعطيك العافيه ،،، وسلمت يمينك إن شاء الله

حصلت على المعلومة اللي ابي اوصل لها

شاكر ومقدر أخوي

تحيــاتي لك

مشكوووووووووووووور الله يعطيكـ العافية و ميلبورن ليست غريبة علي !

مشكور مره أخرى Mr.Melbourne

والله ما تدري ان اصحابي ع الماسنجر واقابلهم لما نتكلم عن استراليا يدعون لك وكل خبر يقولون مستر ملبورن يقول ويقول
يعني والله دعوات تجي لك ونت ما تدري عنها
حبيت اوضح لك هالنقطية ياغالي
والله يوفقك وييسر لك الخيرر