©{« هام بخصوص الصرف للقادمين لاستراليا نصائحي لكم »}©

السلام عليكم ورحمة الله وبركاته
حياك الله اخوي الغالي wes 4 u .
بالنسبة للتحويل كلامك صحيح , الصرافين ارخص من البنوك .
وفي معلومة ثانية راح تفيدك والاخوان الكرام , لو تلاحظ سعر الصرف الحين تقريبا 2.48 دولار , وهذا سعر نازل عن امس , لانه فية علاقة طردية بس سعر الدولار والذهب .
يعني لو الذهب ارتفع راح يرتفع الدولار والعكس صحيح . والذهب هذه اللحظة نازل 10 دولار للاونصة .
وبالنسبة للبطاقة مسبقة الدفع يالغالي , انا طلعتها من البنك الاهلي , وانا سألت عنها في عدة بنوك , وللاسف ماهي موجوده الا في البنك الاهلي حسب علمي .
طبعا يلزم حساب في البنك الاهلي , وبعد فتح الحساب لازم يكون فيه مبلغ 170 ريال او 130 ريال .
وبعد كذا تعبي طلب الفيزا , وراح ينخصم من حسابك 100 ريال رسوم تأسيس + 70 ريال قيمة الارسالية عن طريق دي اتش ال , وانا انصح انك تختار الدي اتش ال ولا تختار البريد , اسرع وعلشان تفتك من عوار الراس , لانه راح تجيك رسالتين وحده فيها الفيزا , وبعد يوم الى يومين الرقم السري .
وبالنسبة للاستخدام خارج السعودية ماعليها رسوم ولاكن فرق العملة طبعا هذا حسب كلام موظفين البنك الاهلي , وعلى فكرة انا سألت اكثر من موظف علشان اتأكد من المعلومة هذه .
البطاقة ممتازة جدا , انا انصح بأستخدامها في المشتريات فقط علشان تفتك من شبة الحلال والحرام .
وفق الله الجميع الى كل خير .

ليش تعور راسك وتبي بطاقه تشيل غير الريال

الشيكات اللي تسويها البنوك تقدر تسويها بالدولار الاسترالي

تعطيهم الفلوس اللي صرفتها استرالي للبنك ويعملك فيها شيك ينصرف في استراليا

في المدينه اللي تبغاها هذا اللي اعرفه

معلومه مهمه
اللي عنده حساب في الاهلي وعنده بطاقه مسبقة الدفع
لا يحط الفلوس اللي بياخذها معاه في حساب الاهلي العادي

لازم يحطها في مسبقة الدفع

لانه لو حطها في الاهلي العادي وراح استراليا وسحب من هناك
عن طريق الصرافات اللي هناك

راح ياخذون عموله للبنك لانك تصرف من برا السعوديه
العموله على كل سحبه من الصراف راح ياخذون 70 ريال

ولكن لو تحط فلوسك من هنا على مسبقة الدفع لما تصرف من هناك

ماراح ياخذون عليك ولا فوائد ولا اي شي

اللي اشوفه الواحد ياخذ معاه كاش
من هنا بس 1000دولار استرالي
او 800 دولار استرالي ففط

والباقي يحطه في بطاقه الاهلي مسبقة الدفع

واذا وصل هناك وفتح حساب في البنك اللي هناك يحول الفلوس على البنك اللي هناك

اتمنى اكون افدتكم

بالتوفيق للجميع مع الصرف والله حاله

اقوووووووول ابغى ارسلك الفلوس وتصرفلي اياها ياشيخ ماهي راضيه تنصرف

رحت اليوم للمحل اللي قلت عليه عند مشروع مكة كنتاكي ويقول خلصت الدولارات الاسترالية عنده قبل يومين )))))) شفت النحاسه

شو اسوي الحين يقول الرجال حطيها بشيكات سياحية المبلغ بالريال وهناك اصرفه لدولار

بس كذا راح اتورط هناك يمكن لما اسافر يكون الدولار طالع مره صح

اسعفوني بليييييييييييز